大東亞共榮圈

大東亞共榮圈
大東亜共栄圏（日文）
Greater East Asia Co-Prosperity Sphere（英文）
大東亞共榮圈; 大東亜共栄圏（日文）; Greater East Asia Co-Prosperity Sphere（英文）
	; 大日本帝國（大東亞共榮圈）範圍（1942年）
國家	直至解體前夕：大日本帝國; 滿洲國; 汪精衛政權; 越南; 老撾; 泰國（日本盟國）; 緬甸; 菲律賓第二共和國;
面積
• 總計	約7,955,200 平方公里（约30,715 平方英里）
人口
• 總計	約4.8587億
時區	UTC +6:00 ～ +10:00;
語言	日語

大東亞共榮圈，係第二次世界大戰時大日本帝國提出一個關於泛亞地區政治主張。覆蓋範圍包括東亞、東北亞、南亞同大洋洲，主張由日本領導下「由歐美列強統治中解放亞洲」，然後建立「相互尊重、彼此獨立」、「共存共榮新秩序」嘅政治聯合體。

1945年8月15號，日本無條件投降，大東亞共榮圈解體。

理論[編輯]

日本教育家福澤諭吉喺佢著作《脫亞論》入邊，認為日本、中國之間如同近鄰。而日本已經成功現代化，但中國仍然好落後，所以福澤認為應該諗方法改善中國，一咪一個勩嘅中國將會牽連到日本，令到日本受害。為咗日本嘅福址，日本應該不惜強佔落後嘅中國、朝鮮，幫佢哋建設。而且事實上，福澤甚至重通過出資買武器，資助過嗰時朝鮮嘅政變。呢種意識形態成為唨日本發動大東亞戰爭嘅根源。

「大東亞共榮圈」起初只係「將亞洲諸國從西方殖民者手中解放出來」嘅一種理想主義思想，因此受到日本民眾支持，亦都吸引唨一啲亞洲諸國嘅獨立運動者。但好快，呢個諗法就俾日本軍國主義者同極端民族主義者利用，成為唨日本侵略、殖民亞洲諸國嘅藉口。

實行[編輯]

1935年喺滿洲國宣揚日本人、中國人同埋滿州人和諧嘅海報。三支旗由左到右分別係滿洲國旗、日本旗同埋中華民國嘅五族共和旗。

1938年11月3號，大日本帝國總理大臣近衛文麿發表唨「第二次近衛聲明」，號召建立「大東亞新秩序」，嚟構建「日滿中三國相互提攜，建立政治、經濟、文化等方面互助連環嘅關係」，以大日本帝國、東亞及東南亞「共存共榮嘅新秩序」為目標。

1940年8月，近衛文麿首度明確指出「大東亞共榮圈」呢個名，並指明大日本帝國（包括扶植政權、滿洲國同埋朝鮮）、中華民國、法屬印度支那半島、荷屬東印度、英屬印度、英屬馬來亞（包括新加坡）、英屬香港、英屬婆羅洲地區（包括砂撈越同汶萊）以及新畿內亞、澳洲、紐西蘭等大洋洲地區同埋蘇聯西伯利亞東部都係屬大東亞範圍。大東亞共榮圈裏便，日本本國同滿洲國、中國（汪精衛政權）係經濟共同體。東南亞作為資源供給地區。南太平洋係國防圈。

為實現大東亞共榮圈，1942年日本內閣設立唨大東亞省，並喺1943年11月5號由日本首相東條英機同滿洲國（代表：首相張景惠）、中國嘅汪精衛政權（代表：國民政府主席兼行政院長汪精衛）、泰國（王子旺·威泰耶康·瓦拉旺；唯一實質獨立嘅參與國）、菲律賓自由邦（總統荷西·帕西亞諾·勞雷爾）、緬甸國（總理巴莫）、自由印度臨時政府（首席代表蘇巴斯·錢德拉·鮑斯）等共同召開唨大東亞會議，並喺會後發表唨《大東亞共同宣言》同埋個目標。

人口/面積[編輯]

日本
- 日本本土（本州、九州、四國、北海道、琉球）：38.26萬平方公里，7311.4萬人
- 朝鮮：22萬平方公里，2432.6萬人（1910-1945）
- 台灣：3.6萬平方公里，587.2萬人（1895-1945）
- 庫頁（而家庫頁島南部／殖民地，後納入日本內地範圍）：3.60萬平方公里，41.5萬人（1905-1945）
- 關東州（而家旅順大連一帶／殖民地）：3500平方公里，136.7萬人（1905-1945）
- 南洋群島（南洋廳，國際聯盟託管地）：2500平方公里，13.1萬人（1919-1944）
中國
- 滿洲國（日本附庸國）：130.31萬平方公里，3693.3萬人（1932-1945）
- 蒙疆聯合自治政府（親日政權）：61.54萬平方公里，550.8萬人（1936-1945）
- 中華民國臨時政府，1940年併入汪精衛政權（親日政權）：60.27萬平方公里，11630.6萬人（1937-1940）
- 中華民國維新政府，1940年併入汪精衛政權（親日政權）：35.01萬平方公里，7864.4萬人（1938-1940）
東南亞
- 泰國（日本同盟國）：62萬平方公里，714.2萬人（1941-1945）
- 法屬印度支那（而家越南、柬埔寨、老撾／日本同盟國，後佔領）：63萬平方公里，2385.4萬人（1940-1945）
- 英屬馬來亞（而家馬來西亞同埋新加坡／佔領地）：13.06萬平方公里，533萬人（1941-1945）
- 英屬婆羅州（而家馬來西亞沙巴州、砂拉越州同埋汶萊／佔領地）：21.13萬平方公里，93.1萬人（1941-1945）
- 緬甸國（日本附庸國）：38.26萬平方公里，714.2萬人（1942-1945）
- 荷屬東印度（而家印尼／佔領地）：190.43萬平方公里，6072.7萬人（1941-1945）
- 菲律賓第二共和國（而家菲律賓／日本附庸國）：29.63萬平方公里，1699萬人（1942-1945）

合計795.52萬平方公里，48587.1萬人（即4.85871億人）。

反應[編輯]

「大東亞共榮圈」概念出現時，好受到亞洲諸國嘅獨立運動者歡迎。由於亞洲多國淪為唨西方列強嘅殖民地或半殖民地好耐，遭受唨文化同經濟嘅多重剝削。西方白色人種更因為種族優越論等思潮影響，歧視亞洲黃色人種。後尾日本入侵東南亞，打亂咗原殖民大國啲常規佈局，並激發唨亞洲多國嘅獨立運動，致使戰後多個東南亞國家相繼獨立。

「大東亞共榮圈」喺戰後俾人批評個本質係美化戰爭。亞洲多地俾日本實際佔領，好多聲稱「獨立」嘅政府實際上只係日本同皇軍嘅傀儡政權。嗰陣時正啱同英美列強交緊戰嘅日本，必定會由佢東南亞佔領地大量噉掠奪大米、橡膠、錫、石油等戰略資源。日本軍國主義者仲宣揚大和民族優越論，認為日本有權統治澌亞洲其他啲民族。「大東亞共榮圈」實際上只會考慮到日本個利益，而將亞洲其他各國嘅利益擠喺後面，並唔係真正嘅平等。因此，日本喺二戰戰敗、大東亞共榮圈解體嗰陣，亞洲多國都冇乜聲音係同情日本嘅^[1]。

參考[編輯]

↑ Lebra, Joyce C. (1975). Japan's Greater East Asia Co-Prosperity Sphere in World War II: Selected Readings and Documents, p. 160.

睇埋[編輯]

[1] Lebra, Joyce C. (1975). Japan's Greater East Asia Co-Prosperity Sphere in World War II: Selected Readings and Documents, p. 160.

[1]