廣州地鐵11號綫

廣州地鐵11號綫嘅圖標

 廣州地鐵11號綫（粵拼：gwong2 zau1 dei6 tit3 sap6 jat1 hou6 sin3） ，又叫市區環綫si5 keoi1 waan4 sin3，係廣州地鐵綫之一，2024年12月28號開始營運，代表色係■亮橙黃。使用八節A型列車。

佢係廣州地鐵第一個PPP（Public—Private—Partnership）項目，由以中國中鐵為主體嘅綜合體融資建設。

史

規劃

1997年嘅《廣州市城市快速軌道交通線網規劃研究（最終報告）》嘅B方案出現咗環綫。嗰時係5號綫（唔係今日嘅5號綫）係1987年方案嘅2號綫一分為二之後嘅產物。大概跟住新港路、昌崗路、芳村大道、黃沙大道、環市路同而家天河區嘅中軸線度行，形成咗個閉合環。但最後揀咗冇環線嘅A方案而落選。

直到2008年，廣州市新一輪地鐵線網規劃方案又再次徵求意見而重新出現環綫。嗰時用咗8號綫海珠段嘅新港路同昌崗路嚟整條環綫，分別有細環同大環嘅方案。由於1997年嘅B方案，天河中軸線同環市路俾3號綫同5號綫霸咗，所以圍繞兩個方案將東北半環擴大到廣園路、天河北路、中山大道、天府路、員村二橫路走廊一帶，跟住過河入河南同琶洲站接埋一齊。而西半環喺兩個方案都唔一樣：

• 細環方案：經工業大道、康王路、荔灣路同站前路，到廣州火車站。
• 大環方案：用1997年方案嘅芳村大道、黃沙大道、環市西路走廊同廣州火車站接埋一齊，再轉入廣園路。

最後市政府決定用大環方案，令嗰時起好咗嘅8號綫琶洲到萬勝圍嗰橛要拆畀第啲路線。

到咗2010年份方案話唔拆8號綫，恢復返之前細環嘅「L」型放射走向，冚唪唥嘅路段都係新起嘅站，但南半環擴大咗，去到逸景路、新滘路嘅走廊，變成特大環線，重改名做11號綫。

雖然初期有徵詢過意見，話要喺32個站嘅基礎上加周門站、上涌公園站同黃埔涌站，但最後定咗加上涌公園站而取消咗瑞寶鄉站，另外嗰兩個站冇加到。

2014年，由於路線穿過白雲山同海珠濕地而引發環保問題，令嗰年份方案將大金鐘到雲臺花園嘅路線改喺廣園中路地底行，而雲臺花園站逼住喺雲臺花園南邊150m嘅廣園中、東路口度起。而石榴崗站唔喺濕地公園門口嘅人行道整地鐵口。

2015年7月初攞咗開工紙之後，由於嗰時重未定到項目資金同設計方案，加上路線遇到好多拆遷補償問題，工期一拖再拖，直到2016年中下旬先至有實際動作。

2015年12月，越秀區有關部門以拆遷困難同埋站距太短嘅理由建議取消田心村站，重俾發改委採納咗，2016年9月嘅綜合管廊項目打包招標入面亦冇寫到田心村個站。但係哩個時候國規委又受理咗田心村站嘅設計方案。後嚟經過向地鐵公司嘅求證，先至話市政府決定咗保留田心村站。

工程

2017年6月26號，石圍塘站準備開工。

2018年4月13號，彩虹橋站已經喺度開挖。

• 2015年1月底，綫路環評俾廣東省環保廳通過咗，其中提到唔可以喺白雲山範圍內設置工地。
• 2015年7月，工程可行性研究報告獲得咗批復。
• 2016年9月28號，11號綫正式動工。第一批動工嘅站點有鶴洞東站同沙涌站。
• 2016年11月17號，彩虹橋站動工。
• 2016年11月26號，雲臺花園站動工。
• 2016年12月27號，上涌公園站嘅工地開始圍蔽。
• 2017年1月6號，上涌公園站開始施工。
• 2017年2月28號，南石路站開始施工連續墻。
• 2017年3月1號，赤沙滘站開始圍蔽施工。
• 2017年3月15號，芳村大道東站開始圍蔽施工。
• 2017年3月21號，逸景路站動工，江泰路站開始圍蔽。
• 2017年3月26號，梓元崗站開始勘探。
• 2017年4月5號，石圍塘站開始圍蔽施工。
• 2017年4月29號，沙涌站開始圍蔽施工。
• 2017年7月19號，廣州火車站開始圍蔽搞綠化遷移工作。
• 2017年7月25號，芳村站開始圍蔽施工。
• 2017年8月9號，天河東站開始圍蔽施工。
• 2017年8月27號，華景路站開始圍蔽施工。
• 2017年9月11號，大塘站開始圍蔽施工。
• 2017年11月10號，江泰路站開始圍蔽施工。
• 2017年11月22號，大金鐘站搞掂第一棟連續墻嘅成槽作業。
• 2017年11月24號，天河公園站開始圍蔽施工。
• 2017年12月22號，田心村站開始圍蔽搞綠化遷移工作。
• 2017年12月25號，廣州火車站工地全面圍蔽。
• 2017年12月27號，田心村站工地全面圍蔽兼開始施工。
• 2018年1月4號，流花路站開始圍蔽施工。

綫路

11號綫圖示

走向

綫路由赤沙滘拐向北，穿過黃埔涌之後沿會展東路敷設，過珠江之後行員村二橫路同天府路，喺天河公園西北角轉向西，沿中山大道行到華師正門後向西北穿越華師校園，沿天科路、天河北路敷設，喺天壽路口轉向北行一段再轉向西下穿廣深鐵路，沿廣園快速路、禺東西路同沙河大街敷設，穿越廣州東鐵路貨場後行廣園中路，去到下塘西路跨綫橋轉向西南，下穿京廣鐵路同廣州火車站客運大樓後行流花路，喺流花湖公園東南邊轉向西，沿東風西路行到德坭立交再轉向西南，沿廣茂鐵路行到中山八後再下穿荔灣湖公園到如意坊，過江後轉向東南沿芳村大道敷設，喺廣船下邊轉向東過江，沿廣紙路、泉塘路敷設，下穿江南大道同東曉南路後行上逸景路，喺上沖偏向東南，行上新滘南路，最後返到起點赤沙滘。

車站

廣州地鐵11號線為環綫，由赤沙滘開始逆時針數，車站依次為赤沙、琶洲、員村、天河公園、華景路、華師、龍口西、廣州東站、沙河、雲台花園、大金鐘路、中醫藥大學、梓元崗、廣州火車站、流花、彩虹橋、中山八、如意坊、石圍塘、芳村、大沖口、沙涌、鶴洞東、棣園、燕崗、江泰路、五鳳、逸景路、上湧、大塘同龍潭。綫路全長約44.2km，設站31座。其中廣州東站同廣州火車站配合國鐵部分改造，依家都唔可以開通。

車輛段

本綫喺8號綫赤沙車輛段原址設置同名車輛段一座，接軌站係龍潭同埋赤沙。

聯絡綫

綫路喺車輛段入邊保留8號綫聯絡綫一條，喺天河公園設聯絡綫連接13號綫同21號綫，喺赤沙站設聯絡綫連接12號綫。

轉車車站

• 廣州東站：換乘1號綫、3號綫同18號綫。

車站位於規劃廣州東站北站房下方，同3號綫北站廳打通，同1、3號綫需要通道轉乘，同18號綫可以通過站台節點換乘。

• 華師站：換乘10號綫。

車站通過改造可以同10號綫實現L型台台節點換乘。

• 華景路站：換乘19號綫。

由於本站離19號綫車站較遠，預計係長通道換乘。

• 天河公園站：換乘13號綫同埋21號綫。

本站三條綫嘅部分同21號綫同時實施，本綫同21號綫係順向跨站台轉乘，包夾21號綫；同13號綫係V形節點換乘，節點喺車站南部。

• 員村站：換乘5號綫。

由於5號綫建設時未有預留，本站係站廳通道換乘。

• 琶洲站：換乘8號綫。

呢個站起8號綫嗰時未有預留換乘，通過改造可以實現通道換乘。

• 赤沙站：換乘12號綫。

本站係平行跨站台轉乘，兩綫車站部分同期實施。

• 龍潭站：換乘18號綫。

本站為T形節點換乘，18號綫建設時已經預留換乘節點。

• 大塘站：換乘3號綫。

本站為T形站廳換乘，11號綫站廳將同3號綫站廳打通。

• 五鳳站：換乘10號綫。

本站係T形節點換乘。

• 江泰路站：換乘2號綫。

2號綫起呢個站嗰陣冇預留，將通過改造實現T形節點換乘。

• 燕崗站：換乘廣佛綫。

本站係站廳通道換乘。

• 鶴洞東站：換乘佛山11號綫。

由於後者方案尚未穩定，本站換乘信息不詳。

• 沙涌站：換乘廣佛綫。

本站為L形節點換乘，廣佛綫建設時已經預留換乘節點。

• 芳村站：換乘1號綫、22號綫同28號綫。

由於1號綫起呢個站嗰陣冇預留，11號綫同1號綫只能係T形站廳換乘；11號綫同28號綫係十字節點換乘。

• 石圍塘站：換乘佛山8號綫。

本站情況不詳。

• 如意坊站：換乘6號綫。

本站為T形節點換乘，6號綫起嗰陣已經預留。

• 中山八站：換乘5號綫。

5號綫同11號綫車站平行，11號綫嘅轉換層將新增通道連接5號綫站台。

• 彩虹橋站：換乘8號綫同13號綫。

本站11號綫同13號綫係平行跨站台轉乘，同8號綫係T形節點換乘。

• 廣州火車站：換乘2號綫、14號綫同5號綫。

車站喺廣州火車站東廣場下邊，2號綫起嗰陣冇預留，要喺站廳度轉車；本綫通過新增通道實現同5號綫嘅台台節點換乘；14號綫喺北廣場，換乘方式未知。

• 中医药大学站：換乘12號綫。

呢個站係平行疊摞換乘車站，11號綫喺負三樓，12號綫喺負四樓。

• 沙河站：換乘6號綫。

本站6號綫站台將有通道連接11號綫轉換層。

各站首班、末班車時間表

下表僅供參考。如有時間變化，請以地鐵站內嘅公告為準：

冧巴	站名	外環頭班車	內環頭班車	外環尾班車	內環尾班車	外環尾班車去龍潭站	內環尾班車去赤沙站	轉車路線
↑接龍潭站成環運行
1101	赤沙站	6:00	6:14	21:44	22:56	23:00	-	12
1102	琶洲站	6:02	6:11	21:47	22:53	23:02	0:08	8
1103	員村站	6:04	6:08	21:49	22:50	23:04	0:05	5
1104	天河公園站	6:07	6:06	21:52	22:48	23:07	0:03	13 21
1105	華景路站	6:09	6:03	21:54	22:45	23:09	0:00	-
1106	華師站	6:12	6:01	21:57	22:42	23:12	23:58	3
1107	龍口西站	6:14	6:00	21:59	22:41	23:14	23:56	-
1108	廣州東站	6:17	6:15	22:02	22:38	23:17	23:53	1 3
1109	沙河站	6:19	6:13	22:04	22:35	23:19	23:50	6
1110	雲臺花園站	6:00	6:10	22:07	22:32	23:22	23:47	-
1111	大金鐘路站	6:02	6:07	22:10	22:29	23:25	23:44	-
1112	中醫藥大學站	6:04	6:05	22:13	22:27	23:28	23:42	-
1113	梓元崗站	6:06	6:03	22:14	22:25	23:29	23:40	-
1115	流花站	6:10	6:00	22:18	22:21	23:33	23:36	-
1116	彩虹橋站	6:13	6:18	22:21	22:18	23:36	23:33	8
1117	中山八站	6:15	6:16	22:24	22:16	23:39	23:31	5
1118	如意坊站	6:18	6:13	22:26	22:13	23:41	23:28	6
1119	石圍塘站	6:00	6:10	22:30	22:10	23:45	23:25	-
1120	芳村站	6:01	6:08	22:32	22:08	23:47	23:23	1 22
1121	大沖口站	6:03	6:06	22:34	22:06	23:49	23:21	-
1122	沙涌站	6:05	6:04	22:36	22:04	23:51	23:19	GF
1123	鶴洞東站	6:07	6:02	22:38	22:02	23:53	23:17	-
1124	棣園站	6:10	6:00	22:41	21:59	23:56	23:14	-
1125	燕崗站	6:12	6:12	22:43	21:57	23:58	23:12	GF
1126	江泰路站	6:00	6:10	22:45	21:55	0:00	23:10	2
1127	五鳳站	6:02	6:07	22:47	21:52	0:02	23:07	10
1128	逸景路站	6:03	6:05	22:49	21:50	0:04	23:05	-
1129	上涌站	6:05	6:04	22:51	21:49	0:06	23:04	-
1130	大塘站	6:07	6:01	22:53	21:46	0:08	23:01	3
1131	龍潭站	6:10	6:00	22:56	21:44	-	23:00	18
↓接赤沙站成環運行