宿舍

出自維基百科,自由嘅百科全書
一間大學嘅高級職員宿舍
北美常見嘅宿舍房間內部
英國一間宿舍嘅公用廚房

宿舍dormitory, hostel)係一種畀學生職員或者組織成員住嘅,每間房人數由單人至十幾人不等。宿舍設備主要有基本嘅床舖、共用衛浴設備、廁所廚房電視機運動器材、自修室等。不過,高級職員嘅宿舍同豪宅無分別。佢哋容許企業管理層同佢哋家庭成員同住,甚至有私家泳池等設施,生活消費全包,視乎僱傭合約條款、勞動法等而定。

前者係寄宿學生或者普通職員嘅福利,宿生之間係同輩職工,唔係親屬父母等關係,宿舍主持或者管理人叫做「舍監」。

宿舍通常有守則,傳統宿舍受到男女授受不親等保守觀念影響,通常性別隔離英文Sex segregation,大多數宿舍為男女分棟或者同棟唔同樓層,亦有啲宿舍為男女同宿,舍員要參與自治。甚至有大學生,以自己居住嘅宿舍名為榮,不時舉行各種舍際競賽