夏櫟

樹

葉、實

夏櫟、長柄櫟、英國櫟、歐洲白櫟、歐洲有柄橡木、夏橡、英國橡，樹一種，成熟時大樹來㗎，喺歐洲為櫟木代表。開花植物，殼斗科之下，生物分類歸櫟屬櫟亞屬。原生歐洲、西亞，廣泛栽培去其他溫帶地方。由於歐洲生得好廣下，各地有好多唔同名，例如德國又叫佢德國櫟。

中意低地土壤，酸鹼度近中性，對自然生態系統重要而聞名，支持生物多樣化，有植食性昆蟲、食橡實哺乳動物、雀鳥，同埋種種真菌。

壽命非常長，生過五百年，有樣本過千年。樹皮厚而多裂紋。

拉丁學名Quercus robur，種小名講佢夠堅夠有力，由林奈初次描述。英文名pedunculate oak，話佢有梗櫟，同無梗櫟相對。唐名夏櫟相對於冬櫟而言，歐洲兩種主要櫟木，如德文夏櫟叫Sommereiche，冬櫟叫Wintereiche。

微風中會沙沙柔聲。

描述

落葉樹，成熟高約廿公尺，有時高達卌公尺 ，一般主幹，好粗，胸高周長達四公尺，有時會過十公尺， 截頂樣本見過十四公尺。 老嘅通常截頂，令主幹剩三公高長。截頂往往長命過未截頂，樹幹會變更粗。

樹皮。

樹冠外展，高低不均，唔規則圓頂，樹身往往有粗大下層樹枝。樹皮灰褐，紋理深密，有垂直板狀裂紋。樹幹有大瘤突起，生好多細嫩枝。樹本身唔會根生出吸芽，但係修剪或雷擊之後，恢復得快。嫩枝無毛，芽呈卵形，帶啡色而且尖。

葉沿幼枝互生，呈闊橢圓形卵形，長十到十二公分、闊七八公分。葉柄短，一般得二三公釐。葉基呈心形，帶耳狀突起，有三到六個圓形裂片，分裂深度唔過葉脈一半。葉面無毛或葉背些少簡單細毛，面深綠底淡，秋葉面往往有細小盤狀癭覆蓋。

雄花

花

春天開花，北歐西曆五月初，靠風授粉。雄花窄柔荑花序，長二到四公分，排成小束。雌花細，啡色，有深紅柱頭，直徑約二公釐，生於新梢頂端，花梗長約二到五公分。

果

果叫橡實，成串着生，一串兩三粒，着生果梗，果梗長約到至八公分。實長十五到四十公釐，卵形帶尖端，初時呈灰白綠，其後轉為啡色，最後變黑。外圍有獨特而淺杯狀殼，辨認物種相當有用。佢隔年結果，每隔一年先會結出大量果實。

化學

酚類化合物

• 大寧與鞣花單寧丁
• 栗木鞣花素與香栗鞣花單寧
• 沒食子酸
• 葡萄醣没食子鞣甙
• 沒食子鞣酸稀釋內酯
• 單沒食子酰葡萄醣
• 二沒食子醯葡萄醣
• 三沒食子醯葡萄醣
• 鼠李醣
• 槲皮苷
• 鞣花酸

心材

• 皂苷

類似物種

好易同無梗花櫟搞亂，皆因兩者範圍大部分重疊。夏櫟可辨特徵有，葉基有耳狀突起，葉柄極短，橡實成串着生喺長果梗，葉背無星狀毛。兩者野外會雜交得玫瑰櫟。

亦會同土耳其櫟搞亂。呢隻物種冬芽上有明顯鬚毛，葉裂片更深，往往過葉脈一半。橡實杯同夏櫟好唔同。

分類

一七五三年已歸入櫟屬，成拉丁學名Quercus robur。之後細分入櫟亞屬。

基因組已經完整定序，第一版喺二〇一六年發表，含十二對染色體，二倍體即廿四條，大約二萬六千個基因，同七億五千萬個鹼基對。

有好多異名，命名唔同品種同亞種。[1] 伊比利亞半島、意大利、東南歐、小亞細亞、高加索族群，有時會睇成獨立物種，分別有

• 靳塔布里亞櫟
• 短梗夏櫟
• 長梗夏櫟
• 哈氏夏櫟

自然已有玫瑰櫟，唯一天然雜交種。人工栽培有其他雜交種：

• 雙世界櫟。白櫟夏櫟混種。
• 遺產櫟。大果櫟夏櫟混種。
• 端納櫟。冬青櫟夏櫟混種。
• 華氏櫟。澤生櫟夏櫟混種。

分佈

原生於歐洲、西亞大多數地方，其他溫帶地方廣泛栽培。

棲息地、生態

長命樹，生喺高樹冠林、萌芽林、牧林。種做樹籬都常見。佢好少生喺白堊、石灰岩呢種薄而排水良好土壤。有時生喺澤地、河流、池塘邊，耐間歇水浸。

古樹

偏好日照充足、氣溫適中、濕度適中、土壤酸鹼適中、營養水平範圍廣、鹽度低。

櫟癭

英國佢同生態關聯，二〇一九年計，昆蟲、苔蘚、地衣、雀、哺乳類等生物，有二千三百種。有物種靠其他樹種，但亦有全靠佢。

原生分佈範圍內，佢對昆蟲等野生動物好重要，備受重視，英國最多植食性昆蟲物種靠佢為食，至少四百種。

至出名成癭昆蟲，有卅五種。櫟癭常見，而橡實杯癭蜂會喺橡實杯上成刺癭。樹枝有兩種球癭，大理石癭出自大理石癭蜂、可樂果癭出自可樂果癭蜂，前者無咁粗糙，後者就粗糙啲。癭上有個孔，代表癭蜂飛走咗。如果有幾個細孔，代表有其他昆蟲寄生，寄生者出咗先。

閃片癭蜂喺葉背佈滿閃片癭，落葉依然留喺葉上。

枝上大理石瘿

癭中以櫟癭至突出，似海綿波直徑卌五公釐，櫟癭蜂用芽造。洋蓟瘿蜂造菠蘿癭唔太常見，不過好易認。

櫟

毛蟲種類多寡，隨樹齡增加， 藍山雀同大山雀會孵蛋到葉開時。 毛蟲種類包括冬尺蠖蛾、櫟綠卷蛾、灰裙尺蠖蛾，喺五月初次生嫩葉變到非常之多，但樹會喺年內稍後，重新生返啲葉。

無梗花櫟會四到十年先大量結果，而夏櫟就隔年一次，好多細哺乳動物、部分雀鳥靠佢做糧，尤其松鴉。商業種植之前，主要靠松鴉播種，而家喺野生仍然咁。佢哋會將橡實由母樹樹蔭下叼走，完整咁埋喺其他地方。

用

櫟板上橡實，唔用成熟階段。

林業所種，心材持久耐用，室內、傢俬都多需求。鑑別木材睇橫截面，垂直於纖維方向。

年輪明顯，闊而深啡淺啡相間。早材部分有大量大型導管，直徑半公釐。有細綫十分一公釐，輻射狀貫通年輪，或黃或淺啡。密度每立方米七百二十公斤。

另外，橡實單寧含量高而苦，烤而磨粉，可做咖啡代替品。

文化

斯堪的納維亞視為雷樹，代表雷神托爾。 芬蘭話叫世界樹，大櫟生到擋天日月運行，必須砍伐，釋放魔力，從而創造咗銀河。 法國來講，高盧人視佢為神聖。德魯伊會斬斷佢哋身上槲寄生。基督教化之後，視為保護，因為閃電會擊中佢，替代附近居民。雷擊樹會變成崇拜地方。

一七四六年，芬蘭法律列佢做王室財產，早喺十七世紀受到法律保護。芬蘭西南當佢做區樹。

法國大革命經常種來做自由之樹。有樖一八四八年種落，納粹摧毀奧哈多雪蘭後仍然倖存。戴高樂將軍逝世消息公布後，漫畫家積高費桑以冧樹象徵佢。

塞爾維亞市徽櫟木

塞爾維亞睇成國徵 。

塞爾維亞神聖樹

英國有國徽地位，源自波士高屋一樖，當時未係英王嘅查理斯二世，一六五〇年英國內戰期間，畀國會派圓顱黨喺追殺。佢喺匿係樖樹，日後叫皇家櫟。年年英曆五月廿九號，全國各地慶祝，叫櫟蘋果日，部分社區延續至今。

英國古夏櫟

經常有人聲稱英國嘅古老橡樹比歐洲其他地方加埋都多。 呢個係基於 Aljos Farjon 喺皇家植物園嘅研究，佢發現英國有115棵橡樹（兩種）嘅周長都係9米或以上，而歐洲只有96棵。呢個係因為中世紀嘅鹿公園喺呢個景觀中持續存在。 橡樹陛下，周長係12.2 m（40 ft） ，係大英帝國最厚嘅樹。 挪威嘅布魯雷卡（新娘橡樹），周長係10.86 m（35.6 ft） （喺2018年） 同埋拉脫維亞嘅凱夫橡樹，周長係10.2 m（33 ft）係北歐最粗嘅樹之一。