安全氣袋

出自維基百科,自由嘅百科全書
(由安全氣囊跳轉過嚟)
用過嘅安全氣袋

安全氣袋,又叫安全氣囊,係安裝喺汽車度嘅充氣軟袋,係安全帶嘅輔助裝置,當遇到嚴重嘅正面撞擊,安全氣袋就會喺極短時間之內彈出,避免司機或前座搭客嘅面部撞去軚盤或儀錶板度而導致意外。除咗前面氣袋之後,可能亦會有側邊氣袋、側邊氣簾、膝部氣袋以保護身體其他部分。

氣袋種類[編輯]

前面氣袋[編輯]

安全氣袋啱啱推出嘅時候,通常只有司機位先有配備安全氣袋。而隨住安全氣袋嘅重要性提高,大多數嘅車都配備咗前座乘客嘅安全氣袋。司機位安全氣袋通常都安裝喺軚盤度,前座乘客嘅安全氣袋係安裝喺汽車座位前面。

側邊氣袋[編輯]

側氣袋係安裝喺座位嘅外側,目的係減輕側面撞擊造成嘅傷害。而家好多車種都會配備前排兩個座位嘅側氣袋,而裝喺後排側氣袋嘅車就比較少。

側邊氣簾[編輯]

側邊氣簾係保護頭部嘅氣袋,主要針對側撞嘅時候對人嘅頭部進行保護,喺碰撞嘅時彈出遮住車窗,以達到保護司機同搭客避免撞向車窗。對於側撞、反車等嚴重意外有好大嘅保護功能。

膝部氣袋[編輯]

膝部安全氣袋係減低喺二次碰撞之中車對身體膝頭或以下部位嘅傷害,膝部氣袋位於前排駕駛座椅之內,能夠有效保護後排搭客腰以下嘅身體部位,亦能夠減低喺正面碰撞嘅前衝力。不過有膝部氣袋嘅車比較少。

工作原理[編輯]

Phasenfoto1
Phasenfoto1
Phasenfoto2
Phasenfoto2
Phasenfoto3
Phasenfoto3

安全氣袋摺埋喺氣體發生器上部同氣袋蓋之間,氣袋嘅氣體推進劑裝喺一個個圓片裏面,多個圓片裝喺氣袋嘅氣體發生器裏面。而氣體推進劑嘅主要成分硝酸銨等物質,係一種非常鈍感嘅炸藥,對打擊、碰撞或者摩擦都唔係好敏感。通常輕微嘅碰撞都唔會打開安全氣袋,只有喺架車正面一定角度範圍內撞擊,先至係打開安全氣袋嘅有效碰撞範圍。當汽車喺受到猛烈撞擊嘅時候,傳感器檢測到車體受衝擊力大嗰設定值,電腦就會啟動充氣元件中嘅電爆管,燃點氣體推進劑,爆炸反應通常喺20-30毫秒之內,極短時間產生大量氣體將氣袋吹滿氣[1]

睇埋[編輯]

參考[編輯]

  1. . 原著喺2021年5月3號歸檔. 喺2021年5月1號搵到.