安德烈瑪麗安培（André-Marie Ampère，1775年1月20號—1836年6月10號），係法國物理學家，研究古典電磁學，電流單位安培就係用咗佢個名。
佢生於法國里昂。佢嘅阿爸非常有錢，係一個受過良好教育嘅商人，阿媽喺一個虔誠嘅信徒。由於當時法國係發生緊啟蒙運動，於是佢阿爸對佢嘅教育非常重視，仲親自教佢拉丁文。佢細個已經涉獵歷史、哲學同自然科學等各方面。
佢阿爸喺佢十一歲嗰時帶佢去里昂嘅圖書館，以滿足佢對數學嘅渴求，佢亦咁睇到伯努利同尤拉嘅作品。後來佢阿爸喺法國大革命期間，被推上斷頭台，令到安培受到重大打擊，有超過一年嘅時間都係痴呆。有一次佢突然睇到兩本著作Jean-Jacques Rousseau《Letters on Botany》同 Quintus Horatius Flaccus《Ode to Licinius》，令到佢即刻產生對學習植物同古典詩嘅興趣。
佢喺1799年娶咗Julie Carron，為咗生計，佢自己一個人去教書。四年後佢老婆就死咗，留低一個仔。1805年，佢去咗巴黎嘅綜合理工學院教書，1809年佢升職做教授。[1]
