廣州珠江公園

廣州珠江公園（粵拼：gwong2 zau1 zyu1 gong1 gung1 jyun4*2）係中國廣東省廣州市嘅一間公園，喺天河區珠江新城嘅獵德入面，南邊靠住花城大道；北邊靠住金穗路；西邊靠住獵德大道；東邊靠住馬場路。呢間公園喺2005年起好，係廣州市喺十一五規劃嘅三大重點公園工程建設入面嘅一間公園。

敘述[編輯]

呢間公園嘅佔地面積係28公頃，入面主要係綠化景區，環境同格調方面都幾靚下。佢將豐富嘅植物群落同山體、溪澗、瀑布、湖泊、建築等5個景區嘅結合，突出咗東南亞同南亞嘅熱帶風情特色，入面各個區嘅植物按科屬分類配置。

呢間公園按植物生態同形態嘅特點，分成風景林區、陰生植物區、桂花園、木蘭園、棕櫚園、百花園、湖濱區、園博區等8個景區。