天河汽車客運站

出自維基百科,自由嘅百科全書
(由天河客運站跳轉過來)
Jump to navigation Jump to search

天河汽車客運站,又叫天河客運站天河汽車站,全名叫廣州交通集團天河汽車客運站,呢間嘢係廣東省交通廳同埋廣州市人民政府為咗實施《廣州公路主樞紐總體佈局規劃》而起嘅第一個多功能綜合性嘅汽車客運站。呢個客運站係喺廣州市天河區廣汕公路入面。東邊係華南快速幹線,西邊係北環高速公路

落成時間[編輯]

喺1997年1月起好同埋投入使用。喺1997年6月重成立咗「廣州新天威交通發展有限公司」呢間合資公司嚟經營天河汽車客運站。

佔地面積[編輯]

面積係46000平方米,其中入面有售票廳、候車廳、快件貨運中心、超市,寫字樓、行車公寓、維修車間。

出班次流量[編輯]

出班嘅車次同埋旅客流量:

  • 車次:達到2500班次/日
  • 旅客流量:達到120000人次/日。

主要經營[編輯]

呢個車站喺廣州嘅東邊出口嘅中心車站站場,主要係經營去東地區(尤其係廣梅汕公路上面去汕頭梅州潮州揭陽汕尾同埋惠州嘅比較多)同埋珠三角地區、福建嘅車比較多,重有比較少部份嘅去粵西、粵北地區同浙江嘅車。重有啲車係出到廣東省以外嘅其它省份(除咗新疆西藏青海內蒙古寧夏陝西山西東北三省地區同埋臺灣)啲車。呢個站重喺成個廣東地區畀顧客提供方便、快捷、準確嘅快遞服務嘅行業入面,都係處於領先嘅地位。目前有出咗廣東省嘅省際線路就有100幾條,而廣東省嘅省內線路就有90條。

附近嘅交通[編輯]

天河客運站地鐵站B出口

攞過嘅獎項[編輯]

呢個車站係被廣州市政府畀咗「青年文明號」嘅稱呼,喺1998到2006年嘅每年都評咗「春運工作先進單位」,重被交通部畀咗「全國文明汽車客運站」嘅名。佢重喺2001年通過咗ISO9001品質管制體系認證,重喺持續推進品質體系嘅各項工作入面,攞到品質管制部門嘅好評。[1]

出面網頁[編輯]

廣州交通集團天河汽車客運站

[編輯]