外動詞

外動詞、及物動詞、他動詞，動詞一種，呢度外講要有外在對象，有一個多個。唔使對象，內部滿足，就叫內動詞。對象又叫受詞、賓語。例如粵語講行公園。行係動詞，有個對象叫公園，文法就話佢外動詞。相反，例如粵語講行啦，呢度行就不假外求，自己意思滿足咗，就係內動詞。

有啲外動詞有兩受事，例如粵語送佢靚衫。呢度等同送靚衫畀佢，又有送你一對翼、送佢一程、聽君一席話等。

唔同名意思一樣，祇係要成對咁講。

外動詞	內動詞	沿自馬氏文通
及物動詞	不及物動詞	英文為主
他動詞	自動詞	日文為主

由於唔同語文特性唔同，外動詞表現會唔同，約束程度亦唔同。文法無所謂通則。粵語英文都借字序表達外動，但有啲語文靠動詞變化表達外動內動，有啲用介詞、前置詞、後置詞、助詞之類表達施事受事。文法家好多時基於英文、拉丁文睇文法，遇到其他遇文唔同方式，睇法有分歧亦唔意外。例如英文I go to Kowloon，意思我去九龍。喺英文來講，呢個去係內動詞，不及物。前置詞片語並唔計入受事。但其他語文就唔一定咁睇，甚至有語文必有介詞、助詞指明。唔能假設外動字有通則。

粵語、英文等，動詞係外動定內動，外表睇唔出。但好似日文咁，就外動定內動，就睇語尾變化，分得好清楚。

文通

文通叫外動、外動字，定義如後。

「

其動而直接乎外也、曰外動字。而凡受其行之所施者、日止詞。其言行之所自發者、曰起詞。

」

講動字直接涉及外在。發動作嘅叫起詞，受動作叫止詞。

例，堯獨憂之。呢度堯做起詞，憂做他動，之做止詞。

文通又講間接受事叫轉詞，會用到介字。咁講。

「

外動行之及於外者、不止一端。止詞之外、更有因以轉及別端者、爲其所轉及者曰轉詞。轉詞例有以介字以先焉。介字不外於以爲與諸字、而轉詞介字、一視外動之行而各異。

」

例，王如施仁政於民。呢度王做起詞，施做他動，仁政做止詞，民做轉詞，於做介字，用來帶出轉詞。

史

及物片語，即帶有及物動詞片語。最早係由斯多葛學派、逍遙學派所識別出來。不過當時講成個片語，而唔單止動詞本身。斯多葛學派學術，後來由亞歷山大學派語言學家研究發展。

語義

合珀與湯普森。外動詞語義特徵

	高	低
參與者數	兩者或以上。 施事、受事。	一者
動態程度。 動作款、動作	有動作	無動作
體	完整。 已完成	未完成。 持續中
時態。瞬間	瞬間。 即時。	延續。 無明確界限。
意圖程度	有意圖。 故意。	無意圖。 非自願。
肯定	肯定	否定
模式。現實	現實	唔現實
施事可見程度。 行動能力、施行作主	施事者高度活躍。 顯眼。	施事者被動。 唔顯眼。
受事影響程度。 被動、影響到	全面影響	無影響。 影響部分。
對象確切程度。 對象有個體	具體、明確個體	抽象。 唔明確。 無特定指代。

合珀與湯普森研究，外動詞本身，唔止受唔受賓語咁簡單，而係連續一片，有程度之分。語義特徵十種。外動程度有高低之分，外動特徵越明顯，就會越似典型他動詞。

呢啲語義特徵，後來種種研究、討論。例如被動性， 角田認為，唔單止係行動係咪影響對象，亦要睇對象係咪改變。

句一。太郎 が 箱 を 壊した。太郎打爛咗個盒。

句二。太郎 が 箱 に 触った。太郎摸咗個盒。

句一賓格助詞を，指太郎動作影響到個箱，個箱爛咗有變化。相反，句二與格助詞に，個動作有去到個箱度，但係個箱有冇變就唔知喇。咁樣睇，日文通常動作影響到對象，而且對象有發生變化，就會用對格，亦即係話，動詞係他動詞。

而且，特徵入面有一樣好高，其他特徵都未必一樣咁高。

I hit him. (我打咗佢／我撞親佢)

I hit at him. (我向佢揮拳打過去／我嘗試打佢)

句三。I hit him.。我打咗佢。我撞親佢。

句四。I hit at him.。我向佢揮拳打過去。我嘗試打佢。

句三hit後面跟住受格代名詞，所以係他動詞。不過如果解做撞到，就唔係蓄意，意圖性低。句四動作蓄意，無打中佢都可以，即係被動作性低。咁樣睇，英文入面意圖性、被動作性有衝突嘅，衹要被動作性夠高，就會變成他動詞，但就算意圖幾高都好，都未必會變成他動詞。

呢樣馬拉提文咁咁相反。

意思： 林一時唔小心整爛咗隻杯。

句五	Raam-ne	muddaam	kap	phoḍ-l-aa.
	林。作格	特登	杯。陽性	整爛。完成體。陽性
	亞林特登整爛隻杯。

句六	Raam-caa-haat-un	nakaḷat	kap	phuṭ-l-aa.
	林。手。由	一時唔小心	杯。陽性	爛咗。完成體。陽性
	亞林一時唔小心整爛咗隻杯。

句五表示蓄意、刻意去做，要用外動詞。而句六表示唔係特登做，就唔用外動詞。

詞彙定文法

及物模式，傳統上話動詞嘅詞彙資訊，但係建構文法等相關理論認為，及物其實係種語法屬性，唔係詞彙屬性。同一動詞經常喺唔同語境下，展現出唔同及物性質。

• bite。咬。
  • Does your dog bite?。意思你隻狗會唔會咬人。無對象。
  • The cat bit him。隻貓咬咗佢。 一對象。
  • Can you bite me off a piece of banana?。你可唔可以咬我一塊香蕉。兩對象。
• break。整爛
  • The vase broke. 。個花瓶爛咗。無對象，反使役建構。
  • She broke the toothpick.。佢斷咗支牙籤。一對象。
  • Can you break me some toothpicks for my model castle? 。你可唔可以拆啲牙籤過我整模型城堡。兩對象。
• buy。買
  • Stop me before I buy again.。喺我再買之前阻止我。無對象，反被動建構。
  • The man bought a ring.。個男人買咗隻戒指。一對象。
  • The man bought his wife a ring. 。個男人買咗隻戒指畀佢老婆。兩對象。

文法建構理論入面，及物視為文法建構元素，而唔係動詞固有部分。

英文及概論

英文睇法咁，及物會睇成子句整體屬性，藉動作由施事者傳到受事者。

英文及物動詞根據對象數目分類。動詞得兩論元，主語同直接賓語，叫單及物。帶兩個賓語，一直接賓語、一個間接叫做雙及物，有主語、間接賓語、直接賓語，如John gave Mary the book，意思約翰畀咗本書瑪麗。

另外英文有三及物動詞，但唔係人人描述性文法都認同。砌法由間接賓語、直接賓語、前置詞短語組成，如 I'll trade you this bicycle for your binoculars，我用架單車，意思換你雙筒望遠鏡。又如I bet you a pound that he has forgotten，意思我同你對賭一磅，賭佢唔記得咗。呢度子句做論元。

介詞片語做受詞，稱為擬及物。印尼文呢句，Dia masuk sekolah，意思佢返學。又一句，Dia masuk ke sekolah，意思佢去咗學校入面。呢度動詞入masuk。第一句有直接受詞，第二句介詞片語做咗受事。子句同時有直接受詞同介詞片語，可以稱為擬雙及物，好似拉哥塔語，例如Haŋpíkčeka kiŋ lená wé-čage，意思我幫佢整咗嗰啲鹿皮鞋。呢類結構有時叫複雜及物。複雜及物唔單止包括介詞片語，重包埋依附子句、同位語等結構 。（appositives）同埋其他結構。複雜及物、三及物，學界有爭議，佢本質睇法無定論。

動詞唔使對象，就叫內動詞。同英文例to arrive ，意思到達。

動詞內外動都得，叫兩可及物。英文動詞to eat ，意思食，內動寫You eat，你食。外動寫You eat apples，你食蘋果。

概念價同及物有關。動詞價考慮緊個動詞所要求所有論元，包括主語同所有賓語。同價相反，動詞及物祇考慮賓語。次範疇化同價大致上同義，不過兩者來自唔同理論傳統。

日文

日文好多動詞，自動詞、他動詞涇渭分明，同一詞根，用詞尾變化分開兩者。另外加上唔同助詞。

授業が始まる。

開始上堂。始まる，自動詞用まる。助詞が表示主語。

先生が授業を始める。

先生開始教書。始める，他動詞用める。助詞が表示主語，助詞を表示賓語。

但係，定義外動詞人做動詞有個對象，並非普世通用，好多語言文法入面。

匈牙利文

匈牙利文有時會畀人誤會，誤會佢所有動詞都有內外動變位，但其實得一種一般變位。

現在、將來時態入面，有個比較少用變體。定式變位，或者叫強調式變位。呢個形式，淨係喺提到上一句或者之前話題，而個受詞已經提及過先會用。邏輯講，呢度會用到定冠詞a、az做指代。而且由於動詞強調，字序會變成動賓結構，動詞先，賓語跟住。

• 如果唔想定式，可以簡單講。

házat látok。我見到間屋。一般。

látom a házat。我見到嗰間屋。我哋搵緊嘅屋。

almát eszem。我食個蘋果。一般。

eszem az almát。我食嗰個蘋果。亞媽咪叫我食嗰個。

bort iszom。 我飲酒。一般。

iszom a bort。我飲嗰啲酒。你之前畀我。

英文入面，人會話I do see the house。我確實見到間屋等等，強調動詞。匈牙利文入面，改為強調對象，兩者意思完全一樣。

平格拉普語

平格拉普語入面，有四種最常見句結構，他動詞用其中一種。他動詞有兩個主要特徵。動詞屬於動作用法，句子有個直接受詞。

講得詳細啲，動作用法意思，動詞關乎實體動作。而句必有直接受詞，即係話，動詞要有受動作對象。他動句一定要牽涉到兩個實體。除此之外，他動句有固定字序，主詞 、他動詞、受詞。例。

Linda e aesae Adino。蓮達識亞甸諾。蓮達，主語。識，e aesae，他動語。亞甸諾，賓語。

波蘭文

波蘭文法入面，他動詞指。

• 要個直接受詞。肯定句用賓格。對少數動詞用工具格。否定句用屬格。
  或者
• 經歷被動轉變

動詞widzieć睇，係他動，皆因佢滿足兩個條件。

• Maria widzi Jana。瑪麗見到約翰。Jana係Jan賓格、。

• Jan jest widziany przez Marię。約翰俾瑪麗見到。Marię係Maria賓格。przez係介詞。