中國鐵路廣州局集團

出自維基百科,自由嘅百科全書
(由廣州鐵路局跳轉過來)
Jump to navigation Jump to search
中國鐵路廣州局集團有限公司
中華人民共和國鐵路路徽
類型 國有企業
前身
  • 衡陽鐵路局(1949年-1952年)
  • 廣州鐵路局(1953年-1993年)
  • 廣州鐵路(集團)公司(1993年-2017年)
成立 2017年
總部地址 Flag of the People's Republic of China.svg 中國廣東省廣州市越秀區中山一路151號
業務地區 Flag of the People's Republic of China.svg 中國廣東海南湖南
 香港[註 1]
緊要人物 董事長:武勇
總經理:韋皓
產業 鐵路運輸
服務 鐵路運輸管理同維護
總資產 2846億元人民幣(2011年底)
員工數 14.7萬人(2011年底)
母公司 中國鐵路總公司
子公司
網址 www.gzrailway.com.cn

中國鐵路廣州局集團有限公司(簡稱「廣鐵集團」)[1],係中國鐵路總公司屬下公司,主要負責經營廣東湖南海南大部分鐵路業務,總部喺廣州。1993年試過改成公司制,當時叫做「廣州鐵路(集團)公司」。

[編輯]

廣鐵總部大樓

廣鐵集團嘅歷史可以追溯到1936年成立嘅衡陽鐵路局。1958年衡陽鐵路局機關南遷廣州,成為廣州鐵路局,亦就係而今廣鐵集團嘅前身。

1953年1月1號成立廣州鐵路管理局,下邊包括廣州、衡陽株洲南昌4個運輸分局,管轄粵漢鐵路蒲圻站(唔含本身)南邊、湘桂鐵路冷水灘站(包含本身)東邊、廣三鐵路廣九鐵路同新劃俾廣州鐵路管理局嘅浙贛鐵路鷹潭站(唔含本身)以西、南潯鐵路

1958年1月1號,南昌分局歸落新成立嘅南昌鐵路管理局,撤銷鐵路分局建制。1958年8月,廣州鐵路管理局改名做廣州鐵路局,實行運輸同工程建設合一嘅制度。1958年11月1號,長沙鐵路局成立。廣州局淨係管轄廣東省範圍嘅鐵路。

1959年1月1號,廣州鐵路局喺海南東方縣八所鎮成立海南鐵路辦事處,接管海南島八所鐵路。1961年8月1號,長沙鐵路局撤銷,京廣線衡陽站同埋衡陽站一路往北歸屬武漢鐵路局,衡陽站以南屬廣州鐵路局。1963年4月1號,武漢鐵路局撤銷,京廣線蒲圻站之外一路往南都歸落廣州鐵路局,又恢復咗鐵路分局建制。廣州鐵路局下轄廣州、衡陽、長沙3個鐵路分局以及海南鐵路辦事處。

1983年12月15號,廣州鐵路局廣深鐵路公司成立。1986年12月衡陽分局合併入長沙分局。1987年5月28號,廣東省三茂鐵路公司成立,由廣州局代管。不過,喺廣東雷州半島嘅黎湛線(黎塘湛江)以及茂名支線屬於南寧鐵路局管理。

廣深鐵路公司上咗市(香港交易所0525NYSEGSH上交所601333)。

1992年,廣州鐵路(集團)公司做咗工商登記。1993年2月8號,廣州鐵路(集團)公司成立,變成以商業模式運作嘅國有獨資鐵路企業,試驗中國鐵路市場化

去到2010年代初,廣鐵總營業里程達到6519公里,其中高速鐵路城際鐵路有1449公里。每日平均開出動車組同客運列車420.5對,高峰期最多一日開出534對。總共有133個經營客運嘅車站。平均每日運送62萬旅客,最多一日運送116.7萬人。到2011年底為止,公司總資產2846億人民幣,職工總數17.4萬人。

2017年11月7號,國家工商行政管理總局批准廣州鐵路(集團)公司改名,改成中國鐵路廣州局集團有限公司[2]

2017年11月13號,喺中國國家企業信用信息公示系統入邊,中國鐵路廣州局集團有限公司搞掂咗工商登記變更。工商登記變更之後,中國鐵路廣州局集團有限公司仲係中國鐵路總公司100%控股嘅公司,不過,公司由原先嘅全民所有制企業變成有限責任公司(非自然人投資或控股嘅法人獨資)企業,註冊資本由原先嘅1608.45315億元變成2492.5403億元人民幣,業務範圍擴大,增加鐵路客貨運輸同有關嘅服務、國內貨運代理、房地產開發等等。[3]

2017年11月19號,中國鐵路廣州局集團有限公司正式掛牌。[4][5]

附屬公司[編輯]

廣鐵集團設置4個派出機構,33個直屬單位,10個工程建設指揮部,仲擁有8間合資公司,另外仲籌劃緊10間合資公司。下轄52個運輸站段,5個運輸輔助單位,另外仲有實業、旅遊、廣告、房地產、外經外貿、經濟技術開發等36間唔係做運輸業務嘅子企業。

控股公司[編輯]

  • 廣深鐵路股份有限公司
  • 石長鐵路有限責任公司
  • 粵海鐵路有限責任公司
  • 深圳平南鐵路有限公司(深圳市地鐵集團佔75%,廣鐵佔25%,而今做緊改拆工程)
  • 廣東廣珠城際軌道交通有限責任公司
  • 海南東環鐵路有限公司

運輸站段[編輯]

廣鐵直屬[編輯]

動車段[編輯]

動車段負責檢修動車組,主要作為客運專線嘅動車檢修基地,廣州係目前全國規劃四個動車段嘅所在地之一。

  • 廣州動車段(廣州南)
  • 廣州東動車所(石牌)
  • 深圳北動車運用所(深圳北)
  • 長沙動車所(長沙南)
  • 三亞動車所(三亞)

機務段[編輯]

機務段負責火車頭唐文鐵路機車)嘅運用、檢修同維護工作,當中分為乘務部門同檢修部門,乘務部門係司機負責執行駕駛工作,檢修部門負責日常嘅機車保養。

廣深鐵路公司[編輯]

客運段[編輯]

[編輯]

  1. 僅限營運廣九直通車嘅廣九客運段

參考[編輯]

出面網頁[編輯]