孲𤘅子

出自維基百科,自由嘅百科全書
跳去: 定向搵嘢
人嘅孲𤘅

孲𤘅子Aajai.svg,音:nga4 nga1 jai2 個快勞),亦叫「蘇蝦仔」(正寫臊孲仔或者蘇孲崽),就咁蘇蝦BB啤啤),文言係「」或者「嫛婗[1],係啱啱出世到兩三歲嘅人仔。有時會單用字夾埋其他字,代表孲𤘅子有關嘅嘢。

寫法、出處[編輯]

寫法

【孲𤘅子】出自《揚子方語》:『吳人謂赤子曰孲𤘅』[2]。【孲】喺《集韻》:『孲,赤子也』。【蘇孲崽】出自《番禺縣志》:『廣州呼小兒曰蘇孲崽。蘇,生也,言新生者也』。【so1】 呢個字有人寫做【臊】係指 BB 身上嘅氣味,寫作【臊孲仔】[3]。文言書面語稱做【嬰】、【嬰兒】或【嬰孩】[4],《說文解字》話【嬰】字原本嘅意思係女人攬響頸上嘅貝殼(飾物)[5],至於嚸解攞來指 BB 就無人肯定。而近代嘅「BB」或「啤啤」好可能由葡文bebê 或者英文嘅 baby 度出來 [6]

啱啱出世個樣[編輯]

啱啱響阿媽度生出來嘅孲𤘅
啱啱出世嘅孲𤘅

一出世嘅孲𤘅膊頭同個臗位窄,肚少少凸,手腳短。佢哋嘅平均重 3.2 kg,可以由 2.7 到 4.6 kg。平均身長 35.6–50.8 cm,未足月嘅 B 細啲。孲𤘅嘅頭大。

啱啱出世嘅孲𤘅,個頭佔個成個人好大份。頭蓋骨相對塊面係好大。大人嘅頭骨係佢個身長嘅八份一,孲𤘅就係四份一。啱啱出世嘅孲𤘅嘅頭骨未生埋,呢兩個軟軟哋嘅地方叫腦囟 (fontanelle)。有個鑽石形、大嘅前腦囟,響頭嘅前頂方,同細三角形嘅後腦囟,響頭嘅後面。

有啲啱啱出世嘅孲𤘅,響膊頭、背脊、前臂、耳、塊面度有啲幼細嘅毛毛,叫胎毛(lanugo)。一般胎毛幾星期自己會甩。有啲 BB 出世嗰陣好多頭髮,有啲就無乜,有啲重光頭。頭殼有啲瘀,眼有啲腫,遲啲會散。

孲𤘅出世時穿過陰道。頭會變形,拉長咗,幾日到幾星期會變返正常。

層白色嘅胎兒皮脂(vernix caseosa),啱啱響阿媽度生出來嘅孲𤘅

啱啱出世嗰陣, BB 嘅皮膚程暗藍色,一開始吸氣會變返正常膚色。重會有層白色嘅嘢,叫胎兒皮脂(vernix caseosa),有抗菌作用。腳仔手仔會甩皮,重有胎記

BB 嘅性器官會紅腫,男 B 嘅 jer jer 又大又紅,個袋袋特大,無論男女 BB 個都會大,係由於母體嘅激素造成嘅短暫情況。 男女孲𤘅嘅可乳頭能會出奶,或女 B 由陰道流出血/奶狀嘅液體,兩個情況都係正常嘅,好快會消失。

孲𤘅嘅臍帶係藍白色,臍帶剪咗之後,會留返 2-5cm 喺度,三星期左右,就會乾、變黑、縮細,最後自己甩出來。有時醫院幫 B 嘅剪臍帶個位搽藥水防止感染,臍帶睇起來紫紫哋。

爾啲種種響啱啱出世嘅孲𤘅嘅特徵好快會消失。老少少嘅 BB 個樣好唔同,有人認為老少少嘅𤘅仔得意啲,亦有人覺得啱啱出世嘅好醜樣。

感觀[編輯]

當 BB 唔瞓覺、唔喊、唔食奶嗰陣,就會乜都睇一餐,四圍𥄫,閃閃炩嘅就最鍾意。
唐人蘇蝦女

孲𤘅最鍾意俾人摸、掃、抱。抱住搖下佢、沖暖水涼、按摩通常可以令 BB 喊少啲。佢哋鍾意食手指、啜奶嘴。啜嘢係本能來嘅,畀 BB 食奶。

BB 視力一般,只係睇到眼前 45厘米嘅嘢。雖然睇得唔遠,夠佢食人奶嗰陣睇到阿媽個樣。 當 BB 唔瞓覺、唔喊、唔食奶嗰陣,就會乜都睇一餐。對啲顏色對比大、複雜嘅花紋圖案特別有興趣。BB 最鐘意都係睇人嘅

孲𤘅重喺阿媽肚裏面已經可以聽到體內發出嘅聲:阿媽嘅心跳、腸郁動嘅聲、人聲、車聲。胎裏面嘅 B 雖然浸喺羊水度係可以聽到聲。BB 對女聲反應好過男聲,因此可能解釋嚸解同 BB 講嘢嗰陣啲人會提高把聲。人聲,尤其是阿媽把聲,會令 BB 好舒服。大大聲、爆音會嚇驚佢哋。

BB 一出世就對有反應,甜嘢就最鍾意。一出世嗅覺就好發達,喺第一星期,已經可以分辨到阿媽同第個女人啲嘅味道。

夭折率[編輯]

夭折率係孲𤘅仔一歲之前嘅比率。分兩種:出世頭 27 日死叫 neonatal death;第 28 日之後嘅叫 post-neonatal death。死因包括:缺水、感染、先天畸形、嬰兒猝死症(Sudden infant death 或就咁 SIDS )[7]

睇夭折率就知嗰個國家/地區嘅醫療狀況掂唔掂。夭折率顯示到孲𤘅仔/大肚婆嘅健康狀況、醫療設施夠唔夠、公共醫療政策/制度嘅成敗。夭折率越低就越掂 [8] [9]

食啲乜,照顧[編輯]

BB 食人奶
BB 用奶樽飲奶

一係食阿媽啲奶(人奶),唔係就食特別加工牛奶(嬰兒配方)[10],啲 B 越大,胃口越好。BB 吮嘅本能令到佢哋識得由阿媽乳頭度食奶,或者食奶嘴,亦係佢哋嘅本能去搵乳頭。如果阿媽唔肯唔想餵奶,或者餵唔到,可以食嬰兒配方或請奶媽

餵喂人奶畀 BB 好處多,奶裏面有抗體 [11],而飲人奶嘅 B 可以唔飲水,減少受到污遭水感染嘅機會。加上工牛奶無抗體,喺水源受污染嘅地方,有病嘅機會大升。只有人奶有齊 BB 要嘅抗體,有齊 BB 啲長肉嘅需要[12],雖然嬰兒配方久唔久改下去學人奶。

湊 BB 係一件好辛苦嘅事,特別係啲淨飲人奶嘅蘇孲,每兩個鐘頭要餵一次,阿媽阿爸無覺好瞓。

BB 唔識忍尿,喺一般嘅工業國家畀 BB 鴨尿片 。BB 唔識行,淨係識得爬同躝,所以要大人手抱,或者用孭帶,孭袋孭出街,而家啲孭帶可以孭前面或背脊後面。亦可以將個 B 放落 BB 車度推。

同細路一樣,大人會對待 BB 同一般大人唔同。有是佢哋係萬人躉,特別俾人留意。好多地方唔使畀入場費,好似博物館遊樂場咁,塔車唔使錢。隨住 BB 一路大,大人嘅注意同優待亦減少。

睇下[編輯]

[編輯]

  1. 音衣危,yi1 ngai4。「嫛,是也,言是人也,婗,其啼聲也,故因以名之也。」頁4。 383. (南唐)徐鍇:《說文解字繫傳》卷二十四,頁242。逢甲大學中國文學學系碩士班碩士論文
  2. 康熙字典208 頁
  3. 陳伯煇、吳偉雄著,《生活粤語本字趣談》,55 頁,香港:中華書局,1998年。ISBN 962-231-894-0
  4. 康熙字典》201頁。
  5. 《說文解字》【嬰】
  6. 中國評論學術出版社 - 英語在嶺南傳播的歷史與影響
  7. Garrett, Eilidh. Infant Mortality: A Continuing Social Problem. Ashgate Pub Co. 2007. ISBN 0754645932. 
  8. Hertz,, E; Hebert JR, Landon J. Social and environmental factors and life expectancy, infant mortality, and maternal mortality rates: results of a cross-national comparison.. Soc Sci Med. 1994.July, 39 (1): 105–14. PMID 8066481 (English). 
  9. The relationship between socioeconomic factors and maternal and infant health programs in 13 Argentine provinces. Rev Panam Salud Publica. 2007.April, 21 (4): 223–30. PMID 17612466 (Spanish). 
  10. Powdered Infant Formula: An Overview of Manufacturing Processes. Food and Drug Administration. . 喺2007-03-27搵到;. 
  11. 母乳餵哺對嬰兒最好
  12. 衞生署:母乳是嬰兒最佳食糧

參攷[編輯]

  • Simkin, Penny; et al.. Pregnancy, Childbirth and the Newborn: The Complete Guide. Meadowbook Press. 1992 (late 1991). ISBN 0-88166-177-5.  已忽略未知參數|address= (詳情)

出面網頁[編輯]