天龍八部 (小說)

1963年9月3號，金庸開始喺《明報》同《南洋商報》連載武俠小說《天龍八部》，用咗四年時間先寫完，期間佢去咗歐洲，倪匡幫佢寫咗四萬幾字。^[1]之後改過兩次，一次喺1978年，第二次喺2005年。

呢本書嘅故事時代背景喺宋哲宗元祐、紹聖年間。書名借用佛經「天龍八部」嘅講法，用嚟象徵眾生萬類。全書嘅內容圍繞住三個人：丐幫幫主喬峰，實際上係契丹人，最後自殺嚟阻止遼國軍隊南侵；大理世子段譽，因為機緣巧合涉足江湖，成日遇到離奇變故；少林和尚虛竹，誤打誤撞破解咗珍瓏棋局，就咁入咗逍遙派。

評價

陳世驤曾經寫信俾金庸，話呢本書係「悲天憫人之作」「無人不冤，有情皆孽」。^[2] 倪匡評價《天龍八部》，認為佢喺武俠小說嘅地位稱得上第一。^[3]