廣發銀行
廣發銀行（粵拼：gwong2 faat3 ngan4 hong4；簡化字：广发银行；英文：China Guangfa Bank）；簡稱CGB；中國內地網友成日話佢係「廢行」[1][2][3][4][5]；佢既係中國內地嘅一間第一批組建嘅股份制商業銀行，又係成個中國內地有比較勁嘅競爭優勢同影響力嘅全國性商業銀行，喺1988年成立。喺2013年嘅英國《銀行家》雜誌入面講嘅全球1,000間大銀行入面（按一級資本）排第118位[6]。喺2011年4月8號之前，佢嗌過廣東發展銀行（gwong2 dung1 faat3 zin2 ngan4 hong4）嘅名。而呢間銀行總部喺中國廣東省廣州市越秀區嘅東風東路713號（農林下路口嗰頭，廣東省教育廳正對面）。
呢間銀行到2013年尾為止，喺北京、天津、遼寧、黑龍江、上海、江蘇、浙江、福建、山東、河南、湖北、湖南、廣東、四川、雲南、新疆等中國內地16個省（包括埋直轄市同自治區）71個地級或以上嘅城市同澳門特別行政區整咗34間分行同661間營業機構、114間細嘅企業金融中心同13家智慧銀行響度，佢重喺全球128個國家同地區嘅1,687家銀行總部同佢嘅分支機構搞咗代理行嘅關係，佢重係第一間同中國銀聯開咗多渠道、多應用嘅電子支付戰略合作嘅金融機構。