尖沙咀東

出自維基百科,自由嘅百科全書
(由尖東跳轉過來)
跳去: 定向搵嘢
位於尖沙咀東海旁嘅梳士巴利道

尖沙咀東,簡稱尖東,係香港尖沙咀東面擴展部份,主要係密度較為低嘅商業區,裏面有酒店寫字樓、各種餐廳。香港政府亦都響呢度起咗香港歷史博物館香港科學館呢啲文化設施。

尖沙咀東原本係九龍紅磡灣嘅一部份,1960年代,香港政府漆咸道南以東嘅海填平來發展。尖沙咀東個範圍一般係,西面去到漆咸道南,北面去到暢運道,東面去到康莊道,南面就同維多利亞港相鄰。所以康莊道東面嘅填地就唔屬於尖沙咀東,而係紅磡嘅範圍。

政府響尖東海邊起咗條尖沙咀海濱長廊,由紅磡國際郵件中心,沿住尖東海皮,一直伸到尖沙咀天星碼頭,係遊人勝地。同海濱長廊拍住嘅係梳士巴利道,係區裏面一條大馬路。

響2004年,九廣鐵路(家下港鐵西鐵綫)喺梳士巴利道地底又去返尖沙咀,重響度起咗個站,叫尖東站,不過個站唔喺尖東。但係呢個站起咗好多行人隧道伸到入尖沙咀東部,重可以去埋彌敦道尖沙咀站荃灣綫)。