天國戰爭
天國戰爭（粵讀：tin1 gwok3 zin3 zang1；英文：War in Heaven）係新約聖經《啟示錄》入面嘅一個故仔[1]。個故仔大致上係噉嘅：上帝手下最靚最奪目嘅天使路西法（拉丁文：Lucifer）自高自大，諗住自己好勁有能力做上帝，於是就帶領住一班天使作反；天使長彌額爾（Michael）帶領效忠上帝嘅天使反擊，兩班天使喺天國打咗場大交之後路西法輸咗，最後佢畀上帝逐出天國，成為墮天使[註 1]。
仙子傳說[編輯]
睇埋：仙子
中世紀歐洲有傳說話天國戰爭單嘢係仙子嘅起源：根據呢個傳說，喺天國戰爭當中，企上帝嗰邊嘅天使留喺天國，企路西法嗰邊嘅就跟路西法去地獄；而成件事途中冇企任何一邊嘅天使就唔夠良善（冇企上帝嗰邊，冇得留喺天國）又唔夠邪惡（冇企路西法嗰邊，未使要去地獄），呢啲天使就要落人間，變成仙子[2]。
