廣州市第52中學

廣州市第52中學 Guangzhou No. 52 Middle School
位置
怡樂路52號 （而家係綠翠現代實驗學校西校區）
明細
成立	1965年8月
停辦	2013年4月
校區	海珠區
級別	初中全日制

學校合併前嘅正門

廣州市第52中學係中國廣東廣州冇咗嘅完全中學，喺海珠區怡樂路52號。學校1965年8月成立，2013年4月同廣州市綠翠中學合併後消失咗，今日係綠翠現代實驗學校嘅西校區。

史

廣州52中停辦前，用過嘅夏裝校服品種。

學校喺1965年8月成立，初期喺新港西路120號（而家6中嘅所在地）啲校舍辦學。初期計劃搞廣州市第六技工學校，但嗰年因為太多中學生入學，加上廣州市區間間中學啲學生多到井噴而改成普通中學。雖然籌劃期間打算用「新港中學」嘅名，但最後流產咗，原校址變成嗰時啱成立無耐嘅新港路小學。

1969年2月俾海珠區革委會（今日嘅海珠區委會）政工組批准而成立黨支部，同年8月開辦完全中學，黨支部直到1978年6月撤銷。1980年8月，學校畀咗廣州市教育局睇實，直到1999年8月畀返海珠區教育局。

2001年秋，由於海珠區調整同整合教育資源，學校降級成初中三年辦嘅中學。2005年升級成廣州市一級學校。

2013年4月8號，海珠區教育部門為咗整合當地嘅教育資源同擴大優質教育資源嘅輻射範圍，將呢間學校同綠翠中學合併成綠翠現代實驗學校。

連出去

• 广州市五十二中 中国教育信息查询