娘母

出自維基百科,自由嘅百科全書

娘母粵拼noeng4 mou5;中古漢語拼音:nriang)係中古漢語聲母,屬舌音中嘅知組,係次濁聲母。呢個聲母接二、三等嘅韻母,同一、四等嘅泥母互補。下面係佢嘅例字。

一等 二等 三等 四等
拏nra、赧nranx、鬧nrauh、豽nruet 黏nriem、紐nriux、賃nrimh、暱nrit

擬音[編輯]

同同樣係舌上音知、徹、澄唔同,而家嘅漢語同域外方音分唔開泥同娘,而且反切中泥娘經常撈埋一齊用,所以有啲學者認爲娘母唔係獨立聲母,不過係爲咗等韻整齊而設,所以擬音同泥母一樣係/n/。主張娘母係獨立聲母嘅人,有派擬成泥母嘅捲脷音,擬爲/ɳ/,有派擬爲泥母嘅顎化音,擬爲/ȵ/,擬成顎化音嘅人,爲咗區分娘同日,會將日母擬成/ȵʑ/,喺後面加濁塞。

上古來源[編輯]

對上古音嘅研究有個定論係娘日歸泥,亦即娘母係分化自泥母嘅。由於泥一、四等同娘二、三等互補,係二、三等韻母嘅介音構成咗佢從泥母分化嘅條件。

喺粵語嘅演變[編輯]

娘母喺粵語同泥母合流,對應嘅粵拼係n,對聲調嘅影響係,娘母字派陽聲調。

下面係一啲例字嘅古今音對比,第一欄例字,第二欄中古音(切韻),第三欄現代粵音:

nriox nriang nriem nriux nriih nrauh nrik nriep nrii nryung
neoi5 noeng4 nim4 nau5 nei6 naau6 nik6 nip6 nei4 nung4

調返轉頭,現代粵語中嘅n聲母來源自中古音嘅泥、娘二母,有個別來自明母,有極個別來自日母同來母(如你、粒)。

喺吳語嘅演變[編輯]

吳語娘母三等歸日母,對應嘅吳拼係ny;娘母二等歸泥母,對應嘅吳拼係n。

喺普通話嘅演變[編輯]

普通話同粵語一樣,娘母歸泥母,對應嘅普拼係n。

喺日文嘅演變[編輯]

喺日文,吳音讀な行,漢音讀だ行。

喺韓文嘅演變[編輯]

韓文嘅娘母同粵語一樣,歸入泥母,但娘三等字同泥四等字一樣,打頭時會甩聲母,如女嘅字音係녀,打詞頭時變成여。

喺越南文嘅演變[編輯]

越南文嘅娘母多數係n,少數顎化成nh。聲調上,平聲喺陰聲,仄聲喺陽聲。

早期中古漢語(切韻音)聲母
全清 次清 全濁 次濁 全清 全濁
脣音
舌音
齒音
牙音
喉音