鄂圖曼帝國

出自維基百科,自由嘅百科全書
(由奧斯曼帝國跳轉過嚟)
鄂圖曼帝國旗
奧斯曼帝國國徽
奧斯曼帝國最大嘅領土
奧斯曼帝國領土演變

鄂圖曼帝國粵拼ngok6 tou4 maan6 dai3 gwok3,鄂圖曼土耳其文:دولت عالیه عثمانیه;土耳其文:Osmanlı İmparatorluğu),又叫奧斯曼帝國ou3 si1 maan6 dai3 gwok3)、奧托曼帝國ou3 tok3 maan6 dai3 gwok3)同埋土耳其帝國tou2 ji5 kei4 dai3 gwok3),係突厥人響1299年到1922年期間建立嘅帝國。立國嘅係鄂圖曼一世。鄂圖曼帝國由小亞細亞開始發展,最勁嗰陣勢力去到三大洲,南歐中東北非都係佢管,國土西面去到直布羅陀海峽,東面就去到裏海波斯灣,北面去到奧地利斯洛文尼亞,南面就去到蘇丹索馬里也門。1453年鄂圖曼帝國滅咗東羅馬帝國,搬個首都到伊斯坦堡(前君士坦丁堡),話自己繼承羅馬帝國,加埋伊斯蘭文化,就可以融合到東西文明。奧斯曼帝國因為打輸咗第一次世界大戰而亡國。 最後都係最強大嘅帝國相比之下輸咗。

歷史[編輯]

開頭突厥人喺蒙古高原度住,並喺中國北方建立突厥汗國,之後去咗中亞建立塞爾柱帝國,再去到小亞細亞建立奧斯曼帝國。初頭唔係好勁,但係攻陷咗拜占庭帝國首都君士坦丁堡,同埋改名叫伊斯坦堡之後,就開始勁。奧斯曼帝國話自己係羅馬帝國嘅繼承國,重佔領埋南歐巴爾幹半島中東北非大部份領土。

後來,奧斯曼帝國經歷過中興、滯止、改革、現代化,但都唔可以挽回滅亡嘅命運。

奧斯曼帝國係唯一一個中東同伊斯蘭國係可以抵抗歐洲列強嘅入侵,但係最後響19世紀初開始沒落。

輸咗第一次世界大戰之後,佢嘅領土俾協約國瓜分,引發土耳其國民運動凱末爾帶領嘅土耳其獨立戰爭最終勝出,蘇丹穆罕默德六世被廢,奧斯曼帝國俾土耳其共和國繼承。

信仰[編輯]

奧斯曼帝國國教係伊斯蘭教,畀咗好多優惠啲伊斯蘭教徒,但係都容納其他教徒。

文化[編輯]

奧斯曼帝國吸收咗地中海黑海嘅傳統、藝術同文化體系,重加入咗新元素。喺奧斯曼帝國,唔同嘅文化都有得傳承。

奧斯曼嘅建築受到波斯拜占庭同伊斯蘭唔同建築風格嘅影響。

而奧斯曼土耳其語係土耳其語嘅變種,但亦受到波斯語同埋阿拉伯語嘅影響。

現代[編輯]

土耳其共和國國旗
內文:土耳其

現今嘅奧斯曼帝國嘅繼承國係土耳其共和國,大致上保留咗一嘅奧斯曼文化,係小亞細亞一個算幾大嘅國。

出面網頁[編輯]