寶麗多

出自維基百科,自由嘅百科全書
Jump to navigation Jump to search

寶麗多英國唱片公司,今下環球唱片品牌,西洋文寫Polydor。環球音樂食咗寶麗金之前,係寶麗金一個品牌。公司一九一三年成立,原本係德國公司,喺萊比錫。然而寶麗多個名,一八八七年已經用,用喺音樂盒

一九四一年,寶麗多落入德國公司西門子手。一九五四年,喺英國開咗寶麗多唱片有限公司。一九六二年,西門子同飛利浦合作,旗下唱片合成寶麗金。之後就好多唱片用寶麗多名義出。

寶麗多品牌,世界各地都有歌手

香港[編輯]

一九七〇年,寶麗金要喺香港開公司,三月十七號,成立寶麗多有限公司,英文名Polydor Limited。一九七一年,買咗香港鑽石唱片。唔少當紅歌手以寶麗多個名出碟,好似許冠傑咁。一九七九年,二月九號,公司轉名寶麗金唱片有限公司,英文名PolyGram Records Limited,三月二號,加埋唐字名,開始用寶麗金名義出碟。飛利浦賣咗寶麗金畀人,一九九九年四月廿三號,改名環球唱片有限公司,英文名Universal Music Limited。