寶雅苑（英文：Po Nga Court），香港居者有其屋計劃屋苑，1989年起好，喺香港新界大埔新市鎮，居屋第十期甲和第十期丙賣。屋苑喺大埔區，貼住太和邨，一共有三座Y3型樓。有兩間幼稚園，天主教大埔幼稚園、中國基督教播道會寶雅幼兒學校。一間中學，神召會康樂中學。提供2,448個單位，實用面積約379至638平方呎，主打開放式至兩房單位。屋苑交通便利，步行到太和港鐵站約四分鐘。
