跳去內容

宏福苑大火

出自維基百科，自由嘅百科全書

 除非特別寫明，否則本文所有時間都係以UTC+8時間為準。

宏福苑五級大火
日期2025年11月26號－28號 (2025-11-26－2025-11-28)
時間26號約下午2點51分起火 至 28號約朝早10點18分大致救熄
地點宏福苑：宏仁閣、宏道閣、宏新閣、宏建閣、宏泰閣、宏昌閣、宏盛閣（宏志閣除外）
起因調查緊
結果焚燒約43小時27分鐘
死亡人數至少160死
受傷人數至少79傷
拘捕警方13人 + 廉署12人 + 國安3人
2025年11月25號起火前進行外牆維修工程嘅宏福苑，最右面嗰棟可見綠色圍網上有一條明顯嘅灰白色污槽嘢。

宏福苑大火係香港一單五級大火，傷亡慘重，可以話喺香港開埠以黎最嚴重嘅火災之一 。事發二〇二五年十一月廿六號下晝，大埔宏福苑因應政府嘅「強制驗樓及驗窗計劃」 [1]，全邨八棟大廈一齊做外牆維修。起初有市民發現宏昌閣棚架圍網小火，由下燒到上，又藉風勢，幾分鐘就蔓延到其他六棟樓，由外牆棚架燒到入屋，濃煙密佈。全苑八座得一棟悻免[2]。燒咗超過四十三個鐘，喺廿八號朝早撲熄。

大火傷亡仍然喺點算當中，失踪者有可能已經燒到化灰，無法辨認。160人死亡，79傷，仍然有6人失踪。140具遺體已確認身份，其中有一名消防員殉職[3]。死傷唔少老弱不便，而亦有唔少外籍傭工，同埋有地盤工人燒死。

今次大火，係香港主權移交後第二次五級火警，對上一次係二〇〇八年嘉禾大廈大火[4]。香港大火傷亡計，同一九四八年石塘嘴永安公司倉庫大火之後至慘重[5]。

今次事件引起國際關注，媒體包括新華社、日本放送協會、英國廣播公司、美國有線電視新聞網等都有相關報道。當中澳洲總理、英國外相、日本政府發言人、台灣總統、英王查理斯三世、教宗良十四世等都對依件事件表示深切哀悼[6][7]。

經過

[編輯]
11月26日，有市民影到宏昌閣外牆棚架起火嘅一刻，而家有市民話警鐘冇響起[8]
唔到十分鐘，啲火就燒上到十樓[9]

警方指喺11月26號下午2點51分左右接到大量市民報案，指宏昌閣大廈外牆棚架起火。根據香港火警分級制度在下午3時02分，火警升至三級；到下午3時34分，火警再升至四級；傍晚6時22分升級為五級，7座大廈受到波及[10]。

消防用咗8條喉同埋7座鋼梯射水，22隊搜疏隊係現場處理求助個案，進入超過1800單位爆破搜索。成個救援行動中，動用391架消防車、185架救護車，2311名消防救護員到場拯救；同埋有12名消防員受傷[11]。

燒咗超過四十三個鐘，廿八號朝早十點十八分大致撲熄。

有居民接受採訪時話，火災發生時冇火警鐘聲，部分住戶係有人打比佢地或者通訊群組，甚至係外遊屋企人通知先知有火警[12]，亦都有人逐家逐戶拍門提醒鄰居走火警[13]。部分居民喺火場入面決定幫助其他鄰居，比如叫其他人入屋暫避[14][15]、抱住唔係自己嘅BB離開、以網絡通知潛在受影響人士[16]。

火勢喺一個鐘頭內就已經蔓延至少5座大廈[17]，後尾7座大廈都起嗮火，而宏志閣雖然冇受波及，但佢邊緣嘅圍網曾經都被火舌焫著，好彩有消防即刻整熄咗。消防處估計係因為燃燒嘅竹棚碎屑喺風勢助長下，導致大火迅速波及其他大廈[18]。

救火經過
大火形成嘅一道巨型火柱
冇圖或張相唔可以出嚟嗰陣，寫嘅係咩字。
消防員喺度阻止火勢蔓延至一旁未受影響嘅宏志閣

起火原因

[編輯]

起火原因未有定論，不過把火燒得咁揯嘅部分原因已經知道，初頭懷疑有工人抌未熄嘅煙頭焫着棚網，但由於煙頭極難以令棚網起火，所以更令人懷疑係有人蓄意縱火。最近已經發現承辦商用咗唔合規格嘅易燃棚網，仲有發現違規使用發泡膠封窗，導致火勢一發不可收拾。大火成因調查緊。起初外國傳媒認為竹棚導致，因為香港理工大學副教授黄鑫炎喺事發翌日，向英國電視臺講起火原因，引致外界解讀竹棚係火災嘅主因。呢個講法引發公眾廣泛質疑，十二月一號，黃生為自己嘅科學研究不足就發言，造成大眾誤解，為此道歉。另外佢曾經誤傳深圳消防到咗香港，又為誤傳而道歉[19]。坊間認為大火主因係圍網問題，後來亦指玻璃窗封發泡膠。同日，政府喺樣本之中，發現部份圍網阻燃唔及格[20]。十二月七號，消防處初步確認大埔宏福苑大火最先起火嘅位置，係宏昌閣1至2樓嘅竹棚棚架，消防處會繼續作深入調查，並透過電腦模擬及視察真實環境，再確認起火點。

死傷

[編輯]

地方

[編輯]
  • 160名死者分佈（截至9/12/2025）[21]
    • 宏新閣3人
    • 宏道閣2人
    • 宏盛閣1人
    • 宏昌閣70人（最先起火）
    • 宏泰閣82人
    • 2人未明住處
    • 宏仁閣、宏建閣未發現死者
  • 79名傷者中42出院，37留院，4人危殆、9人嚴重、24人穩定，31人仍失聯[3]。

類別

[編輯]

殉職

[編輯]
  • 何偉豪先生，37歲，隸屬沙田消防局，入職9年，為細搶救車消防隊員[22]。消防處處長楊恩健指，何消防員今日下午3點01分到達火警現場，在地下負責救援，大約係3時半失去聯絡。消防搜索後，在4點01分在宏昌閣對出空地發現佢，當時佢臉部燒傷，隨即轉送去威爾斯醫院搶救，4點45分證實不治[23]。
  • 陳先生，69歲，「三沙判頭」(即次次承辦商)。當時係宏泰閣10樓外牆工作，其中一名生還者工同記者表示，陳先生發現火燭後曾經率領一眾工人搵水喉撲救[24]；
  • 莫先生，65歲，鋪紙皮石工人。係宏泰閣做野，見到起火後爬入大廈內叫人疏散，後來被困火場[25]；
  • 賴先生，71歲，二判管工。原本係寫字樓做緊野，收到電話知道起火後，去咗工地叫人疏散同喺地面幫手救火，後來被雜物擊中後身亡[26]；
  • 劉女士，46歲，紙皮石掃口工人，當時係宏泰閣約12、13樓工作，最後亦喪命，遺下一個仔[25]

外藉死者

[編輯]
  • 截至12月1日，印尼駐港總領事館確認有9名印傭喪生[27]
  • 菲律賓駐港總領事館確認，1名菲傭喺呢次火災中離世[28]

其他

[編輯]

調查

[編輯]

保安局局長鄧炳強話，消防員喺滅火期間見到大廈外牆嘅保護網、防火布還有塑膠布嘅燃燒速度，比合規物料蔓延得更加快同埋更加猛，屬於「唔尋常」情況。同時，一此未受波及大廈外牆窗口通風位置貼咗發泡膠板，呢種物料遇熱嘅時候容易蔓延，一樣唔尋常。消防處亦講，現場有單位通風窗被發泡膠板封住，可能導致火勢加速蔓延，將會深入調查[29]。

11月28號，保安局局長鄧炳強曾經表示，初步化驗結果顯示大廈棚網達阻燃要求，但發泡膠板高度易燃[30]，引起市民質疑。

消防處就發現，宏福苑嘅火警鐘經檢查後，證實「唔能夠有效操作」，冇響，消防處會執法[30]。

12月1號，政務司司長陳國基、保安局局長鄧炳強、廉政專員胡英明，同警務處刑事及保安處處長陳東 一齊向記者交代請進度。佢哋喺各座大廈嘅高、中、低層一共攞咗20個棚網樣本，當中有7個棚網樣本「非阻燃」。 廉政專員表示，由於7月超強颱風樺加沙襲港後，本身嘅棚網爛咗，涉案者喺一間本地供應商用 $124,200 買咗 2300卷 （每卷54蚊）未達阻燃標準嘅防護網去做替補。後來因為10月18號中環華懋大廈發生棚架三級火，有人擔心宏福苑嘅棚網會被抽查，所以佢地係同一間供應商再用 $11,500 買咗100卷（每卷100蚊）達阻燃標準嘅防護網，只係裝咗係棚腳，諗住魚目混珠[20]。總共慳咗約11萬蚊港幣。

警方

[編輯]

於2025年11月27號，警方就大火及涉嫌誤殺為由拉咗三個男人，分別係大維修承辦商宏業建築兩個董事同埋一個工程顧問，並搜查位於新蒲崗嘅辦公室[31][32]。

  • 12男1女涉嫌誤殺（40至77歲），包括大判工程公司、工程顧問公司、二判搭棚公司及二判外牆工程公司相關人士[33]。

喺2025年12月3號，網紅 Kenny 因涉嫌早前於YouTube發布煽動仇恨影片[34]，疑被警方拘捕[35]。警方話影片中 Kenny 侮辱宏福苑大火死傷者「罪孽深厚」、「罪有應得，應有懲罰及報應」及「唔需同情佢哋」等，「引起公憤」。

2025年12月1號，以「企圖欺詐」罪拘捕一名27歲揸雙程證嘅中國籍女子，涉嫌係模仿本地社福機構網頁，誘使市民捐款協助受影響居民，佢係涉案嘅傀儡戶口持有人[36]。

2025年12月2號，拘捕一個32歲男人，涉嫌喺網上聲稱係災民，詐騙4人善款2.55萬元，佢報稱廚師，正被警方扣查，將會落案起訴[3]。另外再拘捕6人，來自宏福苑消防裝置承辦商公司，涉嫌作出虛假陳述，據指相關人士曾向消防處報稱在工程期間不會關閉火警鐘系統[37]。

廉政公署

[編輯]

廉政公署話宏福苑大火涉及重大公眾利益，喺11月27號成立專案小組，調查宏福苑大維修工程係咪涉及貪污[38][39]。

  • 拘捕12人，包括：工程顧問、承建商及搭棚判頭

香港國安處

[編輯]

就今次事件國安處拘捕咗3個人

  • 關靖豐，男，24歲。佢被控涉嫌意圖煽動被捕，據知係中文大學學生。佢以「四大訴求」聯署，訴求係「持續支援受災居民，確保妥善安置」、「成立獨立調查委員會，全面徹查潛在利益輸送」、「重新審視工程監管制度，拒絕祭旗了事」、「全力追究監管疏忽、問責政府官員」。當佢被捕後，網上聯署嘅網頁亦已經關閉[40]。
  • 有消息傳出兩名男女被捕，其一個係前屯門區議員張錦雄，另一名女子曾經係火場外做義工[41]。

應急措施

[編輯]
11月26號夜晚，火場隔籬嘅大埔公路停滿救援車輛

11月26日火災發生後，大埔民政事務處即時開放廣福社區會堂同東昌街社區會堂作為臨時庇護中心，並安排中華基督教會馮梁結紀念中學安置疏散居民。隨後增設大埔社區中心、富善社區會堂、香港善導會管理的過渡房屋「善樓」，並喺當晚再增設太和鄰里屋苑中心、東昌街體育館同香港傷健協會新界傷健中心，截至11月27日合共9間臨時庇護中心[42][43]。同時民政處喺那打素醫院、威爾斯親王醫院及北區醫院設立跨部門援助站[42]。

運輸署因應火警而封閉廣宏街來回方向全線、大埔公路元洲仔段、吐露港公路同完善路嘅部分路段，約40條巴士路線要改道行駛，港鐵亦加密東鐵綫班次[44]。

房屋局協調超過2,000個中轉屋單位同臨時收容床位，同埋1400個過渡房屋單位安置災民[45]。香港房屋協會調動轄下暫租住屋項目，合共400個單位畀宏福苑大火影響居民暫住[46]。

政府成立「大埔宏福苑援助基金」設立戶口接受捐款，政府會投入3億元，同即時向受影響嘅每戶災民派發一萬蚊嘅緊急補助金額[43]。另外向每一個死者家屬提供20萬慰問金，再會向每一戶發放5萬蚊生活津貼[47]。

教育局宣布受影響嘅學校停課，有11 間中小學喺11月27號停課[48]；5間學校11月28號繼續停課[49]。教育局就小一自行分配學位會要求學校聯絡受影響嘅家長，為子女辦理註冊手續作出安排。

延伸背景資料

[編輯]

大埔宏福苑嘅業主立案法團文件顯示，2024年1月通過咗屋苑大維修方案，要求8座一共1,984戶，每兩個月、分6期比16至18萬嘅維修費，總數高達3.3億，結果引起好多業主唔滿意。相關工程喺同年7月先至開始，到目前為止已經超過一年，承辦商係宏業建築工程有限公司，原本預計於出年3月至6月左右，分批拆除棚架。[50]

出事前宏福苑嘅大維修工程由2024年夏天開始，係為咗配合樓齡超30年建築要強制維修嘅政府法規而啟動，工程原本預算係3億幾港幣，費用主要由近2000戶住戶承擔，當宏業建築工程有限公司中咗標，就引發咗好多住戶不滿，除咗擔憂兼控訴承建商坐地起價兼偷工減料，仲質疑法團選擇出過事嘅承建商。據報喺搭好棚架兩個月後嘅2024年9月，啲居民就提交投訴去勞工處[51][52]，更有人發起連署獲得超5%業主簽名要求依法例召開大會重選管委同推翻維修方案，喺2024年7月時唔單止法團唔畀開大會，仲警告埋啲業主唔好自己去開會，後續唔理警告有達200個業主自行開會，就即時畀保安警告，仲報埋警話要拉咗啲業主，糾纏到9月卒之開到特別業主大會炒走舊法團、選出新法團，但工程早喺7月開始咗，業主冇法中止[52]。

根據該屋苑《宏福通訊》第6期 (2025.06.13)，業主立案法團委託工程顧問鴻毅建築師有限公司負責招聘駐地盤工程監督，協助監督屋苑大維修工程日常各項工序、驗收物料、跟進個案及記錄整體工作進度，確保工程施工質量。[53]

宏福苑業主立案法團網站公開文件，發現去年11月及12月嘅第7、8次全體委員會議記錄，都顯示宏福苑的屋苑綜合保險係由中國太平承保，中國太平保險(香港)副總經理郭端祥冇否認。[54]

救援、補救措拖、悼念、災後重建

[編輯]

單位安置

[編輯]
  • 政府會提供1800個單位安置災民，另外物左色近一千個青年宿舍同埋酒店房間，畀災民暫住一至兩星期[55]。
  • 信和集團旗下嘅香港黃金海岸酒店、皇家太平洋酒店及香港富麗敦海洋公園酒店預備共 160 間客房，隨時為有需要嘅居民提供免費住宿支援[56]。
  • 香港房屋協會調動轄下暫租住屋項目可供入住嘅空置單位，大埔嘅「策誠軒」約90個單位比受影響嘅居民暫時安罝。[57]

補救措施

[編輯]
  • 政府亦已即時進行分批巡查全港正係進行緊外牆大維修、而有搭棚架同保護網嘅樓宇。發展局亦都同業界會面，商討推進金屬棚架取代竹棚架嘅路線圖[43]。

各界捐款

[編輯]

以下除非特別標示，否則係以港幣計算

「一方有難，八方支援」香港各個業界都對呢次嚴重嘅傷亡紛紛予以支援，商界、娛樂圈等各個界別都踴躍損款，籌集超過11億港幣[58][59][60][61][62][63] [64][65][66][67] 。另外政府透過中銀開設嘅「大埔火災捐款專戶」截至12月4號已經籌到25億元[68]。

  • 香港賽馬會首批1億元援助，同埋會提供情緒教育等支援；
  • 李嘉誠基金會創辦人李嘉誠早前表示佢嘅基金會捐3,000萬比慈善機構，特別係服務大埔地區嘅團體。機構可以透過慈山寺網站入面連結遞交申請。 基金會另外亦會撥出額外 5,000 萬元作後續支援。合共涉資8,000萬元。
  • 香港公益金撥款5,000萬元成立「公益金及時雨大埔火災援助基金」； 另外11月30日嘅公益金百萬行所籌得嘅款項，將全數撥入「公益金及時雨大埔火災援助基金」[67]
  • 恒基兆業地產集團李兆基基金將捐款3,000萬；
  • 滙豐及恒生銀行聯合宣布，捐出3,000萬元[69]；
  • 澳門霍英東基金會將捐款3,000萬；
  • 李文達與蔡美靈慈善基金將捐款3,000萬予「大埔宏福苑援助基金」；
  • 九龍倉將捐款3000萬；；
  • 嘉里集團將捐款3000萬予「大埔宏福苑援助基金」；
  • 馬雲公益基金會將捐款3,000萬；

以下為其他香港本地捐款者 或 集團

宣布捐出2000萬 宣布捐出1000萬 其他慈長人翁或基金
周大福集團 嘉華集團 同 主席呂耀東 中國紅十字會總會向香港紅十字會捐贈200萬元人民幣[67]
信和集團及黃廷方慈善基金 香格里拉集團 方樹福堂基金及方潤華基金500萬
新地捐款及「帝」系酒店、

一田百貨、SmarTone將提供幫助

香港航空 優品360捐500萬及捐1000份物資包
中銀香港銀行捐款及開設捐款專戶 星展香港捐款予香港紅十字會 Uber捐贈500萬及總值300萬免費Uber Taxi行程
順豐捐款及免費運送物資 富途 九巴及龍運巴士捐200萬
友邦 聯想香港（Lenovo HK） 香港總商會捐100萬
香港中華總商會1100萬 香港醫學會慈善基金捐100萬
恒隆捐1100萬現金及100萬元過渡性居所 莎莎捐100萬及準1000份護膚及個人用品關懷包
楊受成博士透過「楊受成慈善基金」 永明向受影響客戶及理財顧問每人發放5000港元緊急援助津貼
香港中華廠商聯合會 大家樂捐價值200萬嘅食物援助
渣打香港 領展全天開放廣福商場並提供充電及基本物資
港鐵 康健醫療為受影響居民提供免費醫療支援服務至12月12日
HashKey Group 香港電訊免費外借充電器、上網數據、Sim卡、豁免月費、視像義診服務
和記電訊（香港）免費外借備用手機、SIM卡、流動充電器、額外數據
中國移動香港免停機、免月費，免費提供充電寶、儲值卡等
「啟航1331」提供500間住房
翁嘉穗、海馬牌床褥免費贈海馬牌床褥到暫避處
英皇集團副主席楊政龍以個人名義捐款100萬
何超蓮以基金會Smile With Us HK名義捐出100萬
梁安琪、何猷亨、何猷君奚夢瑤夫婦 合捐300萬
「無綫電視暨職藝員愛心基金」捐100萬予「大埔宏福苑援助基金」

以下為香港藝人捐款

香港藝人捐款
英皇集團旗下藝人共捐款超過港幣2,000萬元，當中有：

古巨基、容祖兒、李克勤、陳偉霆、惠英紅、蔡卓妍、鍾欣潼、溫碧霞、曾比特、洪卓立、許靖韻及霍汶希等

鄧麗欣捐50萬
謝霆鋒聯同美高梅以「美獅鋒味搖滾美食節」名義捐出500萬 王祖藍、李亞男夫婦捐50萬
向華強夫婦聯同李連杰 透過有緣慈善基金捐300萬 趙雅芝捐50萬
梁朝偉同劉嘉玲共同捐款200萬至「公益金及時雨大埔火災援助基金」 姜濤香港後援會捐出30萬予仁濟醫院緊急援助基金
張栢芝捐100萬予香港保良局 吳千語捐30萬予「仁濟緊急援助基金」
王嘉爾捐100萬予東華三院 胡杏兒捐30萬
陳小春 應采兒一家向保良局扶弱基金捐100萬 文詠珊(JM)捐20萬予「仁濟緊急援助基金」
Angelababy 捐出港幣100萬予「仁濟緊急援助基金」 高海寧捐20萬予「仁濟緊急援助基金」
GEM 捐100萬予「仁濟緊急援助基金」 譚輝智歌迷會捐15萬
Anson Lo 捐100萬予「仁濟緊急援助基金」 楊千嬅捐首場演唱會收益，及周邊產品全數盈利撥捐東華三院
姜濤 捐100萬予 東華三院「大埔宏福苑事故愛心捐款」 MIRROR成員柳應廷演唱會首場門票同周邊產品所得盈利
容祖兒捐100萬予「仁濟緊急援助基金」 GIN LEE 捐出2026年2場演唱會全數收益捐出作救災重建用途
蔡卓妍捐100萬予「仁濟緊急援助基金」
張智霖 袁詠儀一家捐出100萬予「保良局扶弱基金」

以下為非香港捐款者 或 集團

宣布捐出2000萬 宣布捐出1000萬 其他慈長人翁或基金
阿里巴巴集團 香港小米基金會 字節跳動 中國紅十字會總會向香港紅十字會捐贈200萬元人民幣 德勤中國100萬
李寧集團現金捐款及裝備 騰訊公益慈善基金會 Trip.com 恒安國際600萬元的善款及生活物資 量化派100萬
特步現金捐款及裝備 比亞迪香港 陽光保險 Lalamove/貨拉拉600萬港元 交個朋友100萬
蜜雪冰城股份有限公司 安踏體育現金捐款及2000萬裝備 百度 小鵬汽車500萬 海偉股份100萬
MAMA官方及主辦CJ E&M 瑞幸咖啡 1000萬人民幣 螞蟻集團 和諧汽車500萬 安永100萬
紅杉慈善基金會 復星基金會 小紅書500萬 中國歌手周深捐100萬
農夫山泉現金捐款及500萬物資 極兔速遞 賽力斯集團500萬 台灣「相信音樂」公司捐出900萬台幣
吉利控股集團及李書福公益基金會 信義集團 美團Keeta 500萬及免費移動充電器 韓團i-dle捐 100萬人民幣
雲鋒金融集團及萬通保險 幣安 中國利郎200萬及300萬物資 韓團Super Junior 捐100萬
波司登現金捐款及2000萬元物資 奇瑞汽車 大灣區青年公益基金調撥約400萬元資助金額 韓團Stray kids 捐100萬
中國歌手韓紅 愛心慈善基金會1000萬元人民幣 滴滴 百勝中國捐300萬人民幣 韓團 IVE 捐50萬
途虎養車捐300萬 韓團 aespa 捐50萬
玖龍紙業捐300萬 韓團(G)I-DLE 捐100萬人民幣予復星基金會
飛達帽業捐200萬港元現金 韓團 NCT WISH 捐50萬
HYBE 娛樂捐5億韓幣（約265萬港元） 韓團 Plave 捐25萬港元
JYP 娛樂捐 200萬 韓團 RIIZE捐 25萬港元
韓國SM事務所捐100萬 予香港紅十字會 韓團 WayV 捐 25萬港元
WAKEONE 娛樂捐 100萬 任時完捐 20萬港元
張傑、謝娜夫婦也透過中華慈善總會捐款100萬元人民幣 李惠利捐 20萬港元
李榮浩、楊丞琳夫婦捐出100萬人民幣

悼念死難者

[編輯]
政總公民廣場降半旗

11月28號，特區政府舉行悼念儀式，全體官員喺公民廣場默哀三分鐘。即日起全港政府建築物都降半旗三日，並喺十八區設立弔唁處以方便民眾表達悼念。[70]。

大批市民喺涼亭貼上悼念字句
入夜後排隊悼念嘅市民依然不減

11月29至30號，源源不斷有市民前往宏福苑附近悼念，排隊人龍不見龍尾長達1.6公里，唔少人特登跨區過嚟。市民分別獻花、默企同寫心意卡，亦都有人掛紙鶴。[71][72]超過一千名印尼籍家佣喺維園草坪悼念包括同鄉在內嘅罹難者，期間有人忍唔住喊。[73]

類同事件及睇多啲

[編輯]
  1. 1996年11月20號 嘉利大廈五級大火
  2. 2008年8月10號 嘉禾大廈五級大火（香港主權移交後第一單五級火）
  3. 2025年10月18號 華懋大廈棚架工程三級火災
  • 其他國家高樓大廈火災
  1. 1972年5月13號 千日百貨店火災
  2. 2009年2月9號 北京中央電視台電視文化中心火災
  3. 2010年11月15號 上海「11·15」特別重大火災
  4. 2017年6月16號 倫敦 Grendfell Tower 火災
  5. 2022年11月24號 新疆烏魯木齊高層住宅樓火災

參考

[編輯]
  1. ↑ 〈強制驗樓及驗窗計劃下獨立審查組 - 已發出驗樓或驗窗法定通知的屋苑/屋邨〉 (PDF)。香港房屋局。2025-06-30。喺2025-12-05搵到。{{cite web}}: CS1 maint: url-status (link)
  2. ↑ 〈（有片）一圖模擬大埔宏福苑火警災情〉。《點新聞》 (香港中文)。2025-11-26。喺2025-11-26搵到。
  3. ↑ 3.0 3.1 3.2 〈大埔宏福苑五級火159死．不斷更新〉。RTHK (香港中文)。2025-12-03。喺2025-12-03搵到。{{cite web}}: CS1 maint: url-status (link)
  4. ↑ 〈大埔火警44死279人失聯：香港主權移交後第二宗五級大火，警方拘三名工程公司人員〉。《BBC News 中文》 (繁體中文)。2025-11-26。喺2025-11-27搵到。
  5. ↑ 〈香港宏福苑77年來最嚴重火災　史上最慘大火奪600命〉。《中央社》 (臺灣中文)。2025-11-27。喺2025-11-27搵到。
  6. ↑ 中央通訊社 (2025-11-27)。〈香港宏福苑大火多人死傷 日本政府致哀與慰問 | 國際〉。《中央社 CNA》 (中文)。喺2025-11-27搵到。
  7. ↑ 〈宏福苑五級火｜BBC 等外媒報道事件 澳洲總理、英國外相、賴清德社交平台發文慰問｜Yahoo〉。Yahoo News (中文)。2025-11-27。喺2025-11-27搵到。
  8. ↑ 引用錯誤 無效嘅<ref>標籤；無文字提供畀叫做hk01-1126a嘅參照
  9. ↑ 〈宏福苑五級大火｜居民工人親述逃生過程 還原恐怖時間線 火警鐘全程無響〉。《東方新地》 (香港中文)。2025-11-27。喺2025-11-28搵到。
  10. ↑ 香港經濟日報HKET。〈大埔宏福苑五級火36死‧不斷更新｜36死9危殆279人仍失聯　警拘三男子涉誤殺〉。《香港經濟日報HKET》 (繁體中文)。喺2025-11-26搵到。{{cite web}}: CS1 maint: url-status (link)
  11. ↑ 凌逸德 (2025-11-26)。〈最新｜大埔宏福苑大火128死79傷 200人情況未明 12名消防員受傷〉。《香港01》 (香港中文)。喺2025-11-28搵到。｢消防處處長楊恩健稱，今早10時18分完成滅火救援及搜救，出動391架消防車、185救護車、2311名消防救護員，12名消防員受傷｣{{cite web}}: CS1 maint: url-status (link)
  12. ↑ 〈香港宏福苑大火26小時：不斷攀升的死亡數字，在希望和絕望中掙扎的親人〉。《BBC News 中文》 (繁體中文)。2025-11-27。喺2025-12-03搵到。
  13. ↑ 〈宏福苑五級火｜ 居民未聞火警鐘：由頭到尾無響過 街坊自發逐戶拍門提醒鄰居｜Yahoo〉。Yahoo News (中文)。2025-11-26。喺2025-12-03搵到。
  14. ↑ 黃學潤 (2025-11-28)。〈宏福苑大火災｜獲救居民Fb千字文述困「煉獄」 闖濃煙救鄰居夫婦〉。《香港01》 (香港中文)。喺2025-12-03搵到。
  15. ↑ 凌逸德 (2025-11-28)。〈宏福苑大火｜生還者剖白2.5小時火劫 救人獲讚謙稱：我唔係英雄〉。《香港01》 (香港中文)。喺2025-12-03搵到。
  16. ↑ 鄧海興 (2025-12-01)。〈宏福苑大火災｜菲傭抱幼主狂奔23層樓逃命 邊跑邊開直播通知同鄉〉。《香港01》 (香港中文)。喺2025-12-03搵到。
  17. ↑ News, 無綫新聞TVB。〈宏福苑五級火｜外牆棚架圍網著火或助長火勢蔓延 不少單位焚毀居民損失慘重 | 無綫新聞TVB News〉。《無綫新聞 TVB News》 (香港中文)。喺2025-12-03搵到。 {{cite web}}: |last= has generic name (help)
  18. ↑ 〈（有片）宏福苑五級火｜7廈陷火海 消防料風勢及竹棚碎屑令火勢蔓延〉。《點新聞-dotdotnews》 (中文)。喺2025-12-03搵到。
  19. ↑ 〈大埔宏福苑五級火︱理大副教授受訪歸咎竹棚出事 發聲明認「過度簡化」〉。2025-12-01。{{cite web}}: CS1 maint: url-status (link)
  20. ↑ 20.0 20.1 梁曉晴 (2025-12-01)。〈宏福苑大火災｜警與廉署共拘14人 大判、搭棚公司等13人涉誤殺〉。《香港01》 (香港中文)。喺2025-12-01搵到。
  21. ↑ 〈大埔宏福苑五級火死者分佈一覽-宏昌宏泰閣最嚴重-周一鳴部份單位發現骨頭仍有待檢驗〉。《星島頭條》。2025-12-03。喺2025-12-03搵到。{{cite news}}: CS1 maint: url-status (link)
  22. ↑ 〈大埔宏福苑大火｜殉職消防員37歲入職9年　於沙田消防局擔任「細搶」隊員　曾在火警現場失蹤半小時〉。《明報新聞網》。2025-11-26。喺2025-11-26搵到。{{cite web}}: CS1 maint: url-status (link)
  23. ↑ 凌逸德 (2025-11-26)。〈直播｜大埔宏福苑五級火 4死5傷 一消防員殉職〉。《香港01》 (香港中文)。喺2025-11-26搵到。{{cite web}}: CS1 maint: url-status (link)
  24. ↑ 譚曉彤 (2025-11-30)。〈宏福苑火災｜生還工人憶判頭殿後以水喉灌救 走遲一步葬身火海〉。《香港01》 (香港中文)。喺2025-11-30搵到。
  25. ↑ 25.0 25.1 譚曉彤 (2025-11-30)。〈宏福苑火災｜維修工人四死一失聯 有人救火不果叫人疏散被困火場〉。《香港01》 (香港中文)。喺2025-11-30搵到。
  26. ↑ 〈宏福苑火劫多名維修工人罹難 管工疏散工友救火不幸犠性〉。《on.cc東網》 (香港中文)。2025-11-30。喺2025-11-30搵到。
  27. ↑ 〈大埔宏福苑五級火丨印尼駐港總領事館：9名印傭已確認罹難 仍有36人下落不明〉。《星島頭條》 (香港中文)。2025-12-01。喺2025-12-01搵到。
  28. ↑ 凌逸德 (2025-12-01)。〈宏福苑火災｜菲律賓領事館：1傷1亡 2人下落不明〉。《香港01》 (香港中文)。喺2025-12-01搵到。
  29. ↑ 大埔宏福苑五級火︱鄧炳強指火勢蔓延情況不尋常 將循刑事方向調查 李家超：暫停宣傳和推廣選舉工作︱Yahoo
  30. ↑ 30.0 30.1 〈大埔宏福苑五級火｜鄧炳強：棚網初步化驗達阻燃要求　發泡膠令火勢迅速蔓延　消防指火警鐘不能有效操作 (15:23)〉。《明報新聞網》。2025-11-28。｢保安局長鄧炳強說，初步化驗顯示，大廈外圍的棚網、保護網達阻燃要求，惟貼在窗外的發泡膠板高度易燃｣{{cite news}}: CS1 maint: url-status (link)
  31. ↑ 〈警方就宏福苑五級火拘捕三名男子涉嫌誤殺〉。《香港電台》 (香港中文)。香港。2025-11-27。喺2025-11-27搵到。
  32. ↑ 凌逸德 (2025-11-27)。〈警指工程公司嚴重疏忽 董事顧問3人涉誤殺被捕〉。《香港01》 (香港中文)。香港。喺2025-11-27搵到。
  33. ↑ 梁曉晴 (2025-12-01)。〈宏福苑大火災｜警與廉署共拘14人 大判、搭棚公司等13人涉誤殺〉。《香港01》 (香港中文)。喺2025-12-01搵到。
  34. ↑ 《大家唔需要擔心大埔啲傷者同死者！》 (英文)，喺2025-12-03搵到
  35. ↑ 〈「網紅」Kenny發表詛咒大埔火災死者言論 「報應」即到 早上被拘〉。www.bastillepost.com。2025-12-03。喺2025-12-03搵到。
  36. ↑ 〈宏福苑五級火｜警方：模仿社福機構網頁詐騙捐款 一名女子被捕 - RTHK〉。news.rthk.hk (臺灣中文)。喺2025-12-03搵到。
  37. ↑ 〈宏福苑五級火｜警方再拘捕6人 屬消防裝置承辦商涉虛假陳述 - RTHK〉。news.rthk.hk (臺灣中文)。喺2025-12-03搵到。
  38. ↑ 〈廉署聲明：廉署就大埔宏福苑大維修工程懷疑涉及貪污展開調查〉。《香港特別行政區廉政公署》 (香港中文)。香港。2025-11-27。喺2025-11-27搵到。
  39. ↑ 〈廉署成立專案小組 調查大維修工程或涉貪〉。《NOW新聞》 (香港中文)。香港。2025-11-27。喺2025-11-27搵到。
  40. ↑ 〈香港男大生關靖豐籲徹查大火案被拘 據報已獲釋離開警署〉。《RFI - 法國國際廣播電台》 (繁體中文)。2025-12-01。喺2025-12-01搵到。
  41. ↑ 〈香港宏福苑大火後的輿情興起和轉向：從竹棚爭議、「官進民退」到「以災亂港」〉。《BBC News 中文》 (繁體中文)。2025-12-01。喺2025-12-01搵到。
  42. ↑ 42.0 42.1 政府新聞處 (2025-11-26)。〈加開臨時庇護中心和跨部門援助站（二）〉。《香港特別行政區政府新聞公報》 (香港中文)。香港。喺2025-11-26搵到。
  43. ↑ 43.0 43.1 43.2 〈行政長官就大埔宏福苑五級火警跟進工作會見傳媒開場發言（一）（只有中文）〉。www.info.gov.hk。喺2025-11-27搵到。
  44. ↑ 石國威 (2025-11-27)。〈大埔宏福苑火災．交通消息 39條巴士線改道 東鐵綫早上加密班次〉。《香港01》 (香港中文)。香港。喺2025-11-27搵到。
  45. ↑ 〈大埔宏福苑五級火丨何永賢:跨部門全力安置受影響居民〉。《信報財經新聞》 (香港中文)。香港。2025-11-27。喺2025-11-27搵到。
  46. ↑ 〈元朗潭尾路外勞宿舍或撥作居民臨時居所　房協調動約400個空置單位供暫住〉。《明報新聞網》 (香港中文)。香港。2025-11-27。喺2025-11-27搵到。
  47. ↑ 凌逸德 (2025-11-26)。〈直播｜宏福苑火災．持續更新〉。《香港01》 (香港中文)。原先內容歸檔喺2025-11-26。喺2025-11-26搵到。
  48. ↑ 〈教育局公布大埔五級火警相關安排〉。www.info.gov.hk。喺2025-11-27搵到。
  49. ↑ 〈教育局繼續就大埔五級火警提供支援〉。《香港政府新聞公報》。2025-11-27。喺2025-11-27搵到。{{cite web}}: CS1 maint: url-status (link)
  50. ↑ 凌逸德 (2025-11-26)。〈宏福苑五級火｜屋苑曾捲3.3億維修風波 去年動工原定明年3月拆棚〉。《香港01》 (香港中文)。喺2025-11-26搵到。{{cite web}}: CS1 maint: url-status (link)
  51. ↑ GEBREKIDAN, SELAM; CHANG, AMY CHIEN; DONG, JOY (2025-11-29)。〈香港政府在火災發生一年前已收到居民對建築材料投訴〉。《紐約時報》 (繁體中文)。原先內容歸檔喺2025-11-30。喺2025-11-30搵到。
  52. ↑ 52.0 52.1 〈宏福苑居民曾批維修費高昂、承建商多次違規 勞工處稱發生火災風險低〉。《自由時報》 (臺灣中文)。2025-11-27。喺2025-11-27搵到。
  53. ↑ 宏福苑業主立案法團第12屆管理委員會 (2025)。〈宏福通訊- 第6期 (2025.06.13)〉 (PDF)。《宏福苑業主立案法團》 (2025-06-13出版)。頁 2。喺2025-11-27搵到。｢法團已托工程顧問『鴻毅』招聘駐地盤工程監督，協助監督屋苑大維修工程日常各項工序、驗收物料、跟進個案及記錄整體工作進度，確保工程施工質量。｣{{cite web}}: CS1 maint: url-status (link)
  54. ↑ 〈大埔宏福苑五級火宏福苑財險賠償傳上限20億-人身傷亡責任無限次賠款-中國太平高層獨家回應〉。星島頭條。喺2025-11-27搵到。{{cite news}}: CS1 maint: url-status (link)
  55. ↑ 〈宏福苑五級火｜政府向每戶災民派一萬元應急援助 物色近千房間供暫住約兩周 | 無綫新聞TVB News〉。《無綫新聞 TVB News》 (香港中文)。喺2025-11-27搵到。
  56. ↑ 〈信和集團及黃廷方慈善基金 2000萬元支援賑災 | 無綫新聞TVB News〉。《無綫新聞 TVB News》 (香港中文)。喺2025-11-27搵到。
  57. ↑ 〈房協向大埔宏福苑火災居民致以慰問 提供暫租住屋全力支援〉。www.hkhs.com (香港中文)。喺2025-11-27搵到。
  58. ↑ 金融組。〈大埔宏福苑五級火｜李嘉誠基金會：3000萬設緊急援助基金、5000萬後續支援 李兆基基金捐3000萬、馬雲系捐6000萬 一文看清企業馳援大埔火災救援（不斷更新）〉。《香港經濟日報HKET》 (繁體中文)。喺2025-11-28搵到。
  59. ↑ 陶嘉心 (2025-11-27)。〈宏福苑大火｜澳門霍英東基金會捐3千萬 支援緊急救援及災後重建〉。《香港01》 (香港中文)。喺2025-11-27搵到。
  60. ↑ 〈香港宏福苑大火 李嘉誠等捐款協助受災居民〉。Yahoo News (中文)。2025-11-27。喺2025-11-27搵到。
  61. ↑ 〈宏福苑五級火｜李嘉誠基金會、李兆基基金分別捐 3 千萬元 周大福、信和分別捐 2 千萬元｜Yahoo〉。Yahoo News (中文)。2025-11-27。喺2025-11-27搵到。
  62. ↑ 〈比亞迪香港捐贈1,000萬元支持大埔宏福苑火災救援〉。AASTOCKS.COM。喺2025-11-27搵到。
  63. ↑ 〈嘉華與主席呂耀東向宏福苑大火受災人士合共捐款1,000萬元〉。AASTOCKS.COM。喺2025-11-27搵到。
  64. ↑ 〈大埔宏福苑五級火｜ 韓紅 捐千萬人民幣 多位藝人慷慨解囊（名單不斷更新） | 生活熱話〉。《Oh!爸媽 - Ohpama.com一站式升學、親子網站》 (臺灣中文)。2025-11-28。喺2025-11-28搵到。
  65. ↑ 羅志宏, 劉澄儀, 鄭惠文 (2025-11-28)。〈大埔宏福苑捐款｜中港韓台演藝界伸出援手捐款逾一億賬災 英皇集團楊受成率領捐超過2000萬〉。《UHK 港生活》 (香港中文)。喺2025-11-28搵到。
  66. ↑ 〈大埔宏福苑五級火丨姜濤領軍獻愛心 捐百萬偕粉絲合力賑災〉。《星島日報》。星島頭條。2025-11-28。喺2025-11-28搵到。{{cite news}}: CS1 maint: url-status (link)
  67. ↑ 67.0 67.1 67.2 Speakout-港人講地。〈【宏福苑五級火】內地組織及企業馳援捐款捐物資 港基金會及商界助災民渡過難關〉。www.speakout.hk (英文)。喺2025-11-27搵到。
  68. ↑ 歐陽德浩 (2025-12-04)。〈宏福苑大火｜政府災民生活津貼增至每戶10萬 捐款基金不設二維碼〉。《香港01》 (香港中文)。喺2025-12-05搵到。
  69. ↑ 〈宏福苑五級火｜滙豐與恒生捐款3千萬元支援受災居民及家庭 - RTHK〉。news.rthk.hk (臺灣中文)。喺2025-11-28搵到。
  70. ↑ 文維廣 (2025-11-29)。〈宏福苑火災｜李家超率官員默哀三分鐘 簽署弔唁冊向罹難者誌哀〉 (香港中文)。香港。香港01。喺2025-11-29搵到。
  71. ↑ 有線新聞 (2025-11-30)。〈大埔宏福苑五級火｜市民湧大埔悼念 人龍長逾公里 冀罹難者安息、生還者堅強〉。《有線寬頻 i-CABLE》 (香港中文)。喺2025-12-03搵到。
  72. ↑ 〈獻花人龍晝夜不絕 綿延1.6公里 涼亭貼滿祝福 市民寄語「大埔人，加油！」〉。《明報》 (香港中文)。2025-12-01。
  73. ↑ Tsui, Anjali; Regalado, Francesca (2025-12-01)。〈「救救我們」：宏福苑大火中的香港外籍家佣〉。《紐約時報中文網》 (繁體中文)。喺2025-12-03搵到。
由「https://zh-yue.wikipedia.org/w/index.php?title=宏福苑大火&oldid=2357657」收