天水圍民生關注平台，簡稱天民台，係香港本土派傘後組織，2014年由王百羽等地區人士創辦，主打元朗區天水圍嘅地區事務。
天水圍民生關注平台喺2015年由王百羽參選第5屆香港區議會選舉元朗區議會M22天恆選區，挑戰上屆區議會自動當選嘅工聯會陸頌雄，最後得1,317票，輸畀攞到2,749票嘅陸頌雄。
天水圍民生關注平台喺2016年同其他傘後組織組成「ALLinHK」參選第6屆香港立法會選舉，王百羽排新界西名單第二，喺青年新政黃俊傑後面，但成個名單都贏唔到議席。
2019年第6屆香港區議會選舉，天民台派出陳詩雅（屯關組舊部）、王百羽、巫啟航參選（佢哋同樣以獨立名義參選），結果佢哋全部贏晒，順利當選。
