官富

出自維基百科,自由嘅百科全書
明朝《粵大記》已經有「官富」嘅相關紀錄(左下)

官富係舊地名,大概等如而家香港九龍東一帶,亦係觀塘區個名嘅來源。

南宋初年朝廷響南海郡東莞縣東南,而家九龍灣沿岸一帶,起咗個叫「官富場」嘅官方鹽場。鹽場響隆興元年(1163年)曾經廢咗,但後尾又恢復番。南宋末年,宋端宗宋帝昺向南逃難時,曾經響官富場嘅一嚿大石唞過,後世叫做宋王臺

南宋亡後,元朝朝廷將「官富場」改名做「官富巡司」,明朝朝廷再將佢改名做「官富巡檢司」。清朝康熙元年(1662年),朝廷實行遷界令,「官富巡檢司」廢咗。就算之後遷界令喺康熙八年(1669年)取消,但識煮鹽嘅人都走嗮,所以最後都恢復唔番。