桀
(由姒履癸跳轉過嚟)
| ||||
|---|---|---|---|---|
 | ||||
| 統治 | ||||
| 崗位 | Wang  | |||
| 明細 | ||||
| 出世日 | 1728年 BC | |||
| 出世地 | 夏 | |||
| 死亡日 | 未知 | |||
| 死亡地 | 夏 | |||
| 職業 | 君主 | |||
| 配偶 | Mo Xi | |||
| 家族 | 夏 | |||
| 阿爸 | 發 | |||
[改維基數據] | ||||
桀（桀讀傑，粵音：git6）係夏朝第十七個君主，字履癸（讀里貴，lei5 gwai3），發個仔。
桀身體強壯，可以就咁用手空拳搏虎豹。後人嘅文獻寫佢係暴君：佢寵信王后妺喜，對政事一啲都唔問之餘，重成日殺死忠臣，用炮烙嚟殺大臣關龍逢[1]。《通鑑外紀》話：「桀作瑤台，罷民力，殫民財。為酒池糟堤，縱靡靡之樂，一鼓而牛飲者三千人。」結果商湯起兵，《湯誓》講：「有夏多罪，天命殛之」，桀即刻逃去鳴條（宜家山西安邑）；喺鳴條之戰，桀戰敗，夏國滅亡[2]。亡國後，佢被商湯流放去南巢（宜家安徽省巢湖市居巢區）[3]。桀好哀嘆咁講：「孤悔不遂殺湯於夏台使至此。」冇幾耐病死，後世有「殷鑒不遠，在夏后之世」嘅講法。
夏桀王姒履癸同商紂王、周厲王、周幽王一樣，都係暴君嘅代名詞。成語「桀驁不馴」入面「桀」就係指呢位君主。
參考
[編輯]- ↑ 《玉函山房輯佚書·符子》
- ↑ 《楚辭·離騷》：「夏桀之常違兮，乃遂焉而逢殃」。王逸注：「言夏桀上背於天道，下朔於人理，乃遂以逢殃咎，終為殷湯所誅滅」。
- ↑ 司馬遷。. 《史記》。：「湯遂率兵以伐夏桀。桀走鳴條，遂放而死。」古本《竹書紀年》載：「湯遂滅夏，桀逃南巢氏。」《帝王世紀》載：「湯追至大涉，遂擒桀於焦，放之歷山，乃與妺喜及諸嬖妾同舟浮海，奔於南巢之山而死。」《史記·殷本紀》注引《淮南子》話：「湯敗桀於歷山，與妺喜同舟浮江，奔南巢之山而死。」
出面網頁
[編輯]
 |