尤金奧尼爾（Eugene O'Neill，1888年10月16號—1953年11月27號）係一位美國劇作家。佢啲劇本標題充滿詩意，亦係最早將現實主義戲劇技巧引入美國嘅作品之一；呢啲技巧早年主要同卓可夫、易卜生同奧古斯特史特林堡等人有關。
佢嘅悲劇作品《長夜漫漫路迢迢》（Long Day's Journey into Night）經常被列為20世紀最出色嘅美國劇本之一，同田納西威廉斯嘅《慾望號街車》以及亞瑟米勒嘅《推銷員之死》齊名。
佢喺1936年獲頒諾貝爾文學獎。奧尼爾亦係史上唯一一位攞過四次普立茲戲劇獎嘅劇作家。
