夏博義
夏博義（Paul Harris），香港法律界人仕，香港大律師公會前主席，曾經係英國自由民主黨成員，又做過英國區議員[1]，不時關注香港人權問題，有份同香港大律師公會前主席戴啟思、香港大學法律學院教授陳文敏等人喺1995年創立香港人權監察[2][3]。
反送中運動期間[編輯]
2019年香港反送中運動期間，大批示威者被捕，夏博義曾為一啲人出庭辯護[4][5]。不過曾經有一啲人想搵佢幫手，除咗被法援署拒絕而無提供理由之外，甚至有被告被法援署人員恐嚇話唔可以請夏博義[6]。
當選大律師公會主席[編輯]
2020年中，北京未經諮詢或香港人同意強行落實嘅《港版國安法》，引起部分人士批評。佢喺2021年1月當選做大律師公會主席，期間曾經批評唔符合法治精神，但之後又話只係對個別條文有意見[2]。對於佢擔任香港大律師公會主席，中聯辦曾經對佢大肆攻擊[3]，並且喺一年內利用文匯、大公兩大左報合共有多達 155 篇報道或專欄文章去批評佢，就連佢善意建建議修改國安法，呢兩份報章都話佢抹黑[1]，佢嘅任期喺2022年1月結束，並放棄爭取連任[2]。
離港[編輯]
2022年2月，香港警察引用《港版國安法》，對佢進行警誡，有報道指，呢次警誡係同香港人權監察有關，之後佢攜同妻兒乘飛機離港[2][7]。
參考[編輯]
- ↑ 1.0 1.1 〈夏博義涉違國安法接受調查 任主席一年 左報 155 篇文章極力針對 | 新聞精選 | 同文 Commons〉. commonshk.com (香港中文). 喺2022-03-02搵到.
- ↑ 2.0 2.1 2.2 2.3 TNL香港編輯 (2022-03-01). 〈香港晚報：報導指夏博義被要求助國安調查，與「香港人權監察」有關〉. 《The News Lens 關鍵評論網》 (中文). 喺2022-03-02搵到.
- ↑ 3.0 3.1 〈【警誡會面】國安處「警誡會面」大律師公會前主席 消息：夏博義沒被捕〉. Radio Free Asia (英文). 喺2022-03-02搵到.
- ↑ 聯合新聞網 (2022-03-02). 〈港媒：大律師公會前主席夏博義離港 | 聯合新聞網：最懂你的新聞網站〉. 《聯合新聞網》 (中文). 喺2022-03-02搵到.
{{cite web}}: CS1 maint: url-status (link) - ↑ 民間全民電視公司 (2022-03-02). 〈香港大律師公會前主席夏博義 涉違國安法被查〉. 《民視新聞網》 (繁體中文). 喺2022-03-02搵到.
- ↑ 〈消息稱法援署拒絕夏博義代表國安法被告「美隊2.0」〉. 《大紀元時報 香港｜獨立敢言的良心媒體》 (香港中文). 2021-12-01. 喺2022-03-02搵到.
- ↑ am730. 〈港區國安法｜夏博義遭警國安處警誡會面後 據報昨晚攜妻兒乘飛機離港〉. am730 (中文). 喺2022-03-02搵到.