安全帶 (高空)

出自維基百科,自由嘅百科全書
跳去導覽 跳去搵嘢
高空工作使用安全帶

安全帶粵拼on1 cyun4 daai3*2)係一種保護裝備,工人喺高空工作嘅時候,最容易遇上嘅危險就係從高處墮下。安全帶包括懸掛繩,當安全帶同適當嘅繫穩系統一齊使用時,就構成個人嘅防墮系統。

分類[編輯]

安全帶可以根據唔同國家分為以下幾類[1]

  • 安全吊帶或全身式吊帶;
  • 半身式吊帶或上身式吊帶;
  • 一般用途安全帶;
  • 定位式安全帶、柱上安全帶或電訊工安全帶;
  • 拯救用吊帶。

呢啲安全帶一定要同懸掛繩、獨立救生繩配合使用,或者綁緊喺固定嘅物件度。

訓練[編輯]

需要提供訓練畀工作人員,就算有經驗嘅工作人員亦要接受訓練。訓練內容包括:

  1. 點樣使用裝備;
  2. 點樣評估最高攔阻力同將安全帶限制至系統可接受嘅水平;
  3. 配戴、調校同交互連接裝備嘅正確方法;
  4. 裝備嘅適當連接點;
  5. 裝備嘅每個部份嘅預定作用同效能特性;
  6. 適當嘅連接方法,包括彈簧鈎、D形環同其他連接物各種尺碼嘅互相配合,以減低意外鬆脫嘅可能性;
  7. 墮下後點樣防止使用者受到損傷;
  8. 緊急搶救計劃同實施辦法,包括:
    • 搶救辦法;
    • 可以召喚嘅搶救人員;
    • 可以用嚟搶救嘅設備種類同召喚搶救人員嘅有效方法;
    • 搶救人員進行搶救同疏散程序嘅演習。

應該備存一份訓練記錄,登記課程內容、使用者嘅姓名、裝備嘅種類,同埋參加課程嘅時間同課程嘅長短。如果使用者已經有一段時間冇使用某一種系統,就應為佢安排複修課程。

安全要點[編輯]

當使用安全帶同繫穩物嘅時候,要留意以下要點:

繫穩物
  • 要特別小心去選擇同視察一個合適嘅繫穩物。適合嘅繫穩物必須要有足夠嘅力度。救生繩應該繫穩於鋼筋混凝土嘅樑或柱、或鋼結構嘅樑,而佢哋嘅強度最好已經由專業結構工程師檢定。
  • 繫穩點要有接置喺工作地點上方以防止下墜時造成嘅擺動。當避免唔到下墜時所造成嘅擺動,使用者應該用第二條懸掛繩以限制擺動嘅幅度。
  • 避免使用一個有尖角嘅堅固物作為救生繩嘅繫穩物。如果避免唔到呢種情況,救生繩應以適當墊件保護。
  • 喺任何時間之內,每條救生繩只可以畀一個人使用。
使用前
  • 應檢查每條安全帶喺產品包裝內附有清楚嘅裝配說明、使用時所需嘅調校、列明國家標準、製造商名稱、產品編號、製造年份嘅標記。切勿使用唔知道產地來源同冇註明標準嘅安全帶。
  • 只可以使用冇損壞嘅安全帶。如果安全帶有損壞,應該喺安全帶貼上「損壞」字樣同交畀合資格人員替換。
  • 使用者喺使用之前,應檢查安全帶嘅組合同作用正唔正確。
使用中
  • 所有安全帶應依照製造商嘅指引配戴同使用。
  • 彈簧鈎應掛喺高過使用者嘅腰部嘅位置上。
  • 腰帶應緊扣喺使用者嘅腰部。
  • 保護安全帶同懸掛繩以免接觸到酸性同鹼性嘅液體。
  • 安全帶同懸掛繩要遠離火花,熱源或熱嘅物體。
  • 切勿將兩條懸掛繩扣埋一齊。
  • 切勿將懸掛繩環繞住任何鋒利邊緣,下墜嘅力可以將懸掛繩割斷。
  • 切勿拖行懸掛繩,拖行懸掛繩可能會破壞懸掛繩嘅安全鈎同磨損懸掛繩。
  • 使用者到達安全地方先可以從繫穩點除下懸掛繩。
  • 如果安全帶曾經用過防止下墜,就應該立即停止使用同交畀合資格人員檢查。
使用後
  • 應小心處理安全帶,以確保每個部份冇受損壞,金屬項目例如彈簧鈎碰鎖尤其容易受損。
  • 用完安全帶後,應儲藏喺一個乾燥,清涼同唔受陽光直接照射嘅地方。
  • 安全帶應掛喺有清新空氣同有遮陰嘅牆上。
  • 確保安全帶唔會存放喺貨物下而令佢變形或損壞。
  • 用乾布將安全帶同救生繩嘅汗、塵同油抹乾。
  • 抹走金屬部份嘅沙、塵同水,例如扣環同彈簧鈎,並喺活動部份加以潤滑。

需要用嘅人[編輯]

段片係關於墮落保護嘅安全性喺職業位置

有啲工種可能需要用安全帶嚟保護以策安全,高過地面指定距離,唔用安全帶有可能會觸犯法例,包括以下:

  • 抹窗工人
  • 吊威也演員
  • 建築工人
  • 起重機操作員
  • 畫橋嘅畫家
  • 電纜技工
  • 攀石員
  • 搭棚架工人
  • 攀山教練
  • 笨腳跳員工

[編輯]