嫁娶屋

出自維基百科,自由嘅百科全書
Jump to navigation Jump to search

嫁娶屋粵拼:Gaa3 ceoi2 uk1)係廣州佛山嘅一種傳統婚禮場地,喺 17 世紀(大清早期)開始有。佢哋係畀啲新人租嚟搞婚禮嘅[1][2][3][4]

歷史[編輯]

佛山人搞婚禮好講排場,但係自從 17 世紀開始,人口稠密嘅佛山房屋供應緊張,令到唔少人嘅居所細得滯,攞唔到嚟搞大型嘅婚禮。當時一戶姓楊嘅有錢人家就出租自己嘅宅院畀人舉辦婚禮-就係「嫁娶屋」嘅開端。打後楊氏大宅轉咗手,做埋專門租畀新人舉行婚禮嘅場所-變咗做家陣嘅文會里嫁娶屋。自從楊氏出租嫁娶屋開始,喺佛山嗰頭相繼出現咗其他嘅嫁娶屋,重有分唔同等級[2][1][5]

19 世紀開始佛山嘅外來移民人口多咗好多。呢個時候係嫁娶屋嘅全盛時期。嫁娶屋成行成市,分布有喺九個地方,曾形成過所謂嘅「婚嫁一條街」。喺 1920 至 30 年代,佛山街頭成日都見得到「嫁娶屋出租」嘅廣告[5]

中華人民共和國成立之後,傳統婚禮式微,原嚟嘅嫁娶屋都改變咗用途,而文會里嫁娶屋亦都畀人間做民房。而家嘅清代嫁娶屋淨係得返文會里 36 號、38 號、40 號嘅嫁娶屋同埋長生樹嫁娶屋保留得完整啲[3]

現況[編輯]

近年嚟中國大陸有唔少新人揀舉行傳統唐式婚禮,佛山嘅嫁娶屋行業亦都因為咁而復興。文會里嫁娶屋自從 2013 年起恢復出租畀民眾做唐式婚禮場地。後嚟南風古灶風景區亦都將區入面嘅林家廳改建做嫁娶屋[4]

睇埋[編輯]

[編輯]

  1. 1.0 1.1 "佛山嫁娶屋重現嶺南婚俗" (用中文寫). 大公網. 2014-01-05. 喺2016-07-23搵到. 
  2. 2.0 2.1 吴英姿 (2013-11-18). "揭开"嫁娶屋"的红头盖" (用中文寫). 佛山市政府網. (原先內容喺2016-08-18歸檔). 喺2016-07-23搵到. 
  3. 3.0 3.1 景瑾瑾 (2013-01-29). "佛山清代"嫁娶屋"春节后全面开放". A (用中文寫). 羊城晚報. 喺2016-07-23搵到. 
  4. 4.0 4.1 "南风古灶婚嫁屋重新开张". A (用中文寫). 中國婚嫁網. 2016-03-25. (原先內容喺2016-09-20歸檔). 喺2016-07-23搵到. 
  5. 5.0 5.1 "嫁娶屋" (用中文寫). 禪城區地情網. 2016-04-15. (原先內容喺2016-08-20歸檔). 喺2016-07-23搵到.