彭佳慧

出自維基百科,自由嘅百科全書
Jump to navigation Jump to search
彭佳慧
女歌手
英文名 Julia Peng
花名 鐵肺歌后
國籍  中華民國
籍貫 台灣屏東縣
出世 (1972-04-20) 1972年4月20號(46歲)
台灣屏東縣麟洛鄉
職業 歌手
語言 客語台語國語英語
教育程度 國立潮州高級中學畢業
配偶 王丕仁2006年結婚)
仔女 王子仲(Brandon)
(2007-11-03) 2007年11月3號(10歲)
Berverly
(2011-11-28) 2011年11月28號(6歲)
Bella
(2011-11-28) 2011年11月28號(6歲)
音樂類 華語流行音樂
出道作品 《說真心話》
代表作品
  • 《舊夢》
  • 《愛到無路可退》
  • 《回味》
  • 《相見恨晚》
  • 《死心眼》
  • 《敲敲我的頭》
  • 《走在紅毯那一天》
  • 《鏡子裡的我》
  • 《大齡女子》
活躍年代 1990年代-
唱片公司 巨石音樂(1996年-1998年)
博德曼音樂(1999年-2003年)
多利安娛樂(2007年-2008年)
美夢成真音樂(2009年-2013年)
金牌大風(2013年-依家)

彭佳慧粵拼paang4 gaai1 wai3英文Julia Peng1972年4月20號—),祖籍廣東梅縣出身屏東六堆客家人,台灣歌手、作曲人同舞台劇演員。佢嘅表哥黃中原係台灣著名音樂人兼創作歌手。佢嘅阿妹彭佳霓係台灣客家電視台《客家新樂園 Hot Music》主持人,同音樂人謝宇威搭擋主持。佢1996年以專輯《說真心話》正式出道,低音渾厚高音充滿爆發力,係第8屆金曲獎最佳新人獎得主,2016年更以《大齡女子》專輯拎咗第27屆金曲獎最佳國語女歌手獎,擁有《舊夢》、《相見恨晚》、《死心眼》、《聽到你一聲再會》、《敲敲我的頭》、《走在紅毯那一天》等多首被人讚嘅歌。由於出身自隔代教養嘅家庭,因此佢對社會上嘅弱勢家庭好關心,成名後多次參與各項公益活動,2014年做咗家扶基金會「無窮世代」公益大使,同埋認養5位貧困兒童。

經歷[編輯]

出道過程[編輯]

細個就鍾意音樂同表演嘅彭佳慧,喺小學時期就入咗合唱團。高中畢業於屏東縣國立潮州高中。高三畢業嗰年獨自北上參加華視舉辦嘅「金曲龍虎榜巨星之聲模仿大賽」,當中扮江淑娜而獲得一班評委一致青睞獲得冠軍。而鍾意唱歌嘅佢返到充滿熱情嘅南部後就喺民生餐廳同PUB演唱,當時同事包括小馬小鐘[1]。1995年,佢去台北EZ5 PUB駐唱演出時,因為獨特嘅唱腔同舞台魅力得到鍾鎮濤趙詠華李正帆同巨石唱片老闆鄭柏秋嘅賞識,重同唱片公司簽約。

初長期:1996年-1998年[編輯]

1996年8月,佢出首張專輯《說真心話》,銷售達40萬張,其中主打歌《舊夢》重係傳唱多時。翌年喺第8屆金曲獎上擊敗dMDM、黃名偉同黃嘉千等人攞到「最佳新人獎」,重以《舊夢》攞到「最佳作曲人獎」(李正帆作曲)。同年11月,同劉德華合作合唱歌《願牽你的手》,收錄喺劉德華國語專輯《因為愛》入面。

1997年4月,推出第2張專輯《彭佳慧》,賣座依舊,其中主打歌《愛到無路可退》攞咗馬來西亞「1997中文音樂金曲獎」嘅「年度金曲」同「實力派女歌手」等大獎。

1998年1月,推出第3張專輯《看穿》,以反璞歸真嘅自然風格呈現,創下三白金唱片嘅銷售佳績,其中主打歌《聽到你一聲再會》、《心酸的情歌》有一致嘅好評,同時舉辦個人10場大型校園巡迴演唱會。同年12月,出第4張專輯《敲敲我的頭》,主打歌《敲敲我的頭》、《死心眼》、《相見恨晚》反應唔俗,同時重首次幫柯以敏創作《想你想瘋了》收錄喺柯以敏個人專輯《想你想瘋了》入面。

發展期:1999年-2002年[編輯]

1999年6月,出首張新歌加精選輯《過程》,收錄2首新歌同18首精選舊作,其中第1主打歌《快樂的人請舉手》獲得Channel[V]華語榜中榜「最具爆發力女歌手」獎項,而第2主打歌《走在紅毯的那一天》獲得飛碟電台「1999年度15大點播金曲」同「1999年度最佳新歌加精選輯」銀獎、Hit FM電台「1999年度十大金曲」獎項。重喺同年8月喺台北國際會議中心舉行「呼彭喚友」大型演唱會。

2000年1月,出第5張專輯《First Time》,重首次同陳昇合作主打歌《愛瘋了》,同埋首次收錄個人創作《風流女生》,其中《甘願》喺2001年攞咗中國「喜之郎首屆音樂風雲榜頒獎盛典」嘅「年度十大金曲」,同時佢喺呢個專輯重翻唱林憶蓮嘅國語舊作《聽說愛情回來過》。同年5月,受中國大陸邀約,喺北京化工大學舉辦個人首場內地校園演唱會。同年12月,出第6張專輯《說真的》,其中第一主打歌《一九九幾的他》係當時重未出道嘅新加坡創作歌手黃義達嘅第一首創作,而第二主打歌《回味》係同佢合作無間嘅音樂人陳國華嘅創作,第三主打歌《說真的》係佢嘅個人創作。

2001年,佢喺中國大陸受到相當多嘅邀約,其中喺同年3月至4月間受湖南經視台嘅邀請去湖南長沙搞「彭佳慧藝能歌友會」,同埋喺上海理工大學舉辦個人首場校園演唱會。同年7月,擔任林志炫「至情至炫」中國演唱會2場嘅嘉賓。同年12月,出第7張專輯《情歌手》,其中第1主打歌《亮晶晶》係佢同陳國華2人聯手作曲,第2主打歌《情歌手》係陳珊妮首次幫佢詞曲一手包辦嘅歌,第3主打歌《別問我愛誰》係電視劇《多桑與紅玫瑰》嘅主題曲。

2002年3月,受邀去馬來西亞雲頂星河劇場,舉辦一場3個鐘嘅演唱會。同年4月,去深圳參加音樂風雲榜頒獎典禮,攞咗2001年度「最佳女飛躍獎」。同年11月,獲頒馬來西亞第2屆金曲紅人頒獎禮嘅「最受歡迎現場舞台表現女歌手獎」。同年12月,出第2張新歌加精選輯《暢情錄》,收錄4首新歌同20精選舊作,其中有2首主打歌《自從》、《留住》係黃韻玲首次幫佢作曲嘅創作,另2首主打歌《快樂群島》、《紅的黃的橙的灰的》分別由新加坡音樂人李偲菘李偉菘2人創作,呢個精選輯推出後佢同BMG唱片合約正式約滿。

隱沒期:2003年-2006年[編輯]

BMG唱片約滿之後,因為BMG唱片人事改組,佢就從此喺歌壇銷聲匿跡,呢段期間佢除咗喺PUB駐唱同中國、新馬地區做商業演出之外,亦參與過舞台劇嘅演出,其中喺2004年參與音樂舞台劇《但願人長久》嘅演出,飾演年輕時期嘅鄧麗君一角。

2006年2月,受邀擔任新加坡音樂人李偲菘、李偉菘嘅「親親菘菘音樂會」表演嘉賓。同年4月21號,宣布同從事大陸、韓國進口服裝貿易的圈外人王丕仁(Steven)結婚。

復出期:2007年-2012年[編輯]

2007年,佢同多利安娛樂簽約,重喺同年9月喺遊鴻明個人創作專輯《倦鳥餘花》當中同遊鴻明合唱《夫妻臉》一曲;原定進行新專輯嘅籌備錄製,但因簽約後發現有咗而暫時擱置計畫。之後喺11月生咗一個仔(王子仲,Brandon,小名:小王子)。

2008年,佢簽約由齊秦創立嘅虹之美夢成真經紀,6月同遊鴻明合辦大型售票演唱會《呼彭喚遊》,喺台北(3場)、台中、高雄3地舉辦,同時喺演唱會中發表親自創作嘅新歌《從此以後》,2009年12月出第8張專輯《因為…女人說》。

2011年11月28號,佢生咗對孖女Beverly 同 Bella,但剖腹生女後8個鐘,因為失血過多而癲癇癥發作,一度住喺加護病房。

成熟期:2013年-至今[編輯]

2013年3月,加盟湖南衛視《我是歌手》第一季、為終極補位歌手,喺4月12號總決賽未能晉級為「終極歌王候選人」。同年8月,自組風流女生工作室,同金牌大風簽約,推出第9張全新專輯《醉佳時分》再戰歌壇,其中專輯首波主打《鏡子裡的我》宛如彭佳慧嘅自傳體歌,呈現彭佳慧一路走來嘅星路歷程。同年開咗《My Moments In Time》演唱會。

2014年12月,帶埋被叫做「美聲四季」嘅組合參加「叫醒耳朵一起唱」《夢想星搭檔》第二季,喺第二輪遭到淘汰。

2015年,開咗《越愛越勇敢》演唱會。同時等咗5年半嘅時間,佢再次出全新新歌專輯大齡女子》。經歷18個月嘅製作。聯合咗製作人陳建騏蔡健雅,­製作人Jim Lee同阿沁全力製作,由金馬獎電影配樂提名林尚德負責統籌。得到創作人羅大佑林夕嘅量身創作,創作陣容包括蔡健雅同小寒、陳小霞徐佳瑩、­蕭煌奇阿沁徐世珍易家揚陳宏宇同埋伍家輝佳旺饒彗冰­、吳振豪等。2016年憑住呢張專輯喺出道20年後首次入圍並獲得第27屆金曲獎最佳國語女歌手獎」獎項。

2017年3月,加盟湖南衛視歌手2017》、為終極逆戰歌手,喺第五輪遭到淘汰,之後喺突圍賽演唱《大齡女子》以第六名突圍成功,再喺半決賽遭到淘汰。

音樂作品[編輯]

錄音室專輯[編輯]

依序 發行日期 專輯名 曲目
1 1996年8月 《說真心話》
2 1997年4月 《Julia》
3 1998年3月 《看穿》
4 1998年12月 《敲敲我的頭》
5 2000年1月 《First Time》
6 2000年12月 《說真的》
7 2001年12月 《情歌手》
8 2009年12月 《因為女人說》
9 2013年8月 《醉佳時分》
10 2015年6月 《大齡女子》

精選專輯[編輯]

依序 發行日期 專輯名 曲目
1 1998年 《慧眼獨具》(精選)
2 1999年7月 《過程》(新歌加精選)
3 2002年12月 《暢情錄》(新歌加精選)
4 2007年12月 《絕對收藏彭佳慧》(精選)
5 2008年 《彭遊戀歌最愛精選》(精選)
6 2011年 《經典專輯復刻盒裝》(精選)

單曲[編輯]

依序 發行日期 歌曲 備註
1 1996年11月 《願牽你的手》 劉德華合唱
2 2003年 《手牽手》 群星合唱
3 2007年9月 《夫妻臉》 遊鴻明合唱
4 2010年2月 《BEAUTY》 東京賞花節主題曲/日語
5 2010年2月 《花 ござい》 日語
6 2015年6月 《現在的我》
7 2015年8月 《心之火》 電視劇《花千骨》片頭曲/同F.I.R合唱

實況專輯[編輯]

發行日期 專輯名 曲目
1999年 《呼彭喚友》

影音專輯[編輯]

依序 發行日期 專輯名 曲目
1 2001年 《甘願說真的》 (VCD)
2 2006年 《彭佳慧: 美聲榮耀》(Dual Disc 影音雙面碟)
3 2013年 《最佳美聲》影音典藏精選(2CD+DVD)

綜藝節目[編輯]

《我是歌手》第一季[編輯]

2013年3月,加盟湖南衛視《我是歌手》第一季、為終極補位歌手,喺4月12號總決賽未能晉級為「終極歌王候選人」。

我是歌手第一季 彭佳慧競演排名
期數 輪數 播出日期 演唱歌曲 原唱 歌曲介紹 排名 得票率 備註
9 第五輪排位賽 2013年3月15號 《走在紅毯那一天》(國語) 彭佳慧 詞:李安修
曲:陳國華
編曲:梁翹柏
3 15.20% 為個人演出最高嘅排名同得票率
10 第五輪淘汰賽 2013年3月22號 《殘酷的溫柔》(國語) 齊 秦 詞:李格弟
曲:齊 秦
編曲:梁翹柏
4 12.35% 為個人演出最低嘅得票率
兩場總排名第4名
晉級半決賽
11 復活賽 2013年3月29號 在線歌手進入半決賽
12 半決賽 2013年4月5號 One Moment in Time英文One Moment in Time》(英語) Whitney Houston 詞:Albert Hammond英文Albert Hammond
曲:John Bettis英文John Bettis
編曲:梁翹柏
4 不詳
13 總決賽第一輪 2013年4月12號 《酒幹倘賣無》(國語) 蘇 芮 詞:羅大佑侯德健
曲:侯德健
編曲:洪敬堯洪信傑
5 不詳 為個人演出最低嘅排名
幫唱嘉賓為順子
《一無所有》(國語) 崔 健 詞/曲:崔 健
編曲:洪敬堯、洪信傑
總決賽第二輪 《相見恨晚》(國語) 彭佳慧 詞:娃 娃
曲:陳國華
編曲:梁翹柏
前七強 專家顧問團投票第2名
未能晉級為「終極歌王候選人」
雙年巔峰會 2014年4月11號 《鹿港小鎮》(國語) 羅大佑 詞/曲:羅大佑
編曲:梁翹柏

歌手2017[編輯]

2017年3月,加盟湖南衛視歌手2017》、為終極逆戰歌手,喺第五輪遭到淘汰,之後喺突圍賽演唱《大齡女子》以第六名突圍成功,再喺半決賽遭到淘汰。

歌手2017 彭佳慧競演排名
期數 輪數 播出日期 演唱歌曲 原唱 歌曲介紹 排名 得票率 備註
9 第五輪補位賽 2017年3月18號 愛上一個不回家的人》(國語) 林憶蓮 詞:丁曉雯
曲:陳志遠
編曲:蔡科俊
7 10.64% 為個人演出最高嘅得票率
10 第五輪淘汰賽 2017年3月25號 《想你想瘋了》(國語) 柯以敏 詞:彭佳慧、黃桂蘭、戴唯正
曲:彭佳慧
編曲:Nick Pyo
6 10.59% 為個人演出最高嘅排名
兩場總排名第7名
11 突圍賽 2017年4月1號 《大齡女子》(國語) 彭佳慧 詞:陳宏宇
曲:蕭煌奇
編曲:Nick Pyo
6 8.22% 突圍成功
為個人演出最高嘅排名同最低嘅得票率
《走在紅毯那一天》(國語) 詞:李安修
曲:陳國華
編曲:Nick Pyo
12 半決賽 2017年4月8號 I Wanna Dance With Somebody》(英語) Whitney Houston 詞/曲:George Merrill英文George Merrill (songwriter)Shannon Rubicam英文Shannon Rubicam
編曲:Nick Pyo
不詳 未晉級決賽
13 決賽 2017年4月15號 Can't Take My Eyes Off You》(英語) Frankie Valli 詞/曲:Bob Crewe英文Bob CreweBob Gaudio英文Bob Gaudio
編曲:John Laudon
以組合形式同杜麗莎返場表演
《天天想你》(國語) 張雨生 詞:陳樂融
曲:陳志遠
編曲:John Laudon

文字作品[編輯]

詞曲創作[編輯]

依序 年份 歌手 歌曲 作詞 作曲
1 1996年 李心潔 《任性》 Super 彭佳慧
2 1999年 柯以敏 《想你想瘋了》 彭佳慧
黃桂蘭
戴唯正
彭佳慧
3 2000年 彭佳慧 《風流女生》 彭佳慧 彭佳慧
4 2000年 彭佳慧 《說真的》 易家揚 彭佳慧
5 2001年 彭佳慧 《亮晶晶》 李安修 彭佳慧
陳國華
6 2002年 彭佳慧 《自從》 彭佳慧 黃韻玲
7 2002年 彭佳慧 《紅的黃的橙的灰的》 彭佳慧 小夏
8 2009年 彭佳慧 《從此以後》 彭佳慧 彭佳慧

書籍[編輯]

年份 書名 出版社 ISBN
2016年 《關於愛…這件事》 帕斯頓數位多媒體出版 ISBN 9789869304559

獎項紀錄[編輯]

年份 頒獎典禮 獎項 作品名 唱片公司 結果
1990年 中華電視公司金曲龍虎榜巨星之聲模仿大賽 攞獎
1997年 第8屆金曲獎 最佳新人獎 《說真心話》 巨石音樂 攞獎
2016年 第27屆金曲獎 最佳國語女歌手獎 《大齡女子》 金牌大風 攞獎

參考[編輯]

出面網頁[編輯]