夜間模式

出自維基百科,自由嘅百科全書

夜間模式英文Dark mode),有時亦叫做黑暗模式或者深色模式,係一種高對比度,或者反色模式嘅顯示模式[1]

興起原因[編輯]

由於而家大家嘅都市生活,好多人要長時間用電腦、手機、電視、平板電腦,長時間睇著白底黑字嘅文件或者介面,對眼好容易唔舒服,長遠甚至造成視力受損[1]

夜間模式亦可以減少手機耗電量,延長手機使用時間。有啲人甚至鍾意喺日頭都打開夜間模式[1]

[編輯]

早喺1991年,蘋果嘅System 7 OS操作系統,就為視覺敏感嘅用戶提供咗黑底白字嘅深色顯示模式功能,當時叫做CloseView。Windows 95亦提供咗類似嘅高對比度顯示模式,並且喺之後Windows嘅版本得到延續,用戶可以自己揀系統操作界面嘅顏色[1]

早期嘅夜間模式會比較簡單咁樣直接反色,但後來就開始出現比較多精心設計嘅夜間模式,除咗黑底白字之外,有啲仲會對圖片同影片嘅顯示改良。例如2012年,Google Chrome發布咗高對比度插件,除咗黑底白字嘅模式,仲提供灰度模式、反轉模式、黑底黃字等唔同嘅模式。而去到2017年,YouTubeAndroid系統都相繼推出夜間模式[1]

另外,蘋果喺iOS 9.3亦新增咗名為Night Shift嘅夜間模式,以黃光取代藍光,令用戶比較舒服。佢哋甚至會根據當地日落同日出嘅時間嚟自動調節[2]

2020年3月,Facebook嘅介面亦推出咗「夜間模式」[3]

電能消耗[編輯]

對於OLED顯示屏來講,暗多啲嘅主題會慳得多尐電喺顯示上。噉樣可以減少耗電,又利於電池壽命。[4]雖然OLED屏顯示一幅主要係黑色嘅圖像陣時使電會少過LCD屏大概40%,但到顯示主要白色底嘅圖像陣時(譬如正常開陣時嘅文件與及網頁)佢要使到超過三倍咁多過LCD。[5]除非使夜間模式,一嘸係噉樣會好大影響到電能使用與及電池壽命。長期來睇,減少用電都可以延長電池壽命抑或延長顯示屏跟電池嘅可用壽命。2018年11月,Google證實Android深色模式係延長到電池壽命[6]

使夜間模式減少得用電量係基於OLED嘅顯示機理:喺一幅OLED屏幕裏頭,每粒子像素各自發光而且係要到佢發光佢正會消耗電能。LCD戥佢相反:LCD裏頭啲子像素衹係決定底下𤗲背光LED啲光係通得抑係嘸通得嘅,之屏幕開到陣時𤗲LED衹會維持常亮。

「AMOLED黑」主題係用純黑色而嘸係深灰色,之並嘸一定慳得多電過其他啲夜間模式主題,啲使深灰色而咪黑色嘅;噉係因爲AMOLED屏個電能消耗成比例噉跟到啲顯示緊嘅像素嘅平均亮度。雖然AMOLED黑色主題係要慳得多電過啲深灰色嘅,之但係其實都可以忽略不計啲多慳到嘅部分;AMOLED黑色主題慳多嘅電少於1%,啲係透過戥Google官方Android App深灰色主題比較而得出。[7]

問題[編輯]

好多手機/電腦軟件嘅夜間模式,都用咗黃光取代藍光,但2019年英國曼徹斯特大學(The University of Manchester)就進行咗一項研究,比較老鼠對於藍光同黃光嘅反應,認為喺夜間開黃光嘅護眼模式,反而更會影響人對日夜嘅認知[8]

參考[編輯]

  1. 1.0 1.1 1.2 1.3 1.4 sina_mobile (2019-03-23). 什么越来越多的人都开始用"夜间模式"?. tech.sina.cn. 喺2021-02-20搵到.
  2. 能课堂(40):大黄屏的夜间模式为什么能护眼? - 超能网. www.expreview.com. 喺2021-02-20搵到.
  3. 書繼桌機版 iOS 行動版間模式悄出現!. INSIDE (中文). 喺2021-02-20搵到.
  4. Gottsegen, Gordon. "Using Android's dark mode improves battery life, Google confirms". CNET.
  5. Stokes, Jon. (2009-08-11) This September, OLED no longer "three to five years away" 互聯網檔案館歸檔,歸檔日期2012-01-25.. Arstechnica.com. Retrieved 2011-10-04.
  6. Welch, Chris (November 2, 2018). "Google confirms dark mode is a huge help for battery life on Android". The Verge.
  7. "No, "AMOLED Black" Does NOT Save More Battery Than Dark Gray". June 27, 2019.
  8. 成夜間模式滑手機比較護眼?英國研究:黃光比藍光更有害! | Heho健康. Heho健康 | Health & Hope (臺灣中文). 2020-04-21. 喺2021-02-20搵到.