靴拔·胡佛

靴拔·胡佛

靴拔·胡佛（英文：Herbert Clark Hoover，1874年8月10號—1964年10月20號），官方中文翻譯胡華，係第31任美國總統（1929年─1933年）。

胡佛喺大蕭條嘅時候做總統，當時美國經濟好差，所以佢變得好唔受歡迎，喺1932年總統選舉輸咗俾民主黨嘅富蘭克林·羅斯福，佢做完總統退休嘅時間有三十一年，係退休時間最長嘅總統其中之一。歷史學家多數認為胡佛輸咗連任嘅主要係因為佢未能抑制經濟下滑同當時美國人反對佢嘅禁酒法。胡佛嘅其他缺點仲包括唔夠吸引對選民嘅魅力，同埋佢同其他政治家合作得唔好等。所以就算胡佛嘅名譽喺哈里·杜魯門同德懷特·艾森豪威爾時代嘅表現有所恢復，但係喺現今嘅美國總統歷史排名入面，胡佛嘅排位通常都好低。