巴西

巴西國旗

巴西（粵拼：baa¹ sai¹；葡萄牙文：Brasil），正式叫巴西聯邦共和國baa¹ sai¹ lyun⁴ bong¹ gung⁶ wo⁴ gwok³（葡萄牙文：República Federativa do Brasil）係南美洲一個大國家，人口同面積都係世界第五大。而響南美洲巴西係最大同最多人嘅國家。

由於歷史上曾經係葡萄牙殖民地，巴西嘅官方語言係葡文。

地理

亞馬遜森林高空圖

巴西位處南美洲近赤道嘅平原，有差唔多成條亞馬遜河貫穿住。亞馬遜河係世界上流量最大嘅河流。巴西大部份地方都係熱帶雨林，即係亞馬遜森林，自然資源豐富。因為位處赤道，雨水充足，陽光亦都好充沛。

巴西嘅人口都係集中喺東南部沿海地區，例如大城市里約熱內盧就係喺呢度。 但係近幾十年，佢嘅生態環境亦因為經濟起飛而受到好嚴重嘅破壞，例如道路建設、水壩、城市建造、農業開發、大規模斬樹、火災、採礦、開採石油、氣候變化等，繼而一個又一個嘅大片森林消失，因為水土流失嘅關係而導致河邊或山區地勢變形。

史

巴西喺南美洲，殖民時代，美洲都為西班牙所佔，唯獨巴西為葡萄牙所佔，南美洲最大國。

經濟

巴西地圖，東南面近大西洋，北面就係亞馬遜森林

巴西主要都係靠自然資源搵食，例如佢嘅主要出口貨品都係一啲咖啡、大豆、鐵礦石等等。所以巴西嘅農業、採礦業都係比較發達。

如果以拉丁美洲嚟講，巴西嘅國內生產總值係南美洲第一位。

人口

巴西嘅人口都集中喺東南部沿岸，亞馬遜森林人口就好少，都係一啲土著。而東南部嘅人都係歐洲人嘅後代。佢哋嘅祖先主要係葡萄牙人、意大利人、西班牙人同埋德國人等等。

根據2008年嘅統計，巴西有大約一億八千六百萬人口，而東南沿海就有七千八百幾萬，大約係巴西人口總數嘅42%。

出面網頁

• 巴西政府官方網站 （葡萄牙文）
• "国家概况 — 中华人民共和国外交部" (用中文寫). 中華人民共和國外交部. 
• "巴西聯邦共和國 the Federative Republic of Brazil - 拉丁美洲及加勒比海地區 - 中華民國外交部 - 全球資訊網 Ministry of Foreign Affairs, Republic of China (Taiwan)" (用中文寫). 中華民國外交部. 
• 巴西喺中央情報局《世界概況》嘅資料 （英文）
• 巴西行政區劃 （語體中文）
• 中華人民共和國駐巴西大使館 （語體中文）
• 中華民國駐巴西台北經濟文化辦事處 （葡萄牙文）