崇母

崇母（粵拼：sung4 mou5；中古漢語拼音：zriung），係中古漢語聲母，屬齒音中嘅正齒音，屬莊組，係全濁聲母。喺後世佢同船母合流成牀母，因爲佢喺韻圖二等，所以又叫牀二（cong4 ji6）。

擬音[編輯]

學界對崇母嘅擬音分兩派，一派擬成捲脷音，擬成/dʐ/，一派擬成舌葉音，擬成/d͡ʒ/。

對上古音嘅研究，有個定論叫照二歸精，意思係話崇母來源自從母，喺上古音佢係/d͡z/噉樣嘅音，後來因爲介音因素，佢演變成捲脷或舌葉音。

崇母喺粵語清化，平聲送氣，仄聲唔送氣，另有部分擦化，分化成z、c、s三個聲母，聲調都派陽聲調。

下面係一啲例字嘅古今音對比，第一欄例字，第二欄中古音（切韻），第三欄現代粵音：

調返轉頭，現代粵語中嘅z聲母來源自中古音嘅知、澄、從、章、莊、精、俟、邪、崇九母，c聲母來源自中古音嘅徹、澄、從、清、初、昌、邪、崇八母，s聲母來源自中古音嘅心、崇、生、常、書、船、邪七母。

崇母喺吳語歸入邪母，對應嘅吳拼係z。

崇母喺普通話清化，一般係捲脷音，平聲送氣，讀ch，仄聲唔送氣，讀zh，少數擦化，變sh，極少數字變平脷，讀c。普通話嘅平捲分法係濟南型溝南京型。

吳音讀ざ行，漢音讀さ行。