屏風樓

屏風樓呢個概念係由環保團體長春社提出^{[未記出處或冇根據]}，指響人口密集、土地有限嘅城市入面，好多幢逼埋一齊嘅摩天大廈。屏風樓好似屏風咁擋住啲光線，阻住空氣流通，令到氣溫颷高，加劇當地嘅空氣污染，令到更多居民患呼吸病。屏風樓嘅出現係因為缺乏政府嘅城市規劃同埋監管，城市發展嗰陣，地產商為咗用盡啲貴地，新起嘅樓向高空發展，啲大廈形成咗屏風陣，搞到舊區變到好似盆地咁。喺香港，大圍、荃灣同深水埗都有呢個問題。

「屏風效應」係指啲樓起到好似天幕，阻住自然嘅風出入，搞到城市嘅空氣變差、「不見天日」、悶熱，影響附近居民嘅生活環境、空氣質素、景觀同自然光。大圍火車站上蓋同埋九鐵車廠上蓋嘅物業設計，就係屬於呢類密封式嘅設計。

香港政府賣地嘅政策[編輯]

自從1997年，香港政府賣咗88幅住宅地。環保觸覺調查咗44幅住宅甲類同埋乙類嘅地皮，睇下起好之後啲樓嘅樣，發現好多都有屏風樓嘅特徵，當中包括咗11個超級屏風屋苑，同埋7幅賣咗嘅地，佢地即將會起屏風樓。^[1]