廣州市城市規劃委員會

 廣州市城市規劃委員會（粵拼：gwong2 zau1 si5 sing4 si5 kwai1 waak6 wai2 jyun4 wui6） ，又叫做廣州市規劃委員會，簡稱市規委會，係市政府處理廣州城鄉規劃（重要）決策嘅議事機構，喺2006年11月中成立。而一般規劃事務由市規劃局（國土規劃委）負責。

架構

委員會

第一屆（2006～2012）下設發展策略委員會同建築與環境藝術委員會兩個專業委員會。

第二届（2012～2017）下設主任委員會、城市交通及市政設施委員會、建築環境與文化藝術委員會同專家顧問小組。

第三届（2017～ ）下設主任委員會、規劃委員會、城市交通及市政設施專業委員會、地區規劃及城市設計專業委員會、城市更新專業委員會。

成員

根據委員會規定文件，由政府委員、專家同公眾代表委員兩部分構成，非政府部門成員係經遴選後由市政府出聘任書，屬政府嘅成員啲變動就跟著人事變動一齊變。委員會同下設各委員會主席即主任，由嗰屆市政府嘅正副首長兼埋。

主要職能

• 審議城市發展戰略規劃、市域城鎮體系規劃、城市總體規劃或分區規劃、專項規劃；
• 審議控制性詳細規劃草案、控制性詳細規劃嘅調整方案，核定重未編制控制性詳細規劃嘅地塊嘅規劃設計條件；
• 審議城市重大建設專案嘅選址意見；
• 審議城市設計同建築設計方面嘅地方性技術規則、規定等。

特點

規劃委員嘅推選係由政府組織搞掂埋嘅，委員會會議就喺市政府禮堂入邊開，通過官方微博等等實時發布會議啲決策。而規委會實際運作係冇乜制約嘅，存在濫權風險。

出面網頁

• 廣州市城市規劃委員會
• 广州市城市规划委员会组成及议事制度