大劇院站 (廣州)

	大劇院; Guangzhou Opera House
	大劇院站嘅站名（喺條柱度）
概覽
冧巴	APM03
位置	天河區華就路同珠江東、西路嘅交界，廣州大劇院嘅東北邊。
座標	27°06′56.08″N 113°19′28.91″E / 27.1155778°N 113.3246972°E
車站色
經過路線	APM
啟站	2010年11月8號
月台數	1
站口數	3
營運資訊
車站服務時間	06:58～23:42
列車服務時間	07:03～23:37
	珠江新城旅客自動輸送系統; 廣州塔　◄海心沙（510m）（340m）花城大道►　林和西

大劇院站（粵拼：daai6 kek6 jyun2 zaam6；英文：Guangzhou Opera House Station），之前嗌歌劇院站（go1 kek6 jyun2 zaam6），規劃時期嗌過廣州歌劇院站（gwong2 zau1 go1 kek6 jyun2 zaam6），係廣州地鐵 APM嘅車站，2010年11月8號開放，位置喺天河區華就路同珠江東、西路嘅交界，廣州大劇院嘅東北邊。

佢曾經喺2010年11月8～26號間，由於2010年亞洲運動會嘅部分沙灘排球比賽喺海心沙舉辦，地鐵方接上級通知，為防發生慘案或恐怖襲擊而暫時揀咗呢度做APM南邊臨時終點站^[1]。

另外，喺每年廣州國際燈光節期間，呢個站亦唔會對外服務，列車亦會做飛站處理。

結構[編輯]

樓層[編輯]

呢個站一共有2層樓嘅地下區域，其中地下1樓、地下2樓係花城廣場嘅地下停車場，地下3樓係站廳，有票務設施，客務中心同商鋪；地下4樓係APM嘅月台。同大多數嘅APM車站一樣，既冇廁所又冇休息室、母嬰室響度。

打掂[編輯]

地面		出入口、花城廣場同其它建築
地下１樓		花城廣場地下停車場
地下２樓		花城廣場地下停車場
地下３樓	大堂	服務中心、商舖、車站設備、自動櫃員機、安檢設施
地下４樓	2月台	← APM去海心沙站（行廣州塔嗰邊）
	島式月台，開左邊門
	1月台	APM去花城大道站（行林和西嗰邊） →

打橫[編輯]

站廳[編輯]

大劇院站嘅站廳有售票機同客服中心，而收費區喺站廳南邊，而站廳同月台之間有條扶手電梯同樓梯接埋一齊。

月台[編輯]

呢個站有1個島式月台，喺花城廣場南邊嘅地底。

商舖同自助服務[編輯]

呢個站同大部份APM嘅車站一樣，冇商舖；但有1台自動販賣機同1台自動櫃員機響度。

自助服務

出入口[編輯]

大劇院站冚唪唥嘅出入口

A出入口

E出入口樓梯

B出入口附近

呢個站一共有3個出入口，分別係A、D，E。不過呢三個出入口喺入站方面，唔細心啲睇係好難睇得出響邊度。

冧巴	標記	方位	去到邊度
出入口A	花城廣場	西北	花城廣場、富力中心、華利路
出入口B	花城廣場	東北	花城廣場、廣州圖書館、廣東省博物館、花城廣場公交站
出入口E	花城廣場	北	花城廣場、花城匯購物中心南區、廣州大劇院、廣州市第二少年宮

頭尾班車信息同配線圖[編輯]

配線圖

█ APM
▲花城大道站

珠江

▼海心沙站

行去邊頭	頭班車	尾班車
每日
APM
林和西站	07:03	23:32
廣州塔站	07:08	23:37
注意：喺晚黑最後一班車開走之前嗰5分鐘之內，係唔畀入閘坐車（包括埋買車飛）。

車站歷史[編輯]

規劃[編輯]

喺2003年規劃緊嘅地鐵方案入面，嗰時嘅珠江新城規劃區西片計劃搞條旅客運輸系統，期間出現咗廣州歌劇院站，位置就喺而家呢個位。隨後計劃正式落實而批准喐手起。

施工[編輯]

2006年6月30號：車站正式開始動工。
2009年4月19號：赤崗塔站^{[註 1]}⇆廣州大劇院區間嘅右綫盾構隧道順利貫通^[2]。
2010年5月：車站正式起好。

營運[編輯]

2010年11月8號，由於APM全綫開通，車站亦正式開放。但係嗰時咁啱係亞運會開幕，加上期間部分沙灘排球比賽喺海心沙舉辦，地鐵方接上級通知，為防亞運期間發生慘案或恐怖襲擊而暫時揀咗呢度做APM南邊臨時終點站。加上嗰時赤崗塔站^{[註 1]}同埋海心沙站都重未開通^[1]，跟住落嚟唔停呢兩個站直到亞運會閉幕為止^{[註 2]}。

改名[編輯]

大劇院站係繼大學城南站同埋大學城北站之後一齊喺營運之後改埋中文名嘅地鐵車站，佢喺2013年12月底由「歌劇院站」改咗名叫「大劇院站」，不過英文名冇變到。喺呢個站改名嗰陣，廣州塔站都同時改埋名^[3]。其實早喺2010年5月，廣州歌劇院就改咗名叫廣州大劇院，而呢個車站開通到2013年12月底重係嗌歌劇院站。

利用狀況[編輯]

同花城大道站一樣，由於呢個站附近冇幾遠就係地標性建築、辦公大樓同金融機構、旅遊景區，所以喺呢個站附近嘅辦公大樓做嘢同酒店嘅住客人士就成日喺呢個站坐APM上落班同住宿。不過呢個站喺客流高峰時期都見到有啲人流下，而平時嚟講就冇乜人。另外呢個站附近冇幾遠就係廣州圖書館同廣東省博物館、廣州大劇院同廣州市第二少年宮，所以喺節假日期間都有啲人氣嘅。

接駁巴士[編輯]

花城廣場站：

293、886、886A、40、407、44

附近嘅建築同景區[編輯]

寫字樓[編輯]

註同攷[編輯]

註

↑ ^1.0 ^1.1 呢度講嘅「赤崗塔站」係而家地鐵系統嘅廣州塔站，唔係有軌電車嗰個廣州塔站。
↑ 實際上，廣州塔站曾經喺2010年亞運會期間因接到上級通知嘅安保措施而採取唔停站通過直到亞運會閉幕嗰日（2010年11月24號）為止，而海心沙站喺亞運會閉幕之後都未見到開放而變成幽靈車站直到2011年2月24號先至開放。

攷

↑ ^1.0 ^1.1 广州亚运开幕前将开通6条地铁线^{[失咗效嘅鏈]}
↑ 珠江新城旅客自动输送系统土建3标(赤~广)盾构区间右线隧道顺利贯通
↑ 〈赤岗塔站→广州塔站歌剧院站→大剧院站〉. 南方都市报. 2011-12-26. 原著喺2016-03-04歸檔. 喺2014-03-16搵到.

上一站·下一站[編輯]

上一站⇚⇚　　　　廣州地鐵　　　　⇛⇛下一站
海心沙站廣州塔站←	大劇院站 APM	花城大道站 →林和西站

[Chigang_Pagoda_Station-2] 1.0 ^1.1 呢度講嘅「赤崗塔站」係而家地鐵系統嘅廣州塔站，唔係有軌電車嗰個廣州塔站。

[4] 實際上，廣州塔站曾經喺2010年亞運會期間因接到上級通知嘅安保措施而採取唔停站通過直到亞運會閉幕嗰日（2010年11月24號）為止，而海心沙站喺亞運會閉幕之後都未見到開放而變成幽靈車站直到2011年2月24號先至開放。

[terminate-1] 1.0 ^1.1 广州亚运开幕前将开通6条地铁线^{[失咗效嘅鏈]}

[3] 珠江新城旅客自动输送系统土建3标(赤~广)盾构区间右线隧道顺利贯通

[5] 〈赤岗塔站→广州塔站歌剧院站→大剧院站〉. 南方都市报. 2011-12-26. 原著喺2016-03-04歸檔. 喺2014-03-16搵到.

[1]

[註 1]

[2]

[註 2]

[3]