寵物小精靈傳說 Z-A
| 寵物小精靈傳說 Z-A | |
|---|---|
| ポケットモンスター レジェンズ Z-A | |
| Pokémon Legends: Z-A | |
 任天堂 Switch 美版宣傳圖 | |
| 類型 | RPG |
| 平台 | 任天堂 Switch、任天堂 Switch 2 |
| 整 | GAME FREAK |
| 發行 | 任天堂、Pokémon 公司 |
| 系列 | 寵物小精靈系列 |
| 發行日期 | 2025 年 10 月 16 日 |
《寵物小精靈傳說 Z-A》（日文：
呢隻遊戲出咗街一個星期內，已經引起咗唔少 fan 士嘅不滿：數字表示，呢隻遊戲嘅成本較前幾件低，而且畫質方面嘅表現被指係仲差過十年前嘅遊戲，而且作品某部份嘅寫作同埋關卡設計亦被指係有啲粗糙。[1]喺某啲 Metacritics 嗰度，fan 士俾咗唔少劣評[2]。
遊戲機制
[編輯]即時行動戰鬥
[編輯]本作用嘅係即時戰鬥，而非回合制嘅戰鬥，係寵物小精靈主系列史上首次採用非回合制嘅戰鬥模式，玩家可以喺對戰之中操控寵物小精靈行動同出招，佢哋仲可以透過自身嘅移動引導自己嘅精靈郁動，有可能籍此引導自己嘅精靈避開對手嘅攻擊，而且唔同嘅招式嘅 cooldown 都唔同，有別於傳統寵物小精靈用嘅 PP 值機制（每一個招式只可以用若干次，用晒就要回復）[3]。
超級進化
[編輯]呢隻遊戲用返喺《寵物小精靈 X／Y》中首次登場嘅超級進化（或者叫百萬進化）機制。本作中超級進化所需嘅超級石可以透過多種途徑取得，玩家可以破壞散佈喺密阿雷市各處嘅超級結晶，獲得超級碎片，攞住啲碎片去闊星公司換超級石，而喺密阿雷市各處亦有舖頭可以買到超級石。
ZA 登峰戰
[編輯]登峰戰係喺本作首次登場嘅對戰賽制。每位訓練員最初都係由 Z 級開始，透過係噉對戰提升級別，最高可達 A 級。要挑戰升級戰，玩家必須持有挑戰券。升級至 A 級嘅訓練家會得到最強稱號同名譽，並且可實現一個願望。遊戲中嘅眾多角色都以登上 A 級為目標。
Z-A Battle Club
[編輯]本作嘅連線對戰模式以限定時間內打低最多寵物小精靈數量嚟排名，最多可以四人同場對戰。
故事設定
[編輯]背景
[編輯]遊戲背景設定設喺密阿雷市，位於《X／Y》首登場嘅卡洛斯地區。喺遊戲嘅故事當中，闊星公司為咗推進人與寵物小精靈共存，而進行都市再發展，大幅更改密阿雷市嘅都市規劃。[4]故事嘅主角啱啱到達密阿雷市，加入超 Z 隊，準備挑戰 ZA 登峰戰。
玩家可以喺開頭揀菊草葉、暖暖豬、小鋸鱷作為初期拍檔。
密阿雷市
[編輯]密阿雷市係遊戲嘅主舞台，遊戲嘅成幅地圖都設喺密阿雷市之內，密阿雷市比《X／Y》嗰時更綠化、更高科技，其中心有象徵住成座城市嘅稜鏡塔。晝夜之間城市樣貌會出現明顯變化。
野生特區
[編輯]位於密阿雷市入面嘅特殊區域，玩家可以喺度捕捉野生嘅寵物小精靈，但同時可能受到佢哋攻擊。
對戰特區
[編輯]夜晚嗰陣先會出現嘅特別區域，訓練員喺呢啲區域中對戰，ZA 登峰戰升級必需要有嘅挑戰券，可以透過喺對戰特區戰鬥嚟取得。
登場角色
[編輯]超 Z 隊（MZ団）
[編輯]- 蓋伊／塔霓（ガイ／タウニー）
- 旅館 Z 職員，協助老闆處理事務。性格有啲強勢但樂於助人，對戰實力不容忽視。視乎主角嘅選擇，佢哋其中一位會喺遊戲內出現。
- 玳蘿（デウロ）
- 為咗成為專業舞者而嚟到密阿雷市留學，喺主角邀請下加入超 Z 隊。主要拍檔係海星星。
- 琵魯（ピュール）
- 立志成為時裝設計師，遇到主角之後以獲得工作室為交換條件加入超 Z 隊。主要拍檔係滑滑小子。
闊星公司（クエーサー社）
[編輯]- 捷朵（ジェット）
- 闊星公司總裁，推動都市再開發以實現人與寵物小精靈共居嘅城市。
- 馬斯卡托（マスカット）
- 戴太陽眼鏡嘅大塊頭，捷朵嘅秘書，工作效率極高。
其他角色
[編輯]- AZ（AZ）
- 身高約三米嘅高大男性，自稱三千歲，係旅館 Z 老闆。
- 茉蜜姬（モミジ）
- 寵物小精靈研究所代理所長，委託主角協助調查都市再開發對寵物小精靈數量變化嘅影響。
- 瑪琪艾兒（マチエール）
- 密阿雷市偵探事務所所長，偵探兼訓練家，會派任務俾主角。
- 烏羽（カラスバ）
- 鏽蝕組老大，主要使用毒系寵物小精靈，行事冷酷。
品質爭議
[編輯]寵物小精靈傳說 Z-A 推出咗一個禮拜就已經受到批評，其中一個批評得最犀利嘅地方，就係遊戲嗰啲城市建築物同場景嘅立體模型。唔少玩家喺社交平台同遊戲論壇留言指出，開發團隊大量使用平面貼圖嚟代替真正嘅立體細節，令到啲建築物睇落好似紙板咁扁。[5]
睇埋
[編輯]引述
[編輯]- ↑ Even The Switch 2 Can't Make Pokemon Look Good, As Fans Compare Legends Z-A To A PS2 Game
- ↑ Pokémon Legends: Z-A's Overwhelmingly Negative Reviews Reveal What Fans Really Think
- ↑ 〈Pokémon Legends Z-A 官方預告片〉。喺2025-10-20搵到。
- ↑ 〈Pokémon LEGENDS Z-A 官方網站〉。喺2025-10-20搵到。
- ↑ "Pokémon Legends Z-A Fans Upset Over Flat Buildings". The Gamer. 2025-10-18. 喺2025-10-26搵到.