廣東省皮膚病醫院
廣東省皮膚病醫院（粵拼：gwong2 dung1 saang2 pei4 fu1 beng6 ji1 jyun2），之前嗌過廣東省皮膚病防治院（gwong2 dung1 saang2 pei4 fu1 beng6 fong4 zi6 jyun2）；佢係中國廣東省廣州市嘅一間醫院，喺越秀區麓景路同恆安路交界嘅東北邊角落頭嗰度。呢間醫院喺1964年成立[1]，佢重係廣東省唯一一間專門醫皮膚病、性病同愛滋病嘅省級醫療單位。佢重係成個廣東性病規範化實驗室質控中心同《皮膚病性診療學雜誌》嘅主辦單位，又係廣東醫學院研究生出嚟實習嘅地區。
史[編輯]
呢間醫院喺1964年成立，最早嗰時叫「廣東省平洲醫院」，而位置就喺廣東佛山南海平洲一帶[2]。直到1972年改名做「廣東省皮膚病防治院」係因為嗰時冇乜出皮膚病，加上冇乜人點關注皮膚病。到咗1978年12月，間醫院唔單止改名做「廣東省皮膚病防治研究所」，甚至連間嘢都搬到而家廣州市越秀區嘅惠福西路（大概廣東省人民醫院惠福門診部附近）；但時隔一年又搬到先烈東橫路嘅一間樓仔嗰度。
到咗1980年代，由於性病死灰復燃，啲人已經重新關注性病嘅問題。呢間醫院唔單止喺1986年加咗廣東省性病防治中心嘅牌，甚至喺2001年合併嗌成「廣東省皮膚性病防治中心」。到咗2011年9月，醫院為咗適應新嘅發展趨勢先至改名做「廣東省皮膚病醫院」，甚至喺2012年3月搬到而家嘅麓景路同恆安路交界嗰頭。
註[編輯]
- ↑ 官方講法係1972年，其實呢間醫院正式改名做「廣東省皮膚病防治院」係1972年嘅事。
- ↑ 省皮肤病医院：争做全国最好的专科医院 鳳凰资讯【轉羊城晚报】 （2014-05-23）
出面網頁[編輯]
- 广东省皮肤病医院官网
- 省皮肤病医院40年皮防所蝶变三级专科大医院 羊城晚报 （2013年05月24号 B5版）