廣州市第二巴士
提示：呢篇文講嘅唔係廣州市二汽巴士。 | |
| 類型 | 巴士公司 |
|---|---|
| 前身 | 廣州冠忠巴士 |
| 開檔 | 1994年10月23號 |
| 總部地址 |  中國廣東省廣州市白雲區增槎路90號 |
| 產業 | 公共汽車 |
| 產品 | 公共運輸營運同管理 |
史[編輯]
廣州冠忠時期[編輯]
1994年10月23號，廣州二汽同香港冠忠遊覽車有限公司合作，喺廣州地區成立咗間巴士公司，初期嗌廣州冠忠巴士。初期車身上面用咗繁體嘅「廣州冠忠」四個字，車站報站語言順序都冇固定[註 1]，正因為噉而俾廣州市交委批評過好多次。直到2005年，巴士廣播先至改成好似廣州大多數地區啲巴士噉先普後粵，而車頭啲字都改做簡體嘅「广州冠忠」，隨後又變成「冠忠」兩字。
第二巴士時期[編輯]
2007年，廣州政府為解決公交企業嘅惡性競爭同巴士公司數量越嚟越多嘅問題而整合巴士資源[1]。冠忠遊覽車有限公司喺同年9月20號同廣州市第二公共汽車公司同廣州市榮泰出租汽車有限公司簽咗份合資企業合同，將廣州冠忠巴士轉型兼改名做廣州市第二巴士[2]，隨後同二汽巴士、新世界、新福利、恆通、興華巴士合併成而家嘅第二巴士公司[3]。雖然收購之後，站牌重用各間公司嘅名[4]，而汽車換成第二巴士裝飾係從2007年11月13號開始刮起浪潮[5]。直到2009年先至全面整成而家嘅第二巴士公司。從2008年開始，由於佢喺中國大陸好多個主要城市經營嘅巴士數量出現萎縮，相反連佢嘅附屬集團——興華巴士同興華國際出現重組跡象[6]，站牌上面原有「冠忠」兩字到2010年全面變成「第二巴士」四字。
2015年3月20號，巴士公司正式宣佈出售40%股權畀珍寶[7]。但同年6月29號撻Q兼退返2000萬蚊押金兼賠違約金[8][9]。
2016年2月，巴士改用廣州二汽嘅商標。
用過嘅撈稿[編輯]
-
1994～2016 -
2016～而家
註同攷[編輯]
- 註
- ↑ 嗰時巴士報站順序冇固定，部分巴士似廣州大多數地區啲巴士噉先普後粵，亦有一部分巴士好似而家番廣巴士噉先粵後普。
- 攷
- ↑ 〈广州二汽并购公交民企事件观察〉. 中國客車網. 2009-09-18. 喺2015-06-26搵到.
- ↑ 《須予披露交易出售廣州冠忠50%合作企業權益及收購廣州二巴40%合資企業權益》 (PDF), 冠忠巴士集團有限公司, 2007-10-23
- ↑ 广州二汽半年揽下三民营公交(组图) 互聯網檔案館嘅歸檔，歸檔日期2018年3月25號，. 網易（转羊城晚报） 【2009-09-10】
- ↑ 〈廣州二汽連購三公交民企 線路站點票價均不變〉. 《南方都市報》. 2009-09-11. 原著喺2014-01-08歸檔. 喺2014-01-08搵到.
- ↑ 巴士换装 市民不识(组图) 網易 （2007-11-14）
- ↑ 〈冠忠巴士集團有限公司嘅官方PDF〉 (PDF). 原著 (PDF)喺2018年7月12號歸檔. 喺2017年1月7號搵到.
- ↑ 冠忠巴士擬以1.7 億元人民幣出售廣州第二巴士股權 香港電台 （2015-03-20）
- ↑ 〈冠忠巴士广州第二巴士40%股权转售予另一买家〉. 《中金在线》. 2015-07-02. 原著喺2016-03-06歸檔. 喺2016-03-05搵到.
- ↑ 〈(1) 終止須予披露交易及 (2) 須予披露交易 – 出售廣州第二巴士40%股權〉 (PDF). 喺2016-03-05搵到.