太子 (北極)

太子喺右上方。

太子，恆星中巨星白星，喺帝側邊。儀象考成編佢為北極一。史記天官書無明確叫太子，但有叫子屬。晉書天文志，叫太子。西洋叫小熊座γ星、花路確星。喺北半球夜空做拱極星，一年四季都見到。視星等得三，城市夜空都睇得到。唔算特別光，但個位特別，所以引人注意。

獨自成太子星官，又撮合成北極星官，夾埋帝、庶子、後宮、天樞。西洋星座喺小熊座。西洋星羣喺小北斗。

物理上係粒白巨星，脫離主序星，表面溫度約七千五百到一萬開，未到超巨星階段。距地球四百八十七光年。質量太陽五倍，直徑太陽十五倍。地球睇來佢唔點光，實情本身光度太陽千一倍。佢然仍變大緊，仍用氫聚變。恆星演化會成脈動變星，之後變紅巨星。

過去幾千年，文明見證北極星輪轉。太子同帝，即北極二，曾經做過北極星，至接近天球北極。

花路確星出自亞剌伯文فرقد，意思兩犢暗嗰隻，英文寫Pherkad，二〇一六年納入星名。而兩犢另一粒叫高及星，即帝。

文獻

史記天官書有記。

天極星、其一明者、太一常居也。旁三星三公、或曰子屬。後句四星、末大星正妃、餘三星後宮之屬也。

晉書天文志有記，北極五星第一星，叫佢太子。

第一星主月，太子也。