大肚婆飲食禁忌

大肚婆食緊嘢

大肚婆飲食禁忌，講大肚期間，飲食要特別小心，甚至有啲要忌飲忌食。

西醫就會話有啲嘢唔得，佢哋有細菌、寄生蟲、藥物、毒物、污染物，有可能搞到流產。有食物過敏，都要留意。藥品中，維他命A過多都有害胎兒，嘢食含量豐富，都要忌。大多數要煮熟，而且趁熱食。

唐人傳統，大肚婆要忌生冷嘢、寒涼嘢，喺中醫來講，呢啲嘢會氣血運行不暢，影響胎兒，西瓜、綠豆、魚生等等，都唔應該食。

冷盤

冷盤，即係微凍即食，同埋冷藏食物，就唔好食，特別容易有李斯特菌。健康大人無乜嘢，但有身紀就唔好喇。有可能搵到流產、夭折、早產、新生嬰兒嚴重健康問題。

奶類

呢類有奶，有芝士等。若果未經消毒，就唔應該食。消毒就經巴斯德消毒法，又或者蒸熟佢、煮熟佢，整到熟透。原因有隻細菌，叫李斯特菌，會搞到有李斯特菌症，對胎兒不利，搞到死產、流產、早產，生出來都有啲問題。

肉類

呢類指禽畜所有肉類，重有內臟。未煮到熟晒，就唔好食喇，因為怕有弓形蟲，搞到弓形蟲病，可能會流產、死胎。醃肉未煮熟，同樣有寄生蟲。肝有大量維他命A，過量害到胎兒。打獵得來，可能有鉛彈，鉛有毒，害到胎兒。

蛋類

蛋類指禽蛋，通常有雞蛋、鴨蛋、鵞蛋、鵪鶉蛋，同埋佢啲製品。生蛋、半生熟蛋，就唔應該食，佢哋製品亦然。主要怕有沙門氏菌，大到大肚婆食物中毒，不過又咁講，佢唔會直接影響胎兒。有啲地方好似英國咁，有認證話雞蛋無沙門氏菌，咁呢啲都可以生食，或半生熟咁食。

海鮮

海鮮有好多種，主要魚類同甲殼類，後者常見有蝦、蟹、龍蝦、蜆、青口、帶子等等。唔好生食，要熟先食。就算壽司都要熟魚。魚唔熟怕李斯特菌，醃魚、冷燻魚未熟透都唔得。甲殼唔熟有細菌、病毒、毒素。

魚類又有另一啲禁忌，主要怕海水污染。吞拿魚大條，怕佢水銀多、甲基汞多，直害胎兒發育。一周頂多食四罐，中等大細，又或者，兩塊吞拿魚扒。至於其他大魚，鯊魚、劍魚、旗魚等等，就唔好食。呢種毒入神經系統，害到胎兒，害到嬰幼兒發育期。而油脂魚，怕油脂有二噁英、有多氯聯苯，直害胎兒，一周頂多食兩份。呢類魚有三文魚、鱒魚、鯖魚、鯡魚。

咖啡因

咖啡因有害胎兒，可以出世輕磅，甚至流產，日飲唔過二百毫升。咖啡、茶、可樂、能量飲品、朱古力等，要留意含量。草藥花茶之類，含因變化好大。

花草

花草都係藥，種種藥都唔同，有啲對胎唔好。花茶之類，日飲唔過兩杯。

酒

酒有害胎兒，至好唔飲。妨礙胎兒發育，對智力，對身體成長，都唔好。

甘草根

甘草食得，但甘草根唔食得。

菓菜類

生菓、蔬菜有泥，生食一定要洗乾淨。頭幾個月忌食青木瓜同杏。

金菇

金菇，怕有李斯特菌，放雪櫃，一切都洗乾淨，煮一定要夠熟。