天氣先生
(由天氣家族跳轉過嚟)
天氣先生（英文：Freddy），動畫角色，喺美國，同香港，同澳洲珀斯，擔當天氣預報。喺美國，一九七〇年起，或者更早起，就至少有十九間電視臺用咗[1]。二十世紀八十年代，去到香港同澳洲。香港由無綫電視節目天氣報告引用，喺廣東話個翡翠臺，同英文個明珠臺播。二〇二五年，香港演變成天氣家族（英文：Weather Family），加入天氣囝囝（英文：Weather Boy）同天氣狗狗（英文：Weather Dog）。
唔同天氣有唔同畫面同動作，背景同畫風，亦隨時代演變。至初佢着黃衫。佢吸引到細蚊仔都睇[2]。
製作技術，至初用菲林片[2]。一九九三年，變咗用電腦動畫。二〇〇九年，香港變咗用立體動畫。
其他電視都有模彷，好似亞洲電視就有人同狗。
歷史
[編輯]2025年11月19號起，無綫電視將會「天氣囝囝」同「天氣狗狗」加入咗天氣家族，聯同天氣先生一齊成為觀眾提供天氣預測[3]。
天氣家族角色一覽
[編輯]無綫電視嘅天氣報告長期以「天氣先生」為核心。2025年11月，無綫新聞進行咗32年嚟首次改革，正式擴展成為「天氣家族」。
| 角色 | 角色介紹 |
| 天氣先生 | 1993年經典角色，係「天氣家族」嘅核心人物，以各種生動動畫展現當前天氣（如被雷擊、被風吹走、曬溶等）。 系列元老，形象多次更新，早期係平面，後改為立體，常與後方唔斷變化嘅香港天際線一同出現。 |
| 天氣囝囝 | 2025年TVB台慶期間新增嘅角色，同天氣先生一齊出現嘅新成員。 一個活潑嘅小男孩，常與天氣狗狗一齊活動，表現出對天氣嘅喜怒哀樂。 |
| 天氣狗狗 | 同樣於2025年新增嘅角色，同天氣囝囝一齊出現嘅寵物新成員，增加節目嘅趣味性。 天氣囝囝嘅忠實夥伴，一齊經歷各種天氣狀況，非常好可愛。 |
| 向日葵們 | 它們出現喺特定嘅天氣動畫情景中，通常與主角天氣囝囝同天氣狗狗互動。 |
| 冰怪 | 出現喺寒冷天氣場景中嘅反派式角色，會對著天氣先生吹氣使其結冰。 |
天氣家族動畫一覽
[編輯]2025年11月19號起，天氣家族會以當晚翌日嘅天氣狀況作相應嘅動畫情景，以描述翌日天氣預測。
| 天氣狀況 | 天氣家族動畫情景同登場角色 | 播映開始日期 |
| 陽光充沛 | 角色：天氣先生、天氣囝囝、天氣狗狗 三個人正於草地散步。其後太陽出現，天氣先生同囝囝睇見過陽光，佩戴上咗太陽眼鏡，俾會發出「呀」嘅聲音[4]。 |
2025年12月7號 |
| 大致天晴 | 角色：天氣囝囝、天氣狗狗、向日葵們 草地上佈滿向日葵，俾正曬着太陽。霎時有烏雲飄過，遮擋陽光，向日葵們發出「噢」嘅聲音；天氣囝囝拿着結他俾彈咗幾個音，烏雲隨即消散，囝囝發出「嗯哼」嘅聲音[5]。 |
2025年12月19號 |
| 部分時間有陽光 | 角色：天氣先生、天氣囝囝、天氣狗狗 陽光明媚，天氣先生駕車載著囝囝同狗狗到草地野餐。霎時有烏雲飄過，遮擋陽光，一行人發出「噢」嘅嘆氣聲；稍後烏雲消散，陽光再現，一行人發出「噢」、「耶」、「Yes」嘅聲音[6]。 |
2025年11月20號 |
| 短暫時間有陽光 | 角色：天氣先生、天氣囝囝、天氣狗狗 天氣囝囝喺烏雲落踢波，天氣先生同狗狗跟隨在旁。霎時有烏雲消散，陽光再現，一行人發出「呀」嘅聲音；惟其後烏雲突然再嚟，一行人發出「噢」嘅嘆氣聲，其後失落離去[7]。 |
2025年11月30號 |
| 短暫陽光有驟雨 | 角色：天氣囝囝、天氣狗狗 陽光下，天氣囝囝正使用即影即有相機喺草地為狗狗拍攝相片，狗狗戴上咗蝴蝶結裝飾。正當兩人欣賞照片時，落起咗驟雨，囝囝發出「噢」嘅聲音，兩個人感到無奈[8]。 |
2025年12月1號 |
| 大致多雲 | 角色：天氣先生、天氣囝囝 陽光充沛，天氣先生正駕車載着囝囝，囝囝拿上着模型飛機。其後烏雲飄來，陽光被會遮擋，天氣先生發出「噢」嘅嘆氣聲，兩個人表情失望[9]。 |
2026年1月11號 |
| 多雲 | 角色：天氣囝囝 天氣囝囝正在草地遊玩遙控模型飛機。霎時烏雲飄過，遮蔽模型飛機，囝囝最終無奈地停止遊玩，俾會發出「噢」同「唉」嘅嘆氣聲[10]。 |
2025年11月19號 |
| 微雨 | 角色：天氣囝囝、天氣狗狗 天氣囝囝同狗狗正式預備出門。惟兩個人發現室外正落着微雨，便會發出「噢」嘅嘆氣聲。囝囝打開咗雨遮，同時為狗狗預備咗迷你雨傘裝備喺狗狗嘅頭上，其後兩個人順利出門[11]。 |
2025年12月2號 |
| 寒冷 | 角色：天氣先生、天氣囝囝、冰怪 天氣先生同囝囝喺室外散步，忽然刮起冷風。冰怪喺天上出現，對著天氣先生同囝囝吹氣；天氣先生抱住身體俾顫抖，囝囝則立刻着返件保暖衣物，冇足夠溫暖嘅天氣先生則持續顫抖同流鼻涕[12]。 |
2026年1月1號 |
| 氣溫下降 | 角色：天氣囝囝、天氣狗狗 室外吹著寒風，天氣囝囝着返厚衫仍唔禁瑟縮顫抖。其後走進屋內，忽然感到鼻尖癢癢，正要打噴嚏。狗狗立刻遞上紙巾，未料囝囝嘅噴嚏力道過猛，一下子把狗狗震得飛向窗戶，狗狗因而受傷。囝囝見狀，羞愧道歉[13]。 |
2025年12月12號 |
| 乾燥 | 角色：天氣先生、天氣囝囝、天氣狗狗 屋外天氣乾燥，地面龜裂。屋內嘅天氣囝囝因面頰乾澀而變得通紅，天氣先生遞上護膚膏；惟畫面一轉，囝囝已敷上面膜同黃瓜[14]。 |
2025年11月24號 |
參考
[編輯]- ↑ "Freddy The Forecaster". WJBF. US. 原著喺2025年11月13號歸檔. 喺29 July 2023搵到.
- ↑ 2.0 2.1 "KNOE forecasts long career for Freddy". The News-Star. 1982-09-19. p. 35. 喺2025-09-16搵到.
- ↑ 〈天氣先生Freddy家族成員今現身 天氣仔仔帶狗狗台慶起會公眾〉。《東張+》。2025-11-19。喺2025-11-20搵到。
- ↑ 〈天氣家族｜今日天清氣朗！ 入夜後可能會較大風〉。《無綫新聞》。2025-12-08。喺2025-12-08搵到。
- ↑ 〈天氣家族｜周末天晴溫暖 幾日後會翻風〉。《無綫新聞》。2025-12-20。喺2025-12-20搵到。
- ↑ 〈天氣家族｜早晨！ 今日記得繼續著多件衫〉。《無綫新聞》。2025-11-21。喺2025-11-21搵到。
- ↑ 〈天氣家族｜要留意有一兩陣微雨〉。《無綫新聞》。2025-12-01。喺2025-12-01搵到。
- ↑ 〈天氣家族｜日間明朗 風比前幾天大了一點〉。《無綫新聞》。2025-12-02。喺2025-12-02搵到。
- ↑ 〈天氣家族｜清涼又有些風 之後幾天日間會較和暖〉。《無綫新聞》。2026-01-12。喺2026-01-12搵到。
- ↑ 〈天氣家族登場｜天氣報告新成員同你打招呼 今天氣溫是否繼續清涼？〉。《無綫新聞》。2025-11-20。喺2025-11-20搵到。
- ↑ 〈天氣家族｜早晨！ 早上會有微雨啊〉。《無綫新聞》。2025-12-03。喺2025-12-03搵到。
- ↑ 〈天氣家族｜寒風吹 周末都繼續凍 記得要注意保暖〉。《無綫新聞》。2026-01-02。喺2026-01-02搵到。
- ↑ 〈天氣家族｜入夜會轉涼 記得添衣啊！〉。《無綫新聞》。2025-12-13。喺2025-12-13搵到。
- ↑ 〈天氣家族｜早晨！今日風高物燥 要小心「爆拆」啊〉。《無綫新聞》。2025-11-25。喺2025-11-25搵到。