夏茖島

夏茖島

夏茖島（波斯文：جزیره خارگ，寫做 Kherg Island 或 Khark Island，又有「禁島」之稱） 係伊朗喺波斯灣入面嘅一個大島。距離伊朗海岸大約二十五公里，離荷莫茲海峽大約四百八十三公里，面積約二十平方公里，仲自備淡水來源。呢個島由布什爾省管轄，係伊朗最重要嘅出油海港之一，可以出口差唔多九成嘅石油產品，亦有容量高達三千萬桶嘅儲油設施，所以戰略價值好高。島上有夏茖市，同一座叫 Jazireh-ye Khark 嘅燈塔。

喺六十年代發展成大型油碼頭之前，伊朗作家 Jalal Al-e-Ahmad 曾經形容呢度係「波斯灣嘅孤令令珍珠」。島上有幾個重要考古遺址，包括可能早至七世紀嘅基督教修道院遺跡，仲有墳墓、神廟，同介乎公元前五百五十年至三百三十年之間嘅阿契美尼德時期楔形文字石刻。夏茖島做貿易站已經有幾百年歷史，十八世紀仲一度屬於荷蘭殖民帝國。到咗六十年代，喺沙王時代，聯同美國油公司 Amoco，先正式發展成為石油出口碼頭。

夏茖島係伊朗喺波斯灣嘅主要石油出口碼頭，日日出口大約九成伊朗原油，差唔多一百三十萬至三百萬桶，主要來自 Ahvaz 同 Gachsaran 油田。 呢個單一通道產生巨額國家收入，就算有制裁都一樣，係伊朗經濟命脈，由革命衛隊嚴密防守，仲有三千萬桶儲油容量同深水油輪碼頭 。

去到二零二六年三月十三號，呢個島喺二零二六年伊朗戰爭當中，正受到美國軍事攻擊，美國想控制（或摧毀）夏茖島，嚟癱瘓伊朗石油收入，切斷佢資助代理人同革命衛隊嘅戰爭資金。 Axios 話當勞侵官員考慮「奪取」呢度做高影響行動，但會令全球油價急升，同埋伊朗反擊霍爾木茲海峽嘅風險。航拍顯示 夏茖島嘅巨型油庫同碼頭，係首要戰略資產。

夏茖島碼頭