形式化方法（formal methods）係理論電腦科學嘅一門，泛指一啲用嚟描述、開發同驗證軟件同硬件系統嘅數學方法。呢啲方法會用數學模型描述軟件同硬件系統，幫分析者手分析個系統，例：個電腦系統嘅運算速度有條公式表示個速度受邊啲因素影響，分析者如果知道嗰啲因素嘅數值，佢就可以用條公式計出個電腦系統嘅運算速度，等佢知道個系統應該要點樣設計（嗰啲因素要喺乜嘢數值）；喺呢點上，電腦科學同第啲工程學領域一樣－用數學模型模擬一個系統，並且靠呢啲模型對系統嘅設計作出思考，最後設計出更加能夠幫手達到目的嘅系統。形式化方法好多時會用到運算理論、訊息論同程式語言理論上嘅知識，而且可以話係軟件工程嘅理論基礎。
