工聯會業餘進修中心
工聯會業餘進修中心由工聯會開辦，中心有開辦多個興趣班，由語文、電腦、模型、造餅、成衣等等可謂課程講得出都會有，有時會得到左派報紙報導宣傳。文匯報有報導將工聯會課程政治宣傳化，指部份課程有利「珠三角大灣區」發展[1]。不過，課程亦有好多問題如收費高，質素差等。而家，香港市民只能向消委會投訴，理由係《教育條例》漏洞所致，終遭媒體同議員指責特區政府問題[2]。
報導
[編輯]- 2016年2月26號，毛記電視指工聯會開6個鐘淘寶課程，收費係$480港元[3]。三年後收費增加近2倍，由$480加到$800，而2019年個「暑期淘寶網購全攻略」課程就比以前多3個鐘。「教你上淘寶，收費八舊水」就連工聯會自己既立法會議員何啟明都同人講話覺得「有啲貴」[4]。
- 2017年，工聯會甚至涉及過「動物傳心」等爭議性收費課程。有業內人士疑遭新聞媒體用科學實證拆穿，涉事「傳心師」鬼話連篇，自圓其說，有人甚至逃避訪問而直接電話收線。有線新聞記者指工聯會相關課程導師，正正牽涉其中，質疑「動物傳心」係偽科學迷信[5]。
參考
[編輯]- ↑ 工聯粵港澳廚藝賽助推灣區職業認證 香港文匯報 2019年5月5號
- ↑ 教育條例存漏洞 工聯進修中心欠監管 ourvoice 2017年3月20號
- ↑ 【埋嚟睇埋嚟join】工聯會6個鐘淘寶課程只係$480咋 互聯網檔案館嘅歸檔，歸檔日期2019年6月1號，. 毛記電視 2016年2月26號
- ↑ 工聯開班教淘寶 學費800 明報 2019年5月31號
- ↑ 香港動物傳心傳心師聲稱靠照片可知動物想法 有線新聞 2017年7月10號
- ↑ 工聯會協辦海外營養學學士課程涉違規未註冊 為期2年學費約5萬元 香港01 2018年6月4號
- ↑ 工聯遙距學士課程涉違規實設課堂未註冊文憑至學士兩年讀完 明報新聞網 2018年6月3號