天狼星·布萊克

出自維基百科,自由嘅百科全書
(由天狼星・布萊克跳轉過嚟)
  有關大犬座最光嗰粒星,請睇「天狼星」。
天狼星·布萊克
(Sirius Black)
加利·奧文喺《哈利波特》系列電影入面飾演嘅天狼星·布萊克。
首次出場哈利波特:阿茲卡班的逃犯
尾次出場哈利波特:死神的聖物2
下落喺神秘部門之戰俾貝拉·雷斯壯殺死。
作者J·K·羅琳
扮演加利·奧文電影
詹姆斯·華特斯(少年)
配音香港 龍天生中文龍天生粵語配音
詳細信息
第個名獸足(Padfoot)
性別男性
家庭
親戚
國籍英國

天狼星·布萊克英文Sirius Black,1959年11月3號—1996年6月18號),係英國作家J·K·羅琳奇幻小說哈利波特》系列入面嘅人物。佢係詹姆·波特嘅摯友,哈利·波特嘅契爺,亦都係純血巫師家族中文哈利波特世界觀與設定#純血布萊克嘅最後一個後裔。

佢喺佛地魔殺咗詹姆·波特莉莉·波特之後無幾耐,將佢嘅飛天電單車借俾魯霸·海格。佢嘅角色喺《哈利波特:阿茲卡班的逃犯》入面變得好突出,佢名義上係一個逃犯,後來仲被揭露係哈利·波特嘅契爺。喺成個電影系列入面,天狼星·布萊克呢個角色係由加利·奧文飾演。

角色背景[編輯]

天狼星·布萊克是好出名嘅純血巫師家族中文哈利波特世界觀與設定#純血—神聖二十八家族之一—布萊克嘅最後繼承人,佢嘅父母分別係獵戶星同埋沃布爾加·布萊克Orion and Walburga Black,佢哋兩個都係布萊克家族嘅第二代堂姐弟。天狼星有一個後來加入咗食死人行列嘅親細佬—獅子阿爾發·布萊克中文哈利波特角色列表#詹姆‧波特時代(約1960年-1965年),同埋三個堂家姐:貝拉·雷斯壯水仙·馬份,同埋美黛·東施中文哈利波特角色列表#詹姆‧波特時代(約1960年-1965年)(佢最鍾意嘅堂家姐)。根據布萊克家族以星星同星座命名嚟幫細路仔命名嘅傳統,佢嘅名以犬星嚟命名。

據講天狼星嘅早年生活過得並唔開心,由於布萊克家族重視血統,同埋崇尚黑魔法,事實上佢好多家族成員都係食死人,又或者至少企喺佛地魔果邊嘅。天狼星唔鍾意黑魔法,亦都唔認同呢啲諗法,天狼星因為咁而開始討厭佢嘅大部分親屬,佢同家族嘅關係都唔好(尤其係佢阿媽),後來導致佢同屋企人產生矛盾同衝突。

家族[編輯]

作為貴族同埋歷史最悠久嘅布萊克家族,家族裡面大部分成員都係純潔血統嘅倡導者,佢哋好多都涉及使用黑魔法。布萊克家族嘅大宅位於倫敦古里某街12號中文哈利·波特中的地點#古里某街12號,入面包含咗好多來源可疑同埋有危險能力嘅人工製品。布萊克家族係為數唔多嘅完全純正血統家族之一,佢哋嘅座右銘係「Toujours Pur」,佢嘅法文嘅意思係「永遠/仍然純潔」。事實上,純血巫師家族之間為咗保持血統純淨而經常通婚,甚至近親通婚。

布萊克家族同其他幾個純血嘅巫師家族通婚,包括出名嘅黑巫師家族(或至少帶惡意嘅),例如:布洛德Bulstrode克拉Crabbe福林Flint雷斯壯Lestrange馬份Malfoy羅西兒Rosier牙克厲Yaxley家族;仲有唔係黑巫師嘅家族,例如:柯羅奇Crouch隆巴頓Longbottom麥米蘭Macmillan波特Potter普瑞Prewett仲有衛斯理Weasley家族。佢哋咁樣做係為咗確保佢哋嘅純血血統能夠喺未來持續咁存在,而呢個就係點解大部分純血統家族係互相有關聯嘅原因;因為佢哋嘅祖先同純血家庭結婚。最後幾代嘅布萊克家族祖先都可以追溯去到菲尼亞斯·奈傑勒斯·布萊克Phineas Nigellus Black同埋烏素拉·福林Ursula Flint。所以天狼星同好多其他角色都有或近或遠嘅親戚關係,而近代嘅純種巫師之間大部分都有親戚關係。

喺小說同電影入面呢個家族其他已知成員嘅關係:

布萊克家族一直相信佛地魔有關「淨化巫師種族」嘅諗法,不過當中好多人(好似天狼星嘅父母)喺睇到佛地魔願意為權力所做嘅事之後就唔再對外支持佢。天狼星果個曾經加入食死人行列嘅親細佬—獅子阿爾發·布萊克中文哈利波特角色列表#詹姆‧波特時代(約1960年-1965年),但係佢後來喺佛地魔想殺佢嘅家庭小精靈怪角中文哈利波特中的生物#怪角之後重新考慮佢嘅選擇—佢做咗食死人嘅二五仔(佢用自己個名嘅簡稱「Regulus Arcturus Black(R.A.B)」)—佢喺調換作為分靈體嘅小金匣之後,俾陰屍中文哈利波特中的生物#靈魂分部拖入湖度死咗。就算成個系列入面仲有幾個布萊克家族成員仲在生,不過幾乎全部都係女性,又或係斷絕咗關係嘅家庭成員後裔,搞到除咗天狼星以外,果個家族裡面已經無晒布萊克家族姓氏嘅人。喺《鳳凰會的密令》入面,果個姓氏嘅最後一個已知嘅後裔—天狼星·布萊克俾佢嘅堂家姐貝拉·雷斯壯殺咗,搞到布萊克家族就咁沒落咗。

布萊克家族族譜[編輯]

布萊克家族
天狼星·布萊克貝拉·雷斯壯道夫·雷斯壯中文食死人#雷斯壯夫婦
塞普提默斯·衛斯理塞德蕾兒·布萊克普瑞家先生普瑞家太太伊內修斯·普瑞柳克麗夏·布萊克
亞瑟·衛斯理中文亞瑟·衛斯理茉莉·普瑞中文茉莉·衛斯理費邊·普瑞中文鳳凰會#費邊·普瑞吉昂·普瑞中文鳳凰會#吉昂·普瑞

註:衛斯理家族族譜的詳細內容可參見衛斯理家族中文衛斯理家族,呢度就唔顯示。

|}

布萊克家族嘅族譜喺第五輯小說入面有描述到,但作者喺2006年1月將佢手繪嘅版本捐贈俾國際圖書援助組織作為慈善拍賣果陣時,呢個更直接咁引起咗公眾嘅關注。這棵家族樹顯示咗其中一個最古老嘅魔法家族入面嘅成員,同埋佢哋透過婚姻同其他嘅一啲純血家族嘅聯繫,而呢啲家族嘅成員都有出現喺小說同電影入面。呢個族譜所描述嘅可以追溯去到大約700年前,但係羅琳所畫嘅版本淨係涵蓋咗大約150年。喺慈善拍賣期間,呢棵家族樹嘅確切細節被保密,淨係發布咗待售商品嘅唔完整或部分模糊圖像。不過參與拍賣會嘅一啲人做咗筆記用嚟確認上面嘅細節,仲公佈咗詳細彙編。後來,呢棵家族樹嘅另一份副本入面得到咗更多嘅信息嚟做修正,果個副本納入咗《鳳凰會的密令》入面嘅電影佈景度,果棵家族樹出現喺古里某街12號中文哈利·波特中的地點#古里某街12號嘅布萊克家族大宅裡面。呢棵家族樹喺第六輯《混血王子的背叛》同埋第七輯《死神的聖物》嘅出版物之間提供咗有關於果個系列情節元素嘅新信息,並喺粉絲當中引起咗相當大嘅轟動。呢棵家族樹最終俾果個系列電影入面飾演主角哈利·波特嘅英國演員丹尼爾·域卡夫以£30,000英鎊嘅價格買咗返去[1]

霍格華茲[編輯]

喺霍格華茲,天狼星無好似布萊克家族嘅其他成員咁被派去史萊哲林學院,而係派去葛萊分多學院,成為咗佢哋家族史上唯一一個入到果個學院嘅成員。

同佢嘅家庭生活相比,天狼星好享受喺霍格華茲嘅生活,仲喺果度識到佢一生最好嘅朋友詹姆·波特,仲同佢玩得好埋。佢哋兩個同樣喺魔法方面有好強嘅天賦,亦都有俊俏嘅外表,所以天狼星同詹姆好受同學同教授嘅歡迎,啲學生鍾意天狼星尖酸嘅幽默,不過天狼星嘅受歡迎程度並唔普遍。亦因為詹姆同天狼星好鍾意惡作劇,所以啲教授尊重佢嘅智慧,但係就唔尊重佢嘅行為。天狼星同詹姆鄙視石內卜對黑魔法嘅極大興趣,佢喺詹姆同賽佛勒斯·石內卜之間產生咗互相仇恨,佢哋兩個又成日不顧一切咁恰他。作為詹姆嘅絕對支持者嘅天狼星,以石內卜喺憎詹姆嘅同時,亦都憎埋天狼星一份。

佢哋兩個仲同彼得·佩迪魯雷木思·路平做咗最好嘅朋友,佢哋三個後來先至發現路平係個狼人中文狼人 (哈利波特)。為咗支持路平,天狼星、詹姆同彼得紛紛透過自學秘密咁做咗化獸師,由於狼人淨係會攻擊人類而唔會攻擊動物,所以佢哋三個就可以喺路平變身果陣好安全咁陪住從佢又可以控制住佢。天狼星嘅化獸師形態係一隻大黑狗,佢嘅綽號「獸足Padfoot」都係咁樣而嚟。佢哋四個會喺霍格華茲同活米村中文活米村周圍走,所以發現咗學校唔少祕密,後嚟佢哋四個同時亦係劫盜地圖嘅四個創始人之一,地圖記錄咗霍格華茲所有嘅祕道,同埋可以偵察霍格華茲入面嘅人,仲將佢哋個名顯示喺地圖上面。

16歲果陣,天狼星忍受唔到自己家族嘅純血精英主義,同埋唔肯對黑魔法嘅崇敬而離家出走。佢去咗投靠詹姆,詹姆嘅阿爸阿媽—老波特夫婦好鍾意天狼星,佢哋俾佢留喺佢哋屋企,仲直情當佢係自己個仔咁去照顧。天狼星離家出走之後,佢阿媽嬲到將天狼星個名喺布萊克族譜掛毯上面燒咗(喺電影版入面,可以見到古里某街12號中文哈利波特中的地點#古里某街12號嘅布萊克家族祖屋入面,布萊克族譜掛毯上代表天狼星果個位變咗黑色一撻),而天狼星嘅阿叔—阿法·布萊克Alphard Black留咗一大筆遺產俾佢,搞到天狼星阿媽連阿法個名都燒埋。因為天狼星阿叔嘅慷慨遺產,令到天狼星喺經濟上獨立得到。

鳳凰會[編輯]

天狼星畢業果陣正值第一次巫師世界大戰,係以佛地魔為首嘅黑暗勢力最強盛嘅時候。由於天狼星討厭佢家族同黑魔法,好快佢就喺阿不思·鄧不利多嘅號召之下加入咗鳳凰會

天狼星同詹姆保持住親密好友嘅關係,仲以伴郎嘅身份參加咗詹姆同莉莉嘅婚禮。當詹姆同莉莉個仔哈利出生果陣,佢哋俾天狼星做哈利嘅契爺,佢嘅兩個曾經講過,萬一唔好彩嘅事發生喺佢哋身上果陣,天狼星就成為哈利嘅監護人中文監護人

後嚟,鳳凰會嘅人知道咗西碧·崔老妮中文西碧·崔老妮嘅半個預言之後,同埋波特一家意識到哈利就係佛地魔嘅目標果陣,鄧不利多就叫波特兩公婆匿埋避開佛地魔,仲建議佢哋利用一種高度複雜嘅咒語—赤膽忠心咒Fidelius Charm嚟將秘密隱藏喺另一個人身上,由於詹姆同莉莉信任天狼星多過所有其他朋友,於是希望佢做佢哋嘅守密者Secret Keeper。不過,天狼星驚佛地魔好易估到佢就係波特家嘅守密者就拒絕咗,仲因為佢唔信佛地魔會懷疑好似佩迪魯咁「軟弱無能嘅嘢」,所以說服佢哋搵彼得做守密人。事實證明,佩迪魯係佛地魔派去鳳凰會嘅間諜。佩迪魯將波特一家嘅消息出賣俾佛地魔,佛地魔跟住追蹤仲將波特夫婦殺咗。呢個錯誤嘅決定直接導致波特夫婦嘅死亡,亦都令天狼星後悔一世。

冤獄[編輯]

天狼星喺將佢架電單車交俾魯霸·海格嚟方便海格將哈利護送去德思禮家之後,天狼星發現佩迪魯係二五仔,泄露咗波特夫婦嘅位置畀佛地魔,令到佢哋被殺。內疚又憤怒嘅天狼星決定去追殺佩迪魯嚟報仇。佢追蹤到佩迪魯,但佩迪魯知道咗之後,佩迪魯喺麻瓜鬧市之中大嗌「天狼星背叛咗波特夫婦!」,然後就用魔杖製造咗一場爆炸,當場炸死咗12個麻瓜,仲將自己扮到喺過程中死咗(淨係留低一隻斷指做證據),再轉成化獸師形態走甩咗。

呢個佈局搞到大量麻瓜「目擊」天狼星炸死佩迪魯同12個麻瓜,天狼星仲因為咁而被指控謀幫佛地魔做嘢,結果俾小巴堤·柯羅奇中文小巴堤·柯羅奇喺在未審先判嘅情況下即刻捉咗入去阿茲卡班中文阿茲卡班監獄。

天狼星留喺阿茲卡班中文阿茲卡班監獄度過咗跟住嘅12年,為佢好朋友嘅死而沉思,仲對佩迪魯嘅背叛念念不忘。天狼星話自己同其他大部分喺監禁期間成日變得精神錯亂嘅阿茲卡班囚犯唔同,由於佢知道自己係無辜,因為咁佢就能夠保持理智。

逃獄[編輯]

天狼星喺獄中有一次睇《預言家日報》果陣,咁啱睇到衛斯理一家嘅相,佢一眼就認得出榮恩·衛斯理嘅新寵物「斑斑」根本唔係普通嘅老鼠,而係佩迪魯嘅化獸師形態。佢擔心佩迪魯潛伏喺霍格華茲會對哈利不利,所以佢利用佢化獸師嘅形態嚟抵禦果啲感知唔到唔成熟犬類思想嘅催狂魔,憑住佢多年嚟營養不良搞到日益消瘦嘅身材令佢成功穿過咗監獄嘅欄柵,可以喺高度設防嘅監獄度走甩出嚟,成為咗史上第一個成功喺阿茲卡班逃獄嘅囚犯。

隨住故事嘅發展,讀者會發現當年嘅事並唔係咁簡單,而天狼星嘅角色形象亦都由開頭嘅冷血兇殘,變成照顧住哈利嘅大哥哥形象。

死亡[編輯]

佛地魔利用佢同哈利·波特之間嘅神祕聯繫,喺哈利嘅腦海入面製造幻覺,令哈利相信天狼星被俘虜咗喺魔法部嘅神祕部門入面仲俾人虐待緊。哈利同鄧不利多的軍隊嘅一班同學一齊去救佢,點知被佛地魔同食死人埋伏,搞到鳳凰會嘅成員(包括天狼星)調返轉嚟救佢哋。

喺混戰之中,天狼星俾自己嘅堂家姐貝拉·雷斯壯殺咗,跌咗落去一道拱門嘅簾幕後面。哈利用咗好長嘅一段時間都接受唔到天狼星嘅死,成日都諗佢會唔會其實未死,又好想知有無可能天狼星可以用鬼魂嘅方式返去佢身邊,佢過咗好耐先接受到天狼星真係已經死咗嘅事實。

天狼星係布萊克家族最後一個男丁,佢死咗之後,布萊克呢個純種巫師姓氏正式喺魔法世界消失,不過呢個家族嘅血脈透過女性成員融入咗去其他嘅純血家族入面。

電影入面嘅描繪[編輯]

加利·奧文喺《哈利波特:阿茲卡班的逃犯》嘅改編電影入面首次飾演天狼星·布萊克呢個角色。奧文透露,佢接受呢個角色係因為他決定花更多時間同屋企人一齊,亦都因為佢需要錢,而喺果幾年佢都無接過任何好大嘅嘢做[2]。呢個演員將天狼星比喻做約翰·連儂中文約翰·連儂[2],佢仲將呢個角色同莎士比亞嘅對白進行咗比較,仲話佢他「對實現嘅難度覺得驚訝」。奧文為天狼星嘅髮型提供咗建議,而第三輯電影嘅導演艾方索·柯朗就為佢設計咗紋身[3]。他睇過第一輯小說,而佢嘅仔女都係呢個系列嘅粉絲。呢個角色令奧文成為佢仔女同埋佢哋同學嘅英雄[4]。奧文喺講到佢喺《哈利波特》電影入面嘅工作果陣,佢話:「...做咗咁多R級電影嘅工作,能夠有一份可以向啲細路睇吓嘅工作真係太好喇[5]。」據講奧文俾天狼星呢個角色帶嚟咗能量,呢位演員話這種能量來自導演柯朗,並形容佢「對生活充滿熱情同快樂」[3]

雖然天狼星喺《火盃的考驗》入面出現咗好幾次,但呢個角色喺電影嘅解說入面,喺葛萊分多公共休息室壁爐裡面嘅場景,是由奧文做聲音演出。果個演員再次出現喺《鳳凰會的密令》入面,據講奧文同丹尼爾·域卡夫喺果套戲嘅拍攝過程入面變得好親密。少年果時嘅天狼星也曾經喺電影入面短暫露面,佢嘅角色由占士·華特斯James Walters飾演。

就好似小說入面咁,喺哈利入去禁忌森林面對佛地魔之前,天狼星喺《死神的聖物2》裡面同詹姆、莉莉同雷木思一齊透過重生石中文哈利波特中的魔法物品#重生石返去哈利身邊。喺電影嘅最後一個場景入面,呢個角色最後一次被引用,據透露,哈利同金妮嘅第一個仔就係用詹姆同天狼星嘅名嚟命名嘅[6]

人物性格與特徵[編輯]

天狼星·布萊克的描繪。

姓名[編輯]

天狼星的名字跟許多羅琳自創字一樣,該名字揭示咗佢角色嘅一部分。「天狼星·布萊克」是一句語帶雙關之詞,表示著他是一頭巨型黑狗的事實;根據其家族以星座為仔女命名嘅傳統,天狼星很可能是指大犬座,而天狼星係大犬座嘅一粒星[7],天狼星而且係也是目前已知夜空中最光嘅一粒星,再加埋佢嘅姓氏布萊克係暗指「黑狗」,正正就係佢嘅化獸師形態;而天狼星細佬獅子阿爾發就代表軒轅十四大角星

翻譯[編輯]

語言 翻譯
荷蘭文 Sirius Zwarts
芬蘭文 Sirius Musta
挪威文 Sirius Svart
波蘭文 Syriusz Czarny
葡萄牙文 Ciro o Preto
西班牙文 sirius negro

外觀上[編輯]

天狼星被形容為一個生得好高嘅男性,佢有黑色長髮同灰色嘅眼[8]。據講喺呢個系列入面有好幾次,天狼星喺入獄前被形容為好好睇[9][10],同「粗心大意嘅靚仔」[11];哈利仲留意到,喺天狼星仲係𡃁仔果陣,佢塊面上總係帶住啲被縱壞同傲慢嘅神情。佢喺阿茲卡班嘅漫長歲月令佢個面容變得憔悴,無修飾搞到頭髮又長又污糟,以及牙黃晒。哈利對天狼星嘅第一印象就好似一個屍體咁樣[12]

性格上[編輯]

作為霍格華茲嘅學生,天狼星以麻煩製造者而出名,佢曾向哈利提到佢自己、詹姆、路平同佩迪魯「都係個白痴」[13]。他講過自己從未被任命做級長英文Prefect#Academic,果個係因為佢總係花太多時間同詹姆俾人罰留喺學校[14]。天狼星對哈利嘅保護欲好強,但都鼓勵佢承擔一啲不明智嘅風險,有時仲唔恰當咁同佢一齊行動,就好似舊時佢同詹姆咁樣[15]。對於呢個,作者評論話佢「哈利所渴望嘅係阿爸」[16]。羅琳曾經話自己雖然鍾意天狼星,但「我唔認為佢係完美嘅」[17]。根據佢嘅講法,就算天狼星有勇敢同忠誠,但係佢都魯莽、怨憤,仲「因為佢喺阿茲卡班嘅長期逗留而變得有啲唔平衡[17]。」當被問到哈利係咪有契媽果陣,羅琳就答:「天狼星成日忙住做一個大反叛者而唔得閒結婚[18]。」

天狼星同佢父母同弟弟係唔同嘅,佢對黑魔法好厭惡,都唔信所謂嘅純血。羅琳曾講過,天狼星都被證明「非常叻喺散佈一啲佢優秀嘅個人哲學,但佢並唔係成日辜負佢嘅。呢個主要同佢對待家庭小精靈中文家庭小精靈怪角中文哈利波特中的生物#怪角嘅方式有關。因為怪角提醒咗天狼星指佢一直討厭呢個家(亦都由於怪角對天狼星父母嘅態度同觀點嘅曬命),令天狼星對怪角充滿住厭惡,仲一直虐待佢。呢樣掉轉頭又困擾住佢,因為怪角最終將天狼星出賣俾佛地魔,卒之令到天狼星嘅死亡。」羅琳仲話,天狼星同佢一樣年紀但性格顯得更加成熟嘅路平有啲唔同,天狼星好似從來未真正長大過咁,因為佢喺廿歲出頭果陣就俾人送去阿茲卡班,因為咁佢無過正常嘅成年人生活。即使係咁,羅琳話天狼星嘅「救贖係佢能夠感受到嘅情感。他好似兄弟咁愛詹姆,仲繼續將呢種依戀轉移俾哈利[17][19]。」

魔法能力同技巧[編輯]

天狼星俾佢以前嘅老師麥教授中文麥教授形容做一個強大嘅巫師。天狼星喺15歲果陣就做咗化獸師,仲可以將自己變成一隻大黑狗。由於他無註冊,因為咁他就可以用佢嘅能力不斷避開魔法部。喺佢五年級果時,天狼星度同石內卜對抗,後者喺一年級果陣就已經知道更多大部分七年級學生都唔識嘅惡咒。在神秘部門之戰入面,佢喺同安東寧·杜魯哈中文食死人#安東寧·杜魯哈的決鬥之中倖存到,不過跟住同佢堂家姐貝拉·雷斯壯嘅決鬥入面,佢低估咗對手,甚至公開咁嘲笑佢,後來佢俾一個未知嘅咒語擊中咗,然後將佢向後跌,最後佢消失喺死亡密室嘅黑色帷幔之中。

相關情節[編輯]

阿茲卡班的逃犯[編輯]

天狼星喺阿茲卡班監獄中文哈利波特中的地點#阿兹卡班監獄坐咗12年監之後,佢喺《預言家日報》嘅封面上睇到衛斯理一家中文衛斯理家族張相。佢留意到榮恩·衛斯理隻寵物鼠斑斑中文哈利波特中的生物#衛斯理家的寵物坐咗喺榮恩嘅膊頭上面。果個係成個系列嘅轉折點,仲設喺第三輯小說入面,而天狼星即刻就認出斑斑就係彼得·佩迪魯嘅化獸師形態。天狼星意識到如果俾佛地魔重新掌權嘅話,佩迪魯好容易就可以將哈利交去佛地魔嘅手上。知道呢件事令佢頭腦清醒返,仲俾到佢逃離阿茲卡班嘅精神力量。佢係已知嘅第一個用自己嘅方法逃離巫師監獄嘅人,佢透過轉變自己做狗嘅化獸師形態嚟完成呢個壯舉。由於催狂魔中文哈利波特中的生物#催狂魔發現唔到天狼星嘅化獸師形態,再加上佢因營養不良而令佢體重嚴重咁下降,咁樣俾佢得以喺看守嚴密嘅監獄入面鼠出嚟。喺天狼星走甩出嚟之後,佢喺活米村中文哈利波特中的地點#活米村同埋果度嘅周邊地區避難,留喺哈利·波特身邊,仲打算向佩迪魯報復。知道催狂魔已經駐紮喺霍格華茲同活米村一帶,天狼星喺呢段時間裡面保持住佢嘅化獸師形態,仲能夠喺唔俾催狂魔認得出嘅情況下入到去霍格華茲範圍。哈利䁽咗幾眼用佢狗嘅形態出現嘅天狼星,仲認錯佢做狗靈中文黑犬。狗隻形態下嘅天狼星同妙麗·格蘭傑嘅寵物貓歪腿中文哈利波特中的生物#歪腿做咗朋友,歪腿知道天狼星實際上並唔係一隻狗,而且仲認得出斑斑嘅真實身份就係彼得·佩迪魯。天狼星有一次帶住刀仔闖入葛萊分多塔搵佩迪魯,俾歪腿攞到奈威·隆巴頓嘅宿舍密碼清單,仲發現佩迪魯撕碎咗榮恩嘅窗簾之後離開咗果度,用嚟偽造佢嘅死亡嚟屈歪腿。

喺果輯小說就嚟完果陣,哈利、榮恩、妙麗同天狼星喺尖叫屋中文哈利波特中的地點#尖叫屋裡面對質,哈利差啲殺咗佢,不過雷木思·路平及時嘅干預仲阻止咗哈利,仲逼使化身成為斑斑嘅佩迪魯現形,俾哈利知道當年事件嘅真相:當詹姆同莉莉逃避佛地魔嘅追殺果陣,夫婦兩個原本俾天狼星做佢哋嘅守密人,不過天狼星就說服咗佢哋俾佩迪魯做守密人,天狼星原本以為呢個係妙計,佛地魔唔會諗到追殺彼得而去搵佢,結果邊個都諗唔到佩迪魯竟然背叛咗波特一家,成為咗佛地魔嘅間諜。彼得唔單止暗中化身老鼠走佬,仲製造佢死咗嘅假象,成功咁令人哋誤以為天狼星就係果個二五仔,仲搞到佢被指控謀殺咗12個麻瓜;或者係由於除咗天狼星嘅父母之外,布萊克家族入面大部分都係食死人嘅關係(包括埋天狼星嘅細佬獅子阿爾發·布萊克中文哈利波特角色列表#詹姆‧波特時代(約1960年-1965年)[20],俾巴堤·柯羅奇中文巴堤·柯羅奇喺未經審判之下就命令將天狼星監禁喺阿茲卡班中文哈利波特中的地點#阿茲卡班監獄,令佢無辜坐監。

一早就知道天狼星係無辜嘅路平,兩個好友久別重逢。佩迪魯嘅真實身分俾人揭穿咗,逼使佢現身。最重要嘅係,哈利阻止咗天狼星同路平將佩迪魯殺咗,認為佢阿爸唔會想佢朋友去殺人。喺混亂之後,哈利開始逐漸相信天狼星係無辜嘅講法,仲將佢睇成佢阿爸咁嘅人物(契爺),佢哋兩個都開始期盼住以後可以一起生活嘅渴望。不過件事發展很快又對佢不利—佩迪魯走甩咗,天狼星喺霍格華茲俾催狂魔捉到,仲被判處要接受催狂魔之吻—一種比死更差嘅命運。哈利同妙麗幫天狼星同巴嘴中文魯霸·海格#巴嘴一齊走甩咗,巴嘴係一隻同樣受到唔公正裁決嘅鷹馬中文哈利波特中的生物#怪獸,令天狼星再一次成為咗通緝犯。

天狼星喺於走甩咗之後同哈利、榮恩同妙麗通信,佢送咗一隻迷你嘅小貓頭鷹俾榮恩;哈利嘅飛天掃把中文哈利波特中的魔法物品#飛天掃帚喺一場被催狂魔侵擾嘅魁地奇中文魁地奇比賽入面俾渾拚柳摧毀咗之後,天狼星亦用匿名嘅名義送一支新型號嘅掃把火閃電Firebolt嚟做佢嘅聖誕禮物,不過麥教授懷疑果個掃把俾人落咗詛咒而沒收嚟檢查。作為一個逃亡者,天狼星只係可以斷斷續續而分散咁聯絡哈利。哈利繼續好似阿爸咁依靠住天狼星,仲成日喺迫切需要果陣問佢意見,同時又好擔心住天狼星嘅處境。

火盃的考驗[編輯]

天狼星喺歐洲走佬去到熱帶嘅某個地方—哈利相信果度超出咗魔法部嘅管轄範圍,天狼星喺果度慢慢喺阿茲卡班嘅歲月入面恢復返,仲恢復咗健康。雖然佢淨係可以透過貓頭鷹郵件嚟同哈利進行有限嘅交流,而佢都俾哈利一啲合理而明智嘅建議。哈利同天狼星越來越親近仲依賴住佢嘅幫助。當哈利話佢知自己嘅傷疤又開始令佢覺得痛果陣(佛地魔出現嘅信號),仲有魁地奇世界盃上面有食死人活動嘅報導,呢樣令擔心住佢嘅天狼星返到去英國。佢犧牲咗一啲恢復咗嘅健康嚟幫哈利;當佢去到活米村果陣,佢又再一次變得憔悴同唔整潔,佢同巴嘴一齊匿埋喺山洞裡面,主要靠食老鼠維生(偶爾會有哈利、榮恩同妙麗送嚟嘅食物做禮物)。天狼星喺呢輯小說入面對哈利嘅影響並唔大;佢嘅出現並唔能夠阻止三巫鬥法大賽嘅災難,佢他主要係俾哈利建議點樣去完成賽事。佢後來俾鄧不利多召去霍格華茲,仲聽咗哈利重覆講述有關佛地魔重生嘅事。鄧不利多要求天狼星將呢件事提醒路平、阿拉貝拉·費蒙當葛·弗列契同埋其他鳳凰會成員,仲指示天狼星喺路平果度留一段時間。天狼星向唔想佢走嘅哈利保證話佢哋好快就可以再見面,然後先至會真係走。

鳳凰會的密令[編輯]

天狼星匿喺佢嘅祖屋—古里某街12號中文哈利波特中的地點#古里某街12號嘅布萊克家族大宅裡面避難。作為布萊克家族最後繼承人嘅天狼星,佢繼承咗佢家族嘅財產仲俾鳳凰會用佢嚟做總部,儘管佢都已經好多年失修。由於佢嘅通緝犯身分同埋正在外邊進行嘅搜捕(當時負責追捕天狼星嘅正氣師金利·俠鈎帽中文魔法部#歷任部長事實上都係鳳凰會嘅成員之一),加上佢出去容易遇到危險,因為咁天狼星嘅活動範圍俾鄧不利多限制喺佢屋企,而佢被困住搞到佢出現抑鬱。他嘅孤僻敵對者—尤其係賽佛勒斯·石內卜—喺鳳凰會入面擔任嘅角色越來越重要,哈利亦喺佢嘅呼吸度發現到一浸酒精嘅味道。佢同佢家族大宅裡面嘅果個癡線嘅家庭小精靈怪角中文哈利波特中的生物#怪角之間嘅敵意都對佢有影響,而佢一直對怪角充滿住仇恨。當佢用化獸師形態短暫咁離開大宅去國王十字車站中文國王十字火车站 (倫敦)嚟同哈利送行果陣,佢嘅化獸師形態俾跩哥·馬份魯休思·馬份認出咗,搞到佢收到更多嘅威脅同警告。後嚟,天狼星同哈利淨係可以透過貓頭鷹通訊同呼嚕網絡中文哈利波特中的魔法物品#呼嚕粉嚟保持聯繫,而呼嚕網絡係個通過壁爐嚟進行交流嘅系統。由於天狼星一直用呼嚕網絡同喺學院交誼廳裡嘅哈利聯繫(一般巫師同女巫可以用火嚟通訊),因為咁最終俾監控住通訊網絡同貓頭鷹郵件進出霍格華茲嘅魔法部官員桃樂絲·恩不里居捉到同破壞。

去到小說近中段嘅部分,包括咗天狼星好憎嘅表姐貝拉·雷斯壯—佢嘅大批食死人逃離咗阿茲卡班監獄。魔法部拒絕承認佛地魔經已捲土重來,而催狂魔已經加入到佛地魔陣營嘅事實,佢哋試圖將責任歸咎喺天狼星身上,話佢協助囚犯逃獄仲領導住佢哋。天狼星喺成輯小說入面扮演住哈利阿爸嘅形象—鍾意玩、大膽、魯莽,佢鼓勵哈利反對恩不里居同埋佢嘅改革,仲強烈咁贊成哈利為建立秘密嘅學生防禦術教學小組—鄧不利多的軍隊。佢仲表現出對哈利嘅高度信任同尊重,仲願意去答後者關於鳳凰會同佛地魔嘅問題。天狼星後生果時嘅長期監禁影響咗佢嘅情感發展。路平同茉莉·衛斯理中文茉莉·衛斯理對於天狼星喺哈利身邊嘅行為唔高興,話天狼星對待佢契仔就好似對哈利阿爸詹姆咁樣,認為呢樣係唔恰當嘅事。

隨著佛地魔嘅力量越來越強大,佢增強咗嘅力量俾佢喺哈利嘅腦海入面植入咗一個虛假嘅幻象,令佢相信天狼星被俘虜仲喺神秘部門裡面受到酷刑嘅折磨。哈利試圖透過呼嚕網絡嚟聯絡喺古里某街嘅天狼星,嚟確定佢係咪喺魔法部;不過,哈利發現除咗怪角之外,間屋似乎一個人都無,怪角話俾哈利知天狼星唔會喺魔法部返嚟。真係信佛地魔正喺度折磨天狼星嘅哈利,佢同佢啲朋友入到廢棄咗嘅魔法部,仲入到去神秘事務部。當佢哋俾食死人伏擊果時,哈利意識到佛地魔將佢引誘到一個陷阱裡面。不過,拯救佢哋嘅人卻係石內卜;喺確認天狼星喺古里某街果度安全之後,石內卜就通知鳳凰會指失蹤咗嘅學生已經去緊魔法部(後來透露,天狼星一直喺大宅樓上照顧住鷹馬巴嘴,所以當哈利試吓聯絡佢果陣,佢無出現喺佢嘅視線範圍裡面)。後來,鳳凰會即刻派出一支救援隊,當中包括咗路平、小仙女·東施瘋眼穆敵同埋金利·俠鉤帽去救佢哋幾個,迫不及待擺脫禁錮嘅天狼星亦都跟住到。

鳳凰會嘅咁多人喺神秘事務司之戰入面同幾個食死人喺「死亡室」裡面作戰。喺同佢堂家姐貝拉·雷斯壯嘅瘋狂決鬥入面,天狼星嘲笑話佢無辦法傷害到自己。佢後來用索命咒向天狼星攻擊,令佢中咒仲後退到跌落果個古老拱門入面嘅黑色帷幔裡面而死。克服咗頃刻嘅悲傷同憤怒嘅哈利試圖向貝拉·雷斯壯報復但失敗咗,亦都俾佛地魔嚟到而打斷咗。喺佛地魔同鄧不利多之間嘅短暫決鬥之後,佛地魔喺魔法部部長同其他魔法部官員見到佢之後,佢就走咗去。哈利當時留低為天狼星哀悼,反映出佢雖然有不足,但佢都係一個充滿愛心同埋具保護性嘅契爺,亦都係哈利最接近真實父母嘅人。結果,魔法部放棄咗佢哋指佛地魔無捲土重來嘅立場,鄧不利多再次受到啲人嘅信任。掉轉頭,鄧不利多說服咗部長話天狼星係無辜嘅。天狼星喺跟住落嚟嘅小說裡面嘅罪名被撤銷咗;不過唔好彩嘅係,已經太遲喇。鄧不利多話呢個係「一段漫長而幸福關係嘅殘酷結局[21]」。

天狼星過身之後,喺《哈利波特:混血王子的背叛》入面嘅遺囑聲明,哈利擁有天狼星家族所有資產嘅繼承權,包括喺古里某街嘅布萊克家族大宅、佢嘅家庭小精靈怪角,仲有鷹馬巴嘴。不過哈利就無意處理布萊克家族嘅祖屋;布萊克家族嘅家庭小精靈怪角就服從佢嘅命令去到霍格華茲嘅廚房同其他家庭小精靈一齊做嘢;鷹馬巴嘴(後來喺第七集改名做枯翅Witherwings)就交返俾海格照顧;而天狼星嘅電單車就喺第七集入面再出現。

死神的聖物[編輯]

正如J·K·羅琳喺2003年接受《BBC帕克斯曼Paxman嘅訪問果陣所講,天狼星「肯定已經死咗」[22]。不過,佢好隱晦咁提到天狼星喺過身之前交俾哈利嘅通訊鏡,從而引發咗進一步撲朔迷離嘅作用:「果塊鏡嘅作用可能無你所想像咁有幫助,但另一方面,佢嘅幫助比你所諗嘅仲要多。你一定要睇到最後一輯小說先至可以理解到呢一點[23]!」喺最後一輯小說入面,阿波佛·鄧不利多用咗呢塊佢喺一年前喺蒙當葛·弗列契果度買到嘅雙面鏡中文哈利波特中的魔法物品#雙面镜裡面,佢喺入面見到喺馬份莊園中文哈利波特中的地點#馬份莊園地窖裡面嘅哈利,咁樣先至可以令阿波佛派遣到多比中文哈利波特中的生物#多比營救哈利佢哋幾個。

當哈利喺《死神的聖物2》入面喺金探子裡面發現重生石中文哈利波特中的魔法物品#重生石果時,用佢嚟召喚經已過身嘅天狼星、詹姆、莉莉同路平。天狼星佢哋四個一齊以幽靈咁嘅形態出現,嚟支持哈利步向死亡,呢個係天狼星最後一次嘅露面。天狼星向哈利保證死亡「比瞓著仲快同仲易」,佢仲同哈利保證,佢哋四個將會永遠係佢嘅一部分。

羅琳喺ITV嘅《J·K·羅琳紀錄片J. K. Rowling Documentary》入面透露咗一個家譜,當中關於衛斯理家族中文衛斯理家族嘅所有孫輩。喺呢份家譜入面,眾所周知,哈用咗佢阿爸同契爺嘅名嚟去幫佢嘅大仔改名做詹姆·天狼星·波特中文哈利波特角色列表#十九年後的孩子[24]

哈利波特前傳[編輯]

天狼星同詹姆係呢個800字故事入面嘅主角,故事設定喺哈利出生嘅3年之前[25]。故事講述天狼星同詹姆揸住天狼星嘅電單車,因為超速俾兩個麻瓜警察追住。當三個騎住掃把嘅食死人飛向佢哋果時,麻瓜警察試圖拉佢哋兩個。天狼星同詹姆用警車作為障礙物搞到食死人撞埋去。最後,佢哋兩個揸住架飛天電單行車喺警察手上走甩咗。

評價[編輯]

天狼星成日都俾人認為係《哈利波特》系列入面最好嘅角色之一,都成日俾人認為係哈利最出名嘅阿爸形象。2011年,《帝國雜誌中文帝國雜誌》揀出嚟嘅前25名哈利波特人物入面,天狼星·布萊克係喺第5位[26]。2017年,《IGN中文IGN》將天狼星列做《哈利波特》世界入面最好角色嘅第8位[27],仲話:「天狼星同哈利之間開始發展嘅父子關係令我哋鍾意呢個角色[27]。」

另外,WatchMojo.com將天狼星列做果個系列入面最好角色嘅第4位,仲再一次引用佢同哈利阿爸咁嘅關係作為讚揚嘅高點[28] 。果個角色喺《鳳凰會的密令》入面嘅英年早逝通常俾人認為係果個系列裡面其中一個最激動人心同最令人心碎嘅時刻[29]

睇埋[編輯]

[編輯]

  1. "Potter star buys Rowling document". BBC News 24. 22 February 2006. 喺2007-06-02搵到.
  2. 2.0 2.1 "Coventry Evening Telegraph: GO: CINEMA: I CASHED IN ON HARRY POTTER !". Coventry Evening Telegraph. 2004-05-28.
  3. 3.0 3.1 "Gary Oldman: Seriously Sirius". Newsround. 2004-05-28. 喺2007-11-30搵到.
  4. Vaughan, Johnny; Henry, Lenny (2004). Head to Shrunken Head (DVD). Warner Bros. Pictures.
  5. Sirius in the movies, from HPL
  6. Steele, Amanda (2020-01-10). "10 Most Heroic Things Sirius Black Did". Screenrant (英文). 喺2020-07-07搵到.
  7. 利·波特名各有深意 伏地魔代表"死亡的飞翔". 国际在线. 2011-08-04. 原著喺2018-07-03歸檔. 喺2018-09-07搵到. {{cite web}}: Unknown parameter |dead-url= ignored (|url-status= suggested) (help)
  8. "J.K.Rowling Official Site". 原著喺2011年6月23號歸檔. 喺2023年10月30號搵到.
  9. 哈利波特:阿茲卡班的逃犯》第11章。
  10. 哈利波特:鳳凰會的密令》第28章。
  11. 哈利波特:死神的聖物》第10章。
  12. 哈利波特:阿茲卡班的逃犯》第17章。
  13. 哈利波特:鳳凰會的密令》第29章。
  14. 哈利波特:混血王子的背叛》第24章。
  15. 哈利波特:鳳凰會的密令》第17章。
  16. "The Leaky Cauldron and MN Interview Joanne Kathleen Rowling – Part 2". The Leaky Cauldron. 28 July 2007. 喺9 February 2022搵到.
  17. 17.0 17.1 17.2 "Do you like Sirius Black?". 原著喺2011年4月30號歸檔. 喺2023年10月30號搵到.
  18. "J K Rowling at the Edinburgh Book Festival". 原著喺2008年8月23號歸檔. 喺2023年10月30號搵到.
  19. "The wisest things in the nicest way: Our favourite Sirius Black quotes that will echo forever". Indulge Express (英文). 2020-03-23. 喺2020-07-07搵到.
  20. J. K. Rowling (2004年8月). Harry Potter And The Order Of The Phoenix. Scholastic Paperbacks. ISBN 978-0439358071.
  21. "Things you may not have noticed about Sirius Black". Wizarding World (英文). 2017-11-06. 喺2020-06-29搵到.
  22. "FULL transcript of JK's OOTP interview". BBC News. 2003-06-19.
  23. "J.K.Rowling Official Site". www.jkrowling.com. 原著喺2006-03-16歸檔.
  24. J.K.Rowling - A Year In The Life; James Runcie; Independent Television (ITV); 2007
  25. "JK's story card: a prequel to Potter". Waterstone's. 12 June 2008.
  26. "The 25 Greatest Harry Potter Characters" (英文). Empire. 2011-07-26. 原著喺2018-08-01歸檔. 喺2018-09-07搵到. {{cite web}}: Unknown parameter |dead-url= ignored (|url-status= suggested) (help)
  27. 27.0 27.1 "Top 25 Harry Potter Characters". IGN (英文). 2018-11-12. 喺2020-07-05搵到.
  28. "Top 10 Harry Potter Characters". YouTube (英文). WatchMojo. 2014-07-05. 喺2020-07-05搵到.
  29. Lealos, Shawn (2019-06-28). "Harry Potter: The 10 Most Heartbreaking Deaths". ScreenRant (英文). 喺2020-07-05搵到.