尹錫悅戒嚴
2024年12月3號夜晚10點幾，大韓民國總統尹錫悅喺首爾發表緊急電視講話，話以共同民主黨為首嘅國會反對黨係「親北韓勢力」，並且透過「反國家活動」癱瘓政府，所以宣布全國戒嚴[1][2]。呢次戒嚴因發生喺12月3號，又被叫做一二•三緊急戒嚴事態[3]（韓文：12.3 사태／12.3事態 Il-i Sam Satae[4]）或者“12•3”緊急戒嚴[5]（韓文：12.3 비상계엄／12.3 非常戒嚴 Il-i Sam Bisang Gye-eom）。呢次戒嚴係自1980年全斗煥發動5•17政變，建立第五共和國軍事獨裁以嚟，大韓民國第一次宣布戒嚴。[6]戒嚴令生效之後，當局喺國會議事堂部署軍隊，阻止國會議員進入，並同示威者發生衝突。軍隊甚至一度進入國會大樓入面，試圖逮捕議員。
事件引發韓國國內強烈反應，包括執政黨國民力量、反對黨共同民主黨同各工會組織都反對戒嚴令，大批民眾發動抗議並且阻擋戒嚴部隊進入國會。12月4號凌晨1點左右，韓國國會召開會議，當時已經入咗去國會議事堂嘅190個議員全票通過決議，宣布總統頒布嘅戒嚴無效。當中172個議員係反對黨議員、18個議員係執政黨國民力量議員[7]。國會投票結束之後，總統尹錫悅宣布會解除戒嚴令，但國防部長官金龍顯話戒嚴令會繼續生效直至總統正式解除[8]。同日4點27分，尹錫悅發表公開演講，宣布將會召開國務會議並且解除戒嚴令，但因為時間正處於凌晨，無辦法以法定人數召開國務會議，所以戒嚴令未能即刻解除[9][10]。4點30分，韓國國務會議通過解除戒嚴令，之後戒嚴司令部解散，戒嚴部隊撤回原本駐地[11]。
事發之後，韓國總統室首席秘書、室長等高級幕僚陸續提出辭職。12月4號下晝，6個在野黨聯合向國會提交彈劾尹錫悅動議，同月6號至7號投票表決，但第一次未能通過；參與戒嚴嘅國防部長官金龍顯亦被在野黨發起彈劾，隨後自行辭職[12]。12月5號，據傳尹錫悅將喺當日再次發表公開講話[13]，但其後總統室宣布佢並未安排呢個行程[14]。12月7號，尹錫悅終於出面向國民道歉，並且強調唔會有第二次戒嚴[15]。後續喺同月14號嘅第二次動議入面，被多數議員投票彈劾，並且送到憲法法院審議。[16]
2025年1月9號，韓國憲法法院事務處長金正元表示，緊急戒嚴嗰陣頒布嘅戒嚴布告令唔符合韓國憲法。[17]1月15號，韓國高級公職人員犯罪調查處喺第二次拘捕行動入面正式逮捕尹錫悅。[18]經逮捕必要性審查，首爾西部地方法院法官車恩京正式對尹錫悅進行簽發逮捕令。[19]
參考資料
[編輯]- ↑ "South Korean President Yoon Suk Yeol declares martial law". 《德國之聲》 (英文). 2024-12-03. 原先內容歸檔喺2024-12-03. 喺2024-12-03搵到.
- ↑ 〈韓國總統尹錫悅突然宣布實施緊急戒嚴令〉。《美國之音》 (簡體中文)。2024-12-03。喺2024-12-03搵到。
- ↑ 〈嫌疑人尹錫悅、整體歇工總統室、看眼色的總理室……政府並不存在〉。《東亞日報》 (臺灣中文)。2024-12-10。原先內容歸檔喺2024-12-19。喺2024-12-13搵到。
- ↑ 서어리 (2024-12-04)。〈역사교사들 '12.3 사태' 수업자료 제작•배포…"비상계엄, 독재 수단으로 선포"〉 (韓文)。原先內容歸檔喺2024-12-19。喺2024-12-12搵到。
- ↑ 陸睿、孫一然 (2024-12-13)。〈尹錫悅為緊急戒嚴辯解 在野黨提交二次彈劾案〉。《新華每日電訊》。頁 7。原先內容歸檔喺2025-01-03。喺2024-12-13搵到。
- ↑ "South Korea President Yoon declares martial law". 《路透社》 (英文). 2024-12-03. 喺2024-12-03搵到.
- ↑ Min-kyung, Jung (2024-12-04). "Assembly speaker declares martial law as invalid". 《韓國先驅報》 (英文). 原先內容歸檔喺2024-12-04. 喺2024-12-04搵到.
- ↑ "South Korea's president says he will lift martial law after parliament votes to block order". 《天空新聞台》 (英文). 原先內容歸檔喺2024-12-03. 喺2024-12-03搵到.
- ↑ 〈윤 대통령 "국무회의 열고 계엄 해제하겠다"〉。《韓民族日報》 (韓文)。2024-12-04。
- ↑ 〈계엄령 6시간 만에…윤 대통령 "국무회의 열어 해제하겠다"〉。《韓民族日報》 (韓文)。2024-12-04。原先內容歸檔喺2024-12-03。喺2024-12-03搵到。
- ↑ "South Korean president faces impeachment vote as defence minister offers to resign". 《英國廣播公司》 (英文). 2024-12-04. 原先內容歸檔喺2024-12-03. 喺2024-12-04搵到.
- ↑ 〈持續更新｜韓國國防部長官金龍顯向總統遞交辭呈〉。《南方日報》 (中國中文)。喺2024-12-04搵到。
- ↑ 〈윤 대통령 오늘 '계엄 혼란' 사과 담화〉。《韓民族日報》 (韓文)。2024-12-05。喺2024-12-05搵到。
- ↑ 〈尹錫悅今不發表任何談話！監察院長也被彈劾〉。NOWnews (臺灣中文)。2024-12-05。喺2024-12-05搵到。
- ↑ 〈韓國總統尹錫悅全國演說道歉：不會有第2次戒嚴〉。《中央社》 (臺灣中文)。2024-12-07。原先內容歸檔喺2024-12-13。喺2024-12-07搵到。
- ↑ 聯合新聞網。〈韓總統彈劾案主審官曝光 為尹錫悅「唯一提名任命」具保守傾向〉。《聯合新聞網》 (中文)。原先內容歸檔喺2025-01-06。喺2024-12-18搵到。
- ↑ 〈韓憲法法院："12•3"戒嚴布告令不符合憲法〉。《央視新聞》 (中文)。喺2025-01-13搵到。
- ↑ 尹洪京 (2025-01-15)。〈韓公調處和警方第二次執行拘留尹錫悅〉。《韓聯社》。原先內容歸檔喺2025-01-15。喺2025-01-15搵到。
- ↑ 〈詳訊：尹錫悅涉嫌內亂罪被批准逮捕〉。《韓聯社》。2025-01-19。原先內容歸檔喺2025-01-18。喺2025-01-19搵到。