廣州市紅十字會醫院
史[編輯]
醫院正式成立[編輯]
喺1904年，日俄戰爭爆發，戰火燒到中國嘅東北，危害平民百姓。喺廣州，有位嗌馬達臣嘅醫生同朱啟良等人因受西方新思想影響，後嚟諗住救死扶傷嘅人道主義精神先至傾過嚟起間中國紅十字會嚟搞救護隊，去東北三省嗰頭搞救援。由於嗰時中國未加入萬國締盟組織[1]，加上嗰時日俄兩國都承認佢哋喺度打緊仗先至冇搞到。但係佢哋重喺廣州嗰邊用「紅十字會」嘅名嚟搞咗間醫療救援工作機構。
成立初期[編輯]
到咗1905年，紅會嘅發起人——馬達臣等人正式成立咗間「粵東赤十字社」（後嚟改咗名做「粵東紅十字會」）嚟去咗清朝嘅兩廣總督府搞備案工作，點知佢哋就即刻批准咗註冊。嗰年粵東紅十字會重搬咗去河南嗰頭，結果改咗名做「紅十字會番禺分會」[2]。而會址就喺而家龍溪首約嗰度搞咗間，甚至喺會址整咗間嗌「南福醫院」嘅救治機構[3]。雖然話南福醫院距離珠江比較近，加上嗰時冇乜大橋響度，佢哋過河都係靠坐船嘅，所以附近同隔離四個鄉入面有好多人嚟嗰度睇病。但係由於病患者坐船唔單止慢，相反重唔方便，而且有啲重病患者同行路唔方便嘅病人話要搞住院都有。醫院雖後嚟搞咗簡易病床，但由於越嚟越多病人話要住院嘅，搞到醫院地方細到唔夠用。後嚟醫院搬到西關地區嘅多寶大街入面而加開咗間醫院。
1911年辛亥革命成功之後，廣州就做咗革命軍嘅大本營，嗰時為咗適應戰時救傷，由革命政府摱畀產業，就喺廣州南關嘅增沙地區加咗棟大屋（周東生大屋）嚟搞咗間嗌「增沙總醫院」嘅救傷醫院，重畀咗紅十字會分會嚟睇住，而分會重幫嗮冚唪唥嘅傷患者搞免費收嚟醫都有。而萬國締盟紅十字會[1]派咗好多位喺意大利嚟嘅醫師到呢度搞救死扶傷工作。由於嗰時太多傷患者，加上增沙總醫院唔可以繼續收容，結果紅十字會將西關多寶大街嘅南福醫院變成紅會嘅西分院；將東較場嗰邊嘅鐘氏家祠嗰度起咗間東分院。而總院同西、東分院都俾紅十字會嚟睇實。而醫院凈係畀細病房仔入面嘅傷患者除咗收伙食費之外，其它乜都免費；而住喺大病房入面冚唪唥嘅傷患者免費，直到好返嗮為止。
變賣醫院[編輯]
喺1915年，嗰時陳炯明做緊粵政嗰時為咗搞多啲軍事嘅費用先至賣咗間增沙總醫院。嗰時紅十字會已經重新改組成中國紅十字會廣州分會。而陳炯明重去咗醫院嗰邊向嗰時紅十字會廣州分會嘅會長——熊長卿，夾硬話攞產業執照出嚟重撕爛埋，又派咗啲憲兵嚟醫院快啲趕佢哋走，雖然話紅十字分會有好多道理同佢哋講，但佢哋啋杘都傻。過咗半年之後就嗌嗮啲傷患者出院而結束醫院嘅業務。
醫院重開[編輯]
喺1916年，廣州紅十字分會就喺河南搞咗間民房嚟做臨時會址。由於佢哋租嘅係民房，唔啱用嚟做醫院，搞到冇埞畀人住院都有。嗰時有位嗌陳俠卿嘅人諗住搞間公司重向薛明谷紳士向海幢寺啲僧眾買咗廿幾畝嘅烏龍崗荒地返嚟搞醫院，將一半放喺同福上街，另一半就由於地方軍警成日喺嗰度屌啲犯人到死為止都有，搞到事後就草葬喺呢度，所以重係荒地一片。而陳俠卿買咗呢嚿地之後甚至備埋案，向當地啲員警話唔畀喺呢度搞亂葬崗。陳原諗住攞返呢嚿地畀自己用，點知俾紅十字分會話急住用辦公會址，結果就將佢呢一半地畀咗紅十字分會[4]，重主動請各界熱心人士嚟負責捐錢，結果搞到衛百揆等先生都讚成咗。最後就喺同福西街嘅角落頭度起咗間兩層樓嘅樓房嚟搞分會嘅會址。嗰年分會重畀陸如磋做咗會長帶頭向四面八方嚟捐錢起附屬醫院，搞到好多人同埋東南亞各地嘅華僑都話讚成。結果佢哋喺烏龍崗前嘅普同塔[5]隔籬起咗間三座平房先至改名做廣東河南紅十字分會嘅附屬醫院。
到咗1917年，分會又攞到優界（粵劇）嘅義演收入，留嚟起間醫院用。嗰時醫院就每年都喺度整大，甚至改名做第一留醫院、第二留醫院，星洲堂第一、第二課室同宿舍等。而整大咗之後嘅醫院甚至重掛咗「中國紅十字會總會廣東河南分會附屬醫院」嘅牌嚟恢復返門診同住院嘅嘢。
福民醫院時期[編輯]
喺1923年，醫院改名做「福民醫院」，嗰時由紅十字會番禺分會嚟睺實[6]而會址就喺廣州河南嘅同福大街嗰度搞。呢間分會重整咗5個機構：除咗總院喺嗰時同福大街之外，凈低嘅分院都喺清平街嗰度開咗間分院，甚至重喺總院入面搞咗間產科學校，救護傳習所同埋完全醫藥專門學校。不過佢哋唔係話咁易搞到嘅。因為分會嘅會址同醫院嘅產業成日都俾人搞搞震。
俾人搞搞震[編輯]
到咗1924年，廣州市政府就搞清查官屋運動，而市財政局就將分會醫院後面嚿地皮搞咗拍賣，後嚟經過番禺紅十字分會通過電報，話快啲將中國紅十字總會話畀大元帥府話一定要留返呢個機構，結果畀大元帥府批准咗。而嗰時醫院院長——陸如磋等同仁就話政府口頭嘅嘢係扮嘢做騷嘅，結果重去埋廣東省官產清理處嚟還清嗮啲錢先至攞到營業執照。嗰時分會總院冚唪唥嘅地都有嗮三重營業嘅證件喇。到咗1927年，河南員警分局局長麥某就攞著舊古松園契據嚟醫院度夾硬話一定要起樓先至得，不過分會啲人出咗產業執照話唔畀，甚至重將佢啲磚沙木料丼嗮去圍牆出面，搞到嚟霸地嘅人先至井水不犯河水。到咗1928～1929年間，醫院東邊圍牆俾禮拜堂嘅美國文牧師拆咗嚟重新起圍牆霸10幾丈嘅醫院地。而分會負責人就搵佢哋解釋，點知佢哋話呢嚿地係去政府嘅財政所買返嚟先至冇得復原，直到分會嗌咗中國紅十字會總會向美國公使傾過偈，而文牧師收到料之後先至拆咗新牆嚟按舊址起返，重向財政所攞返啲錢先至得。
搞咗間醫療學校[編輯]
到咗1930年之後，醫院又劃咗畀紅十字會廣州分會嚟睇住。根據紅十字會章程規定，附屬醫院要培訓醫療同藥劑人才。後嚟經過籌備，重喺醫院搞咗間醫藥專門學校，而校址就起喺附屬醫院入面。雖然話呢間校先後搞咗四屆畢業生而攞嗮合格醫師學歷。但係廣東省教育廳就話學校唔符合學制嘅理由先至撤銷咗呢間嘢。醫院甚至喺1936年搞咗間救護傳習所而培訓出一批合格嘅助產士。
抗日戰爭時期[編輯]
1937年7月7號蘆溝橋事變爆發。嗰年秋天開始，廣州市區成日俾蘿蔔頭搞搞震，搞到醫院成日都爆滿。嗰年年底俾國際紅十字會同愛國華僑嚟一齊出錢先至畀醫院猛咁加咗住院嘅嘢同醫療管理嚟適應收留俾炸彈炸傷咗嘅市民同埋從中國華北、東北、西北同華中地區過嚟呢度避難嘅傷病人士。嗰時醫院重承擔咗第一救護大隊嘅任務。不過喺1938年10月，由於日軍殺到廣州，民國廣東省市政府各部門同機關團體都去嗮粵北嗰邊。而紅十字會廣州分會甚至重搬到韶關嗰邊。而附屬醫院重有成70幾位冇得返屋企嘅傷病員要繼續醫，搞到紅十字會廣州分會組織咗幾批領導留返喺度同蘿蔔頭合作先至可以保返間醫院響度。
喺廣州淪陷咗七年期間，人民成日俾蘿蔔頭嗑，搞到生活艱難同營養不良，市區入面超多垃圾，搞到好多瘟疫出嚟而急住要醫藥救濟品。而最初廣州市緊急救濟委員會就將醫藥救濟任務畀咗廣州市紅十字會嚟辦，而附屬醫院就負責部分門診嘅贈醫同免費留醫佬醫療任務都有。
日本投降之後，新中國成立前[編輯]
中國紅十字會廣州分會喺抗日戰爭勝利之後先至返到廣州。喺1945年9月14號，附屬醫院就喺杉木欄搞咗間診療所，甚至嗰年又喺惠愛中路（而家係中山五路）同東華西路搞咗間診療所嚟免費醫病。醫院甚至重用咗杉木欄診所冇用到嘅地嚟搞紅十字分會難民招待所嚟畀背井離鄉嘅難民去暫住。但係由於唔夠經費先至恢復返部分收費。後嚟逐漸變成自費診所，由廣州市紅十字會分會嚟負責畀佢名嚟負責監督管理，凈喺畀收醫藥費嚟維持診所開支。
而杉木欄診所喺1948年搬到華貴路嗰邊，1949年重喺十六甫西街開咗間留產所；而惠愛中路診所喺1947年因所址俾人收走而迫住停辦；東華西路診所後嚟搬到仁濟路嘅仁濟橫巷嗰邊。除咗噉，1946年10月重喺沙面嘅西橋口（黃沙碼頭附近）搞咗間診療所；甚至喺1948年喺多寶街（而家係多寶路）同寶源路嗰度開咗間診療所同留產所；1949年甚至喺萬福路開咗間診療所。
喺廣州解放之前，由於國民黨軍隊撤退嗰時炸咗海珠橋而出現超多死傷，大量受傷嘅市民去咗紅會醫院嗰度搶救。另外，黃沙火車站（而家已經拆咗，嗰度係個水產市場。）都俾國民黨軍炸咗，好多附近居民同珠江漁民出現死傷。而市紅十字分會都組織咗救護隊嚟呢度救人。甚至連1949年10月14號嘅中國人民解放軍入咗廣州都話有啲傷病員嚟呢度醫。
中華人民共和國成立咗之後[編輯]
喺中華人民共和國成立咗之後嘅2年（1951年），嗰時廣州市人民政府派軍代表同政府代表嚟咗醫院，重考慮到各位意見同情況之後，將嗰時醫院改名做而家嘅「廣州市紅十字會醫院」，而業務畀咗廣州市衛生局嚟睺實。喺1953年4月，廣州市政府決定將醫院全面畀嗮廣州市衛生局嚟睇實。嗰時廣州市紅十字會醫院變成珠江南邊唯一一間綜合性醫院。而醫院除咗繼續搞門診同住院嘅嘢植物重搞咗出面嘅社區衛生服務。從1960年代開始，甚至重搞咗出國醫療嘅任務。甚至喺1965年開始，每年派農村醫療隊到廣東省同廣州市農村搞醫防工作。另外，醫院重承擔咗地段疫情報告同家庭病床等任務。
1966年文化大革命爆發，醫院各部門都癱瘓嗮，醫院嘅管理同技術都受到好大嘅衝擊而搞到醫療護理品質出現明顯嘅下降。喺1968年3月，醫院成立咗革委會。而1969年2月，由於文革嘅破四舊風氣重未結束，醫院改名做「廣州市第五人民醫院」。而醫院嘅管理同技術直到1972年先至恢復同完善返。
到咗1978年嘅中國共產黨第十一屆三中全會先至將文革亂嗮籠嘅嘢撥亂反正。嗰年11月，醫院先至恢復返而家嘅「廣州市紅十字會醫院」嘅名，重重新修訂同完善咗各職能科室嘅工作範圍同各專業科室嘅工作制度。喺1980年代期間，醫院甚至開設咗唔少嘅醫療科制度。到咗1990年，九層樓高，建築面積去到9746㎡嘅住院大樓先至搞咗出嚟。甚至喺1992年俾衛生部批准咗，變成中國內地16個臨床藥學試點嘅其中一間單位，甚至喺1994年4月29號掛咗三甲醫院嘅牌，1995年重成立埋臨床藥學研究室。而醫院嘅信息網絡系統建設喺1996年先至開始搞嘅嘢。到咗2000年又開咗間佔地1698㎡，建築17851㎡嘅新門診大樓出嚟。
而家呢間醫院係有醫、教、研、預防、保健、康復喺埋一齊嘅綜合性三甲醫院。
院址[編輯]
註[編輯]
- ↑ 1.0 1.1 呢啲機構喺而家嚟講，就係國際紅十字會。
- ↑ 喺1905年嗰時，河南嗰度俾番禺縣喺度睺實咗。
- ↑ 由於嗰時醫院喺廣州嘅河南，所以「南福醫院」嘅名可以畀到河南啲人幸福噉解。
- ↑ 據1989年嘅《廣州市紅十字會醫院院志》第3頁同第15頁話：陸如磋喺1916年做咗會長之後將自己喺同福上街嘅地產捐畀紅十字會做分會會址。重訪問過兩人都喺呢度捐過地，但具體位置等已經冇得繼續研究。
- ↑ 烏龍崗前面有嚿嗌「獅子崗」嘅山仔，加上海幢寺甚至喺崗前起咗座塔用嚟畀寺入面死咗啲僧人放骨灰，所以叫「普同塔」。而家喺紅會嘅便民藥房。
- ↑ 根據中國紅十字會番禺分會章程話喺1923～1929年期間，紅十字會番禺分會係經過中國紅十字總會批準咗而成立。