寮屋
根據現行嘅寮屋管制政策，喺1982年寮屋管制登記入面已經登記咗嘅寮屋，會獲發寮屋編號，紀錄咗構築物嘅位置、尺寸、建築物材料同埋用途。如果間屋同1982年寮屋登記記錄相同嘅話，就可以暫時繼續獲准存在（但其非法或違契性質不變），直到有其他發展計劃、環境改善或者安全理由而須要清拆，或直至自然流失（例如構築物唔再存在）[1]。
歷史
[編輯]
寮屋喺1940年代尾喺香港開始增多。原因唔單止係因為有好多原有嘅房屋喺戰時受到破壞，更重要嘅係之後中國大陸爆發國共內戰，令大量難民湧入香港。香港政府喺奉行自由貿易嘅原則底下，當時未有對應市況提供公營房屋計劃，所以啲難民就喺市區邊緣同山邊起寮屋。寮屋區十分擠逼，衛生惡劣，仲成日火燭。
直到1953年12月24號石硤尾大火，燒咗石硤尾寮屋區，令到接近五萬人無家可歸之後，當時香港政府先改變房屋政策，興建公共房屋安置居民，寮屋喺香港嘅數量先受到控制。另外喺西貢清水灣嘅碧水新村，就主要係上世紀60年代批畀受颱風影響嘅居民登記居住嘅寮屋[2]。
寮屋通常都係非法僭建，設施簡陋，環境衛生惡劣，亦有火燭等安全隱患，部分更成為治安黑點。當年，房屋署設有寮屋管制組（有叫稱「寮仔部」）盡力取締非法僭建寮屋，不過始終唔冇乜成效，依然有唔少不法之徒，因為有利可圖，而繼續起建寮屋賣出去，甚至出現「你拆我起」嘅情況。呢啲寮屋買家多為新移民同窮人，甚至誤以為住咗寮屋就可以排公共房屋，等上樓[3]。
根據房屋署喺1980年代初嘅統計，全港有57萬木屋居民，大約14萬個家庭。按當時措施，居港10年並符合入住公屋資格，而木屋因為清拆或天災，間寮屋損毁嘅居民，可以即刻上樓（遷入空置嘅公共屋邨），如果公屋單位唔夠，就可以搬入去臨時房屋[4]。
1982年全港寮屋登記
[編輯]政府喺1982年為全港寮屋登記，記錄咗寮屋嘅位置、尺寸（即長度、闊度同高度）、建築物料同用途，作為日後寮屋管制嘅基線[5]。已登記寮屋如果未經許可之下擴建或者重建、改變用途，或喺原登記為臨時物料而改用永久物料，地政總署會按照寮屋管制政策進行執法，自此之後居民唔可以自行擴建房屋（僭建），否則會失去清拆寮屋時入住公屋（俗稱「上樓」）嘅資格。
而早期經官地租用牌照去起嘅建築物，由於呢啲牌照已經喺1984年因應政府政策而轉為短期租約[6]。由嗰時開始，租戶就需要一直支付市值租金。租金每三年調整一次，如果租戶對新租金唔滿意，可向地政總署署長提出上訴。
截至2009年，香港仍然有廿幾萬間寮屋，有人居住嘅有八萬幾間，當中地區包括黃大仙、鯉魚門、茶果嶺、薄扶林村，以及新界呢幾笪地方[7] 。 2009年10月九華徑寮屋區發生火災[8] ，令市民再次關注寮屋居民嘅居住安全問題。但亦有居民稱住喺寮屋只需每年向政府交幾百蚊地租，又有井水用，使費比起住喺其他地方少好多[9] 。
考慮到寮屋管制政策目的係暫准已經登記咗嘅寮屋繼續存在，絕對唔係鼓勵違規擴建，地政總署喺2016年6月22號收緊執管安排，具體嚟講，喺嗰個日子以後落成嘅擴建，一經發現，地政總署就會即時取消寮屋登記編號，同埋準備清拆佢，冇機會畀。「寮屋住戶自願登記計劃」由2018年11月1號起實施，係一次性政策，旨在配合政府同年5月10號公布，為受政府發展清拆行動影響嘅寮屋住戶而設嘅改善特惠補償同安置安排。即係居住喺持牌但非住用構築物或已經登記作非住用用途嘅寮屋（以下統稱「非住用寮屋」）嘅人士，如果喺呢個登記計劃下向地政總署作出登記，日後如果嗰間非住用寮屋因為政府要發展而要清拆嘅話，佢哋就符合基本條件申請安置同埋特惠津貼。非住用寮屋本身係唔應該用作居住用途，有關登記計劃旨在建立登記冊，一方面確認已登記嘅住戶有入住响嗰啲等非住用寮屋，保障佢哋日後若受政府發展清拆影響時有機會申請安置及特惠津貼，另一方面減少其他人特登搬入非住用寮屋作居住用途嘅動機同埋相關嘅炒賣活動。政府並冇為登記數字預設指標。
收回及重建九龍東寮屋區
[編輯]2019年香港政府《施政報告》公布，計劃收返九龍東 三個寮屋區，包括茶果嶺村、牛池灣村同竹園聯合村，用嚟發展公屋。當局初步估算，如果以較高嘅發展密度推展兩個項目，估計可以提供2700 間公屋。不過，實際單位數目、地積比率同人口數字等都係參數，要等研究完成之後先至確定到可行性。至於「政府、機構或社區」設施，當局表示會盡量透過「一地多用」嘅模式落實，按依家嘅研究進度，估計最快2021/22年凍結登記，過程順利嘅話，會喺2025年開工。
- 丹拿山近黃鶴樓
- 淺水灣道及南灣道上南灣道
- 芽菜坑
- 天后廟山
- 赫蘭道
- 銅鑼灣馬山
- 舂磡角道
- 金督馳馬徑
- 西灣仔
- 大坑山
- 赤柱街市
- 浣紗街
- 南約
- 孔聖堂後面
- 聖士提反灣聖士提反灣
- 寶雲道
- 赤柱峽道
- 大潭
- 堅彌地街/道及適安街
- 漆咸徑及地利根德里
- 大潭道（西）
- 克頓道
- 大潭篤村
- 豬毛山
- 石澳道
- 大華工廠後面
- 爛泥灣
- 何莊
- 東丫背
- 大口環村
- 銀坑
- 大口環
- 土地灣
- 大口環新村
- 大風坳
- 鋼線灣村
- 鶴咀村
- 近碧瑤村
- 芽菜坑（鶴咀）
- 域多利道近北
- 石澳村
- 薄扶林村
- 大浪灣
- 域多利道近華富村（包括水菜田村及瀑布灣）
- 玄都巖村（柴灣山）
- 西灣村（柴灣邨第19座後面 ）
- 雞籠環（興偉後面山坡）
- 西村（哥連臣角道對下）
- 潮州山
- 哥連臣角道
- 石排灣/田灣山
- 大坑東村（大坑坳及滿華樓）
- 鴨脷洲大街後面山坡
- 大潭道（東）
- 鴨脷洲白沙灣
- 愛秩序村
- 深坑
- 筲箕灣海深廟
- 香港仔警署後面
- 山邊台
- 黃竹坑徑及舊村
- 亞公巖村
- 壽山村道
- 天后廟道對下丹拿山
- 黃竹坑新圍村
- 香島道近高爾夫球場
九龍
[編輯]參看
[編輯]註解
[編輯]- ↑ 發展局。〈新聞公報及刊物〉。《立法會八題：寮屋及農用構築物》。原著喺2021-06-08歸檔。喺2021-03-23搵到。
- ↑ 〈【蘋果踢爆】陶輝私竇曝光！助理警務處長開公司賣冷氣零件 報住清水灣寮屋疑違法〉。原著喺2020-04-29歸檔。喺2020-04-28搵到。
- ↑ 發展局。〈新聞公報及刊物〉。《立法會八題：寮屋及農用構築物》。原著喺2021-06-08歸檔。喺2021-03-23搵到。
- ↑ 發展局。〈新聞公報及刊物〉。《立法會八題：寮屋及農用構築物》。原著喺2021-06-08歸檔。喺2021-03-23搵到。
- ↑ 發展局。〈新聞公報及刊物〉。《立法會八題：寮屋及農用構築物》。原著喺2021-06-08歸檔。喺2021-03-23搵到。
- 1 2 香港立法局。〈一九九五年三月八日 立法局會議過程正式紀錄〉 (PDF)。《立法局會議》。原著 (PDF)喺2021-05-16歸檔。喺2021-03-23搵到。
- ↑ 發展局。〈新聞公報及刊物〉。《立法會八題：寮屋及農用構築物》。原著喺2021-06-08歸檔。喺2021-03-23搵到。
- ↑ 發展局。〈新聞公報及刊物〉。《立法會八題：寮屋及農用構築物》。原著喺2021-06-08歸檔。喺2021-03-23搵到。
- ↑ 引用錯誤 無效嘅
<ref>標籤；無文字提供畀叫做tue嘅參照
外部連結
[編輯]- 香港房屋委員會Wayback Machine嘅版面存檔備份
- 地政總署 - 寮屋管制相關公報Wayback Machine嘅版面存檔備份