奶媽政府

法國政府畫做奶媽老婦，講公共援助。一九〇一年。

奶媽政府、保姆政府、監護人政府，話政府過份保護，過份干擾個人選擇，比喻政府做奶媽，角色好似奶媽湊仔咁，唔畀受傷。通常會加強政府監控，積極維持呢啲措施，就算當事人唔願意，公開反抗。有啲社會監控自願跌入去，自己登記，為咗慳錢慳時間，有福利娛樂。例有強制安全帶、禁煙、唔要人肥之類。同家長作風類似，叫奶媽就諧趣一啲，傾向過份照顧嗰面。相對於公共援助，就偏埋監管嗰面。

奶媽政策背後理據，政府有責任唔畀人自我傷害，政府叻過個人，清楚乜嘢會受傷害。

奶媽隻字遍向英文，德文叫監護、監控、過度照顧。日文叫子守。韓文叫保姆。丹麥叫大亞媽。瑞典文叫監護人。

奶媽政府一般睇成貶義，但不乏支持者。好似星架坡咁，就以奶媽政府為榮。李光耀話過，如果星架坡叫做奶媽政府，我培育出佢感到自豪。

理論上，自由主義傾向個人自由，而社會主義傾向事事插手保護，但兩面都有機會做奶媽政府。至於奶媽政府好壞，都各有各講，有啲嘢想自己自由多啲，有啲嘢想人保護多啲。好似美國，共和黨一邊堅持自由持鎗，一邊就反對自由墮胎。民主黨取態就相反。喺健康、社會、安全呢啲範疇，爭議會大啲。好似政治正確、審查制度，呢啲爭議都好大。

語源

奶媽nanny隻字出自英國，一九六五年當時保守黨議員麥克來，一九七〇年官至財相。當年十二月三號，旁觀者雜誌入面寫，我叫佢做奶媽政府。 篇文叫每個鐘七十英里，向工黨發火。一話運輸部長快速公路限速七十荒謬，當時七十到八十都入安全車速。要咁安全，不如落到五，搵人舉紅旗檢查。二話能源部長，要求石油公司唔落廣告，等國有公司有優勢。石油公司唔肯，得反抗奶媽獎。三話房屋部長，要求建築協會、建築商一齊起少啲屋。若果佢哋拒絕話，唔關佢哋本份，就會得反抗奶媽獎。

state指文人政府，雖則有睇成國亦無不可。

英國記者班納里汾、柯伯倫和令到隻字普及，首相戴卓爾夫人就用過呢隻字。

範疇

• 禁令。祇關私人。好似禁同性戀、禁止細路打機。
• 政府程序過多繁文縟節。好似故意刁難。
• 專門引導稅項。旨在改變納稅人行為。政府認為對佢哋自己好。好似糖稅。
• 收集資料。體檢、人口普查問性取向。
• 規定、禁令。有啲過份、怪怪哋。好似禁膠袋。
• 保護主義。政府指導經濟，規管市場。好似折扣法，禁止過度打折。又好似書籍定價。

點為之管得過份，無話絕對，例如戴頭盔。電單戴頭盔就合理，唔戴頭盔撞親傷得金，社會成本高。單車戴頭盔就唔一定，無咁易重傷。

政策而言，可以咁分。

• 國家、經濟、社會政策。有規管市場、指令主義、政府干預、偏袒大型企業、特定群體。
• 國際貿易政策。保護本國企業，即保護主義，阻止外國競爭。受多邊自由化協議限制，各國現在能力有限。
• 健康與社會保障
• 移民自由定居政策

常見個人限制有。

• 禁止濫用毒品
• 酒精、煙草有最低消費年齡，就算私人場合
• 有義務戴安全帽，即頭盔
• 垃圾食品收高稅。呢樣尤其會畀人睇做奶媽政策

例

• 星架坡對香口膠好嚴厲。掉香口膠落地，可能要坐監同罰好多錢。一九九二年到二〇〇四年，就唔畀賣，二〇〇四年打後，有登記先可以藥房買。
• 歐盟二〇〇七年六月，禁用水銀氣壓計，怕水銀污染，受到批評。